இந்திய கடற்படையின் முதன்மையான பயிற்சி நிறுவனமான ஐஎன்எஸ் சில்காவை முப்படைகளின் தலைமை தளபதி ஜெனரல் அனில் சவுகான் பார்வையிட்டார். இந்திய கடற்படையின் எதிர்கால கடல் வீரர்களை வடிவமைப்பதில் ஐஎன்எஸ் சில்கா ஆற்றிய முக்கிய பங்கு குறித்து அவருக்கு விளக்கப்பட்டது. அக்னிவீரர் பயிற்சி நடவடிக்கைகள் பற்றிய கண்ணோட்டம் மற்றும் சில்காவில் இன்றுவரை பயிற்சி பெற்ற தொகுதிகளின் பகுப்பாய்வு ஆகியவை அவருக்கு விளக்கப்பட்டன.

அக்னிவீரர்கள் இடையே  உரையாற்றிய அவர், திறமையான, ஒழுக்கமான மற்றும் ஊக்கமளிக்கும் இளைஞர்களை வழங்குவதன் மூலம்  தேசத்தைக் கட்டியெழுப்புவதில் இளைஞர்களின் சுயவிவரத்தை பராமரிப்பதற்கான முக்கிய சீர்திருத்தங்களில் ஒன்று 'அக்னிபாத்' திட்டம் என்று கூறினார்.

 தொழில்நுட்ப ரீதியாக திறமையான கடல் வீரர்களாக மாறுவதற்கான பயிற்சியில் கவனம் செலுத்துமாறு அக்னிவீரர்களை அவர் அறிவுறுத்தினார். இந்த உரையாடலின் போது, அக்னிவீரர்களின் பல்வேறு கேள்விகளுக்கு அவர் பதிலளித்தார்.

கடற்படையில் அக்னிவீர் பயிற்சி பற்றிய நுண்ணறிவைப் பெற, சி.டி.எஸ் பயிற்சி உள்கட்டமைப்பில் ஒரு குறுகிய சுற்றுப்பயணத்தை மேற்கொண்டது. அடுத்த தலைமுறை கடல் வீரர்களை வடிவமைத்து உயர் தரத்திலான பயிற்சியை அளித்து வரும் பயிற்சி ஆசிரியர்களை அவர் பாராட்டினார்.

***

PKV/KV

­