ঙসি নৈ দিল্লীদা স্কুল ওব বিজিনেস এনভাইরোনমেন্ত, ইন্দিয়ন ইন্সতিত্যুত ওব কোর্পোরেত এফিয়র্স (আই.আই.সি.এ.)না ভারত সরকারগী ওফিস ওব দি প্রিন্সিপাল সাইন্তিফিক এদভাইজরগী মতেংগা লোইননা 'ভারত্তা লৈবা মকোক থোংবা কম্পেনী ১,০০০ গী রিসর্স অমসুং দিবেলপমেন্ত (আর & দি)এক্সপেন্দিচর'গী মতাংদা রাউন্দতেবল কন্সলতেসন পাঙথোকখ্রে।

হায়রিবা রাউন্দতেবল অসি হৌজিক চত্থরিবা আর & দি এক্সপেন্দিচরগী মপুং ওইবা কোর্পোরেতকী মীৎয়েংদা লৈবা রিসর্চ অসিগী শরুক অমা ওইনা, কম্পেনী চাউখৎনবা অমসুং তুং কোইনা চৎনবা হোৎনবদা চঙবা আর & দিদা ইনভেস্তমেন্ত তৌবগী তঙাইফদবা লৈরিবা অসিবু ভাপ তাহন্নবা অমসুং আর & দিগা মরী লৈনবা ৱারোলশিং ভাপ তাহন্নবগীদমক পাঙথোকখিবনি। রাউন্দতেবল কন্সলতেসনগী পান্দম অসি লৈবাক অসিদা আর & দিগী মতাংদা আই.আই.সি.এ.না চত্থরিবা রিসর্স স্তদী অমগী মরক্কী ফাইন্দিংশিংদা কোর্পোরেত লুচিংবশিংগী ইনপুত অমসুং ফীদবেক লৌনবগীদমক্তনি।

মপুং ওইবা ৱারোল পীরদুনা, প্রোফেসর অজয় কুমার সুদ, প্রিন্সিপাল সাইন্তিফিক এদভাইজর, ভারত সরকারনা আর & দি দেতা ফংনবগীদমক মতীক লৈবা অমসুং থাক অমা লেপ্পবা ক্রাইতেরিয়া অমা মথৌ তাই হায়না ফোঙদোকখি। প্রোফেসর সুদনা ভারত্তা পুরকপা য়াবা অহোংবা অমা পুখৎখি – সর্ভিসনা পুরকপা একনোমী অমদগী পোত্থোক্না পুরকপা মায়কৈদা। প্রোফেসরনা সুদনা হায়খি মদুদি সর্ভিসেসনা অচৌবা থৌদাং অমা লৌরবসু, ঐখোয়না মালেমগী থাক্তা মশক থোক্না লেপ্পা ঙমগদৌরিবসি ইন্নোভেসন অমসুং পোত্থোক পুথোকপদনি। মহাক্না কম্পেনীশিংদা আর & দিদা স্ত্রেতেজিক ওইনা ইনভেস্ত তৌনবা, ক্রিএতিবিতী অমসুং রিস্ক তেকিংগী মশক অমা পুরক্নবা পুক্নিং চিংশিনখি। অথোই অহেন তান্নবদা শরুক য়ানবগীদমক, ভারতনা পব্লিক প্রাইবেত ফন্দিংগী মওং অসি চাউখৎনবা শেন্মিৎলোন অমা পুরক্নবগী থোং অমা ওইনা লৌগদবনি। প্রোফেসর সুদকী ৱারোল অসিনা ভারতনা আর & দিগী এজেন্দা অসি অথুবদা ওন্থোকপগী তঙাইফদবদু তাক্লে। মসি মশীংখক্কী ৱা নত্তে; মসি ঐখোয়গী পন্থুং লেপ্নবা, ইন্নোভেসন শাগৎনবা অমসুং লাক্কদবা চারোল শুরোলগীদমক খোঙ্গুল অমা থম্লম্বদুনি হায়না প্রোফেসর সুদনা হায়খি।

থৌরম অদুদা পীখিবা মহাক্কী ৱারোল অদুদা দা. অজয় ভুশন পান্দে, দিরেক্তর জেনরেল অমসুং সি.ই.ও., ইন্দিয়ন ইন্সতিত্যুত ওব কোর্পোরেত এফিয়র্স অমসুং চীয়রপার্সন নেসনেল ফাইনান্সিএল রিপোর্তিং ওথোরিতী (এন.এফ.আর.এ.)না আর & দিগী হীরমদা অন্তর্জাতিগী থাক্তা পায়খৎনরিবা থবকশিং পনখি অমসুং লৈবাক অসিদা লৈরিবা আর & দিগী থৌরাংদা লৈবা তেক্স রিবেতকী পুৱারী লান্থোকখি। মহাক্না কোর্পোরেত সেক্তরশিংদা ই.এস.জি. (এনভাইরোন্মেন্তেল, সোসিএল, অমসুং গবর্নান্স) অমসুং আর & দিগী মরুওইবা খঙহনবগী তঙাইফদবা পুখৎখি অমসুং পনখি মদুদি ভারতনা দিজিতেল ইনফ্রাস্ত্রকচরগী মাঙজিল থাদুনা মায় পাক্না খুদম পীখ্রে। খা কোরিয়া, জাপান, চাইনা, সিঙ্গাপোর, য়ু.এস.এ., ইজরেল অমসুং জর্মনীগুম্বা লৈবাকশিংদা থোকখিবশিং পল্লদুনা দা. পান্দেনা হায়খি, হায়রিবা লৈবাকশিং অসিনা মখোয়গী আর & দি সেক্তর অসি চাউখৎহন্দুনা চাউখৎলবা শেন্মিৎলোন অমা ওইরি। মহাক্না ই.এস.জি. রিপোর্তিং ফ্রেমৱার্কশিং লৌখৎপনা ইনভেস্তমেন্তকী থবকশিং লাকপগে হায়বগী মতাংদা পনখি। মসিগা মান্ননা দা. পান্দেনা হায়খি, মসিনা ভারতকী আর & দিগী লেন্দস্কেপ অসিদা চাউখৎপা পুরকপা য়াগনি।

