U Myntri Rangbah Duh, Narendra Modi u la plié paidbah ia ka 'Ek Ped Maa Ke Naam' Campaign ha ka World Environment Day. U Modi u la thung ia u dieng Peepal ha Buddha Jayanti Park ha Delhi. U la kyntu ruh ia baroh ba kin ia noh synniang sha ka jingpynbha ia ka pyrthei bad u la iathuh ba ha kine ki shiphew snem ba la dep, ka India ka la shim shibun ki sienjam iatreilang kiba la ialam sha ka jingkiew ki jaka ba tap khlaw ha kylleng ka ri. Kane ka dei ka kam kaba kongsan tam jong ngi na ka bynta ka roi ka par kaba iaineh, la ong u Modi.

U Myntri Rangbah Duh u la post ha ka thread ha ka X;

“Mynta ka sngi, ha ka World Environment Day, nga kmen ban sdang ia ka campaign, #एक_पेड़_माँ_के_नाम. Nga kyntu ia baroh ka India bad ha kylleng ka pyrthei, ba phin ia thung dieng ha kine ki sngi ban wan kum ka jingai burom ia i mei jong phi. Da iasam ia ka dur jong phi haba phi leh ia kane da kaba pyndonkam ia ka #Plant4Mother lane #एक_पेड़_माँ_के_नाम.”

“Mynta ka step, nga la thung ia u dieng katkum ka jingkut jong ngi ban iada ia ka Mei Mariang bad ruh ka jingshim ia ki rai kiba pynlong ba ka jingim jong ngi ka long kaba iaineh. Nga kyntu ia phi ban noh synniang sha ka jingpynbha ia ka pyrthei jong ngi. #Plant4Mother #एक_पेड़_माँ_के_नाम”

“Nga tharai phin kmen ruh ban tip ba ha kine ki shiphew snem ba la dep, ka India ka la shim shibun ki sienjam iatreilang kiba la ialam sha ka jingkiew ki jaka tap khlaw ha kylleng ka ri. Kane ka long kaba bha na ka bynta ka kam jong ngi ban wanrah ia ka roi ka par kaba iaineh. Ka long ruh kaba i shong khia ba ka imlang sahlang ka la shimti ia kane ka kam bad ka la ialam lynti ha kane.

“आज विश्व पर्यावरण दिवस पर मुझे #एक_पेड़_माँ_के_नाम अभियान शुरू कर अत्यंत प्रसन्नता हो रही है। मैं देशवासियों के साथ ही दुनियाभर के लोगों से आग्रह करता हूं कि वे अपनी माँ के साथ मिलकर या उनके नाम पर एक पेड़ जरूर लगाएं। ये आपकी तरफ से उन्हें एक अनमोल उपहार होगा। इससे जुड़ी तस्वीर आप #Plant4Mother, #एक_पेड़_माँ_के_नाम के साथ जरूर साझा करें।”

***