Ha ka jingpyntreikam ia ki jingai jingmut ka Seventh Central Pay Commission, ka Tnat Pension and Pensioners’ Welfare lyngba ka OM No. 38/37/2016-P&PW (A) (i) ha ka 04.08.2016 ka la pyllait ia ki jingbthah kiba iadei bad ka jingpynkylla ia ki kyndon kiba iadei bad ka bai bam tymmen pension/gratuity/commutation jong ki pension/family pension/disability pension/ex-gratia lump-sum compensation bad kiwei kiwei.

Katkum ka rai jong ka Sorkar halor ki jingai jingmut ka Seventh CPC, yn kyntiew ia u pud jong ka bai bam tymmen bad ka jingai jingsiew haba khlad noh da 25% kata na ka T 20 Lak sha ka T 25 Lak haba poi ka bai Dearness Allowance sha ka 50%.

Ka tnat Expenditure, lyngba ka OM No. 1/1/2024-E-II(B) ha ka 12.03.2024 ka la ai jingbthah shaphang ka jingkyntiew ia ka bai Dearness Allowance na ka 46% kumba long mynta sha ka 50% jong ka jingsiew Basic naduh ka 1 tarik u Kyllalyngkot, 2024.

Kumta, ka tnat Pension & Pensioners’ Welfare, hadien ka jingiamir jingmut bad kito kiba iadon bynta ha kane ka kam, ka la phah ia ki jingbthah lyngba ka OM No. 28/03/2024-P&PW (B)/Gratuity/9559 ha ka 30.05.2024, ban kyntiew ia u pud jong ka bai bam tymmen bad ka jingai jingsiew haba khlad noh sha ka T. 25 lak hapoh ka CCS (Pension) Rules, 2021 bad ka CCS (Payment of Gratuity under NPS) Rules, 2021. Kane ka jingkyntiew kan treikam naduh ka 1 tarik u Kyllalyngkot 2024.

Lah ban kdew ruh hangne ba ka bai bam tymmen bad ka jingai jingsiew haba khlad noh ka shong ha ka jingsiew basic ba la ioh khatduh bad ka jingjrong ka jingai jingshakri jong ki nongtrei.

***