Ka National Statistical Office (NSO), Tnat Statistics and Programme Implementation (MoSPI) ka la pyllait ia une u Kyrwoh, ka jingantad ba shipor (PE) jong ka Annual Gross Domestic Product (GDP) na ka bynta u snem mang tyngka (FY) 2023-24 bad ki jingantad ba man ka lai bnai (Quarterly Estimates) jong ka GDP na ka bynta ka quarter kaba saw (Kyllalyngkot- Lber) jong u snem 2023-24 ryngkat bad ki bynta jingpynlut katkum ka dor ba sah (2011-12) bad  bad ki dor ba mynta. Ki jingantad ba shisien shi snem bad kiba saw sien ha ka shi snem jong ka Gross Value Added (GVA) katkum ki dor Basic katkum ki kam ka ioh ka kot ha ryngkat ki jingkylla percent na u snem sha u snem, ki bynta jingpynlut jong ka GDP bad ki jingantad ba shisien shi snem jong ka Gross/Net National Income bad ka Per Capita Income na ka bynta ki snem 2021-22, 2022-23 bad 2023-24 ha ki dor ba sah bad ki dor ba mynta la ai ha ki Statement 1 haduh 8 jong ka Annexure A.

Ki Mat ba kongsan:

• La antad ba ka Real GDP kan kiew da 8.2% ha u snem mang tyngka 2023-24 haba ianujor bad ka jingkiew kaba 7.0% ha u snem mang tyngka 2022-23. La sakhi ka jingkiew kaba 9.6% ka Nominal GDP ha u snem mang tyngka 2023-24 ha kaba iadei bad ka jingkiew kaba 14.2% ha u snem mang tyngka 2022-23.
• Ka Real GVA ka la kiew da 7.2% ha u snem 2023-24 haba ianujor bad ka 6.7% ha u 2022-23. Kane ka jingkiew ka GVA ka dei namar ka jingkiew 9.9% ha ki kam pynmih mar ha u 2023-24 haba ianujor bad ka -2.2% ha u 2022-23 bad ka jingkiew da 7.1% ha u 2023-24 haba ianujor bad ka 1.9% ha u 2022-23 ha ki kam tih mar poh khyndew.
• La antad ba ka jingkiew jong ka Real GVA bad Real GDP kan long 6.3% bad 7.8% ha u Q4 jong u snem mang tyngka 2023-24. La antad ba ka jingkiew ha ka Nominal GVA bad Nominal GDP na ka bynta ka Q4 jong u snem mang tyngka 2023-24 kan long 8.0% bad 9.9%.

1. Ki jingantad ha ka shi snem bad ki jingkiew

La antad ba ka Real GDP lane GDP ha ki dor ba sah kan poi sha ka T 173.82 lak klur ha u snem 2023-24, haba ianujor bad ki First Revised Estimate (FRE) jong ka GDP na ka bynta u snem 2022-23 kaba long T 160.71 lak klur. Ka jingkiew jong ka Real GDP ha u 2023-24 ka dei kaba la antad ha ka 8.2% haba ianujor bad ka 7.0% ha u 2022-23. La antad ba ka Nominal GDP lane GDP ha ki dor ba mynta kan kot sha ka T 295.36 lak klur ha u snem 2023-24, haba ianujor bad ka 269.50 lak klur ha u 2022-23, kaba pyni ba ka jingkiew ka long 9.6%.

La antad ia ka Real GVA ha ka T 158.74 lak klur ha u snem 2023-24, haba ianujor bad ka FRE na ka bynta u snem 2022-23 kaba long T 148.05 lak klur kaba pyni ia ka jingkiew kaba 7.2% haba ianujor bad ka 6.7% ha u 2022-23. La antad ba ka Nominal GVA kan kot sha ka T 267.62 lak klur ha u snem mang tyngka 2023-24, haba ianujor bad ka T 246.59 lak klur ha u 2022-23, kaba pyni ia ka jingkiew kaba 8.5%.

Fig. 1: Ka jingantad ia ka GDP ha ka shi snem bad ka GVA ha ryngkat ka jingkiew ha ki dor ba sah

Fig. 2: Ki kam bad ki jingkiew jong ka GVA ha ka shi snem

Fig. 3: Ka jingkiew jong ka GVA ha ka shi snem ha ki kam bapher bapher

[Primary Sector: Kam rep, kam ri jingri, kam khlaw & kam ri dohkha bad kam tih mar poh khyndew

Secondary Sector: Kam pynmih mar, kam bording, gas, kam pynbiang um bad kiwei kiwei ki kam ai jingshakri bad ki kam shna jingshna

Tertiary Sector: Kam khaii pateng, ki hotel, kam pynkit mar, kam ai jingtip bad ki kam kiba iadei bad ka Broadcasting, ki kam pisa, kam die jaka & ki kam ai jingshakri bad ka jingpyniaid kam, kam iada ri bad kiwei kiwei ki jingai jingshakri]

2. Ki jingantad ha man ka lai bnai bad ka jingkiew

La antad ba ka Real GDP lane GDP ha ki dor ba sah ha ka Q4 jong u 2023-24 ka long T 47.24 lak klur haba ianujor bad ka T 43.84 lak klur ha ka Q4 jong u 2022-23 kaba long ka jingkiew kaba 7.8%. La antad ba ka Nominal GDP lane GDP katkum ki dor ba mynta ha ka Q4 jong u 2023-24 ka long T 78.28 lak klur haba ianujor bad ka T 71.23 lak klur ha ka Q4 jong u 2022-23, kaba long ka jingkiew kaba 9.9%.