দা. পরভিন্দর মাইনি, সাইন্তিফিক সেক্রেতরী, ওফিস ওব দি পি.এস.এ.না ভারত সরকারনা রিসর্চ অমসুং দিবেলপমেন্ত লৈবাক অসিদা চাউখৎহন্নবা হোৎনরিবশিংগী মতাংদা পুখৎখি। মহাক্না হায়খি মদুদি আর & দিনা ইন্নোভেসন পুরক্নবা হোৎনরি। দা. মাইনিনা আর & দি ইনভেস্তমেন্ততা পারিবেত সেক্তরনা শরুক য়াবা হেনগৎহন্নিংবগী অপাম্বা ফোংদোকখি অমসুং প্রাইবেত সেক্তরনা তেক্নোলোজী চাউখৎনবা অমসুং তুং কোইনা চৎপা য়াবা চাউখৎপা পুরক্নবা হোৎনরিবা ঐখোয়গী খোঙচৎ অসিদা মাঙজিল থাগদবনি হায়না ফোঙদোকখি। মহাক্না তেংবাং তৌনবগী মতাংদা অমসুং আর & দি চাউখৎনবগীদমক অপুনবগী থৌনা অমা চঙলিবসিগী মতাংদা ফোঙদোকখি।

শ্রী সুনিল কুমার, এদিসনেল সেক্রেতরী, দিপার্ত্মেন্ত ওব সাইন্স অমসুং তেক্নোলোজীনা দিপার্ত্মেন্ত ওব সাইন্স অমসুং তেক্নোলোজীনা লৈবাক অসিদা আর & দিগী দেতা ফাজিন্নবা হোৎনরিবশিং অসিগী মতাংদা ফোংদোকখি। শ্রী কুমারগী রেসনেল ওইবা পোলিসী শেম্বা অমসুং ভারতকী পোলিসীশিংগা চুন্ননবা লাউরিবা খোলাউনা ভাবোকশিংগী পুক্নিং চিংশিনখি অমসুং মহাক্না আর & দি সেক্তরদা পব্লিক প্রাইবেত কম্পেনীশিংগী দেতাবেজ অসি অখন্ননা খাইদোক্নবা, পান্দম অমগী মখাদা খুৎ থিংজিনবা অমসুং মাংজৌননা তাক্তুনা ৱারেপ লৌনবা পুখৎখি।

থৌরম অদুদা পীবা মহাক্কী ৱারোলদা শ্রী ইন্দর দীপ সিংহ ধরিৱাল, জোইন্ত সেক্রেতরী, মিনিস্ত্রী ওব কোর্পোরেত এফিয়র্স (এম.সি.এ.)না ঐখোয়গী পুৱারীদগী হৌরক্লবা আর & দিগী মশক পুখৎনবা ফোঙদোক্লদুনা "পঞ্চাতন্ত্রগী লোইনাইদ্রবা ৱারীশিংদগী ঐখোয়না চহি চা কয়া অহোংবা পুরকপা ঙম্বা লৌশিং কয়া অমা ফংলি। ঐখোয়গী ইপা ইপু কয়ানা ৱাখল লৌশিংগী মগুন মশক মুন্না খঙলম্মি অমসুং মখোয়না অশেংবা লৌশিংদি পাউখুম থিবনি, ঙমখৈ তান্না চঙশিনবনি, অমসুং ক্রিএতিবিতী শেমগৎপনি হায়বসি মুন্না খঙলম্মি" হায়খি। শ্রী ধারিৱালনা কোর্পোরেত কম্যুনিতীবু হায়রিবা মগুন অসি আর & দিদা ইনভেস্ত তৌদুনা ইচম চম্না তৌফম থোকপগী তৌবা নত্তবদা লৈবাক অসিগী তুংলমচৎকীদমক ইশাগী তৌফম থোকপা ইথৌদাংনি খন্না তৌনবা পুক্নিং চিংশিনখি।

শ্রী বি.এন. সতপথি, পি.এস.এ. ফেলো, ওফিস ওব দি প্রিন্সিপাল সাইন্তিফিক এদভাইজর, ভারত সরকারনা আই.আই.সি.এ.না পাঙথোকখিবা রিসর্চ স্তদী