La antad ba ka Real GVA ha ka Q4 jong u 2023-24 ka long T 42.23 lak klur haba ianujor bad ka T 39.74 lak klur ha ka Q4 jong u 2022-23, kaba long ka jingkiew kaba 6.3%. La antad ba ka Nominal GVA ha ka Q4 jong u 2023-24 ka long T 70.97 lak klur haba ianujor bad ka T 65.74 lak klur ha ka Q4 jong u 2022-23, kaba long ka jingkiew kaba 8.0%.

Fig. 4: Ka jingantad ia ka GDP bad GVA ha man ka lai bnai ha ryngkat ka jingkiew na u snem sha u snem naduh ka Q1 jong u snem mang tyngka 2021-22 haduh ka Q4 jong u snem mang tyngka 2023-24 katkum ki dor ba sah

Fig. 5: Ka jingkiew jong ka GVA ha man ka lai bnai katkum ki kam

Fig. 6: Ka GVA ha man ka lai bnai bad ka jingkiew katkum ki kam

3. Ka rukom treikam bad ki tyllong ioh jingtip

Ki jingantad Provisional bad man ka lai bnai ia ki jingioh jong ka ri ki dei kiba la pynkhreh da kaba pyndonkam ia ka rukom treikam benchmark-indicator lane ki jingantad ba don na ka bynta u snem ba la dep (2022-23) ia kiba la pyndonkam da kaba peit lang ia ki dak ki shin kiba pyni ia ki jingseisoh jong ki kam bapher bapher. La pyllait ia ka Second Advance Estimates (SAE) jong ki jingioh jong ka ri na ka bynta u snem 2023-24 ha ka 29 tarik u Rymphang, 2024. La pynkylla mynta ia kine ki jingantad da kaba pyndonkam ia ki jingtip ba mynta shaphang ki dak ha u snem mang tyngka.

La pynkhreh ia ki jingantad katkum ki kam da kaba pyndonkam ia ki dak/tyllong data kum ka (i) Index of Industrial Production (IIP), (ii) Financial performance of Listed Companies in the Private Corporate sector based on available quarterly financial results of these companies for 2023-24, (iii) Advance Estimates of Crop Production for 2023-24, (iv) Production of Major Livestock Products for 2023-24, (v) Fish Production, (vi) Production/ Consumption of Cement and Steel, (vii) Net Tonne Kilometres and Passenger Kilometres for Railways, (viii) Passenger and Cargo traffic handled by Civil Aviation, (ix) Cargo traffic handled at Major and Minor Sea Ports, (x) Sales of Commercial Vehicles, (xi) Bank Deposits & Credits, (xii) Accounts of Central & State Governments, bad kiwei kiwei na ka bynta u snem 2023-24. Ia ki jingkiew (%) na u snem sha u snem ha ki dak ba kham kongsan ba la pyndonkam ha ki jingantad la ai ha ka Annexure B.

Baroh ki jingioh na ka khajna ba la pyndonkam ban pynkhreh ia ka GDP ki kynthup ki jingioh ba lait na ka GST bad ki jingioh na ka GST. La pyndonkam ia ki jingtip ba don na u Controller General of Accounts (CGA) bad Comptroller and Auditor General of India (CAG) ban antad ia ki khajna na ka bynta ki mar ha ki dor ba mynta. Ban pynkhreh ia ki khajna ia ki mar ha ki dor ba sah, la leh ia ka volume extrapolation da kaba pyndonkam ia ka khajna jong ki mar bad ki jingai jingshakri. Ia baroh ki subsidy ia ki mar la pynkhreh da kaba pyndonkam ia ki jingtip shaphang ki subsidy ba kham kongsan kiba long ki mar bam, urea, petroleum bad kiwei kiwei bad ki jinglut jingsep na ka bynta ki subsidy da ki Jylla haduh u Lber, 2024 ha ryngkat ka RE bad BE Provision jong ka Sorkar Pdeng/ Sorkar Jylla na ka bynta u 2023-24. La pyndonkam ia ki jingtip shaphang ki jingpynlut ia ki jingioh, ki jingsiew sut, subsidy bad kiwei kiwei na ka Sorkar Pdeng bad ki Jylla ha u 2023-24 ban antad ia ka Government Final Consumption Expenditure (GFCE).

Ka jingkiew ka jingioh data bad ka jingpeit ia ka input data da ki kynhun ba long tyllong kin don jingktah ia ka jingpeit biang ia kine ki jingantad. Kumta lah ban don ki jingpynkylla ia ki jingantad namar kine ki daw katba dang iaid ka por, kumba la pynkhreh lypa. Ki briew ki dei ban sngewthuh bha ia kane haba ki peit ia kine ki jingkhein. Ki jingantad GDP ban wan na ka bynta ka quarter Iaiong-Jylliew jong u 2024-25 (Q1 2024-25) kin wan ha ka 30.08.2024.

***********

Annexure A

Annexure B

Nion hangne ban download ia une u kyrwoh ha ka pdf

*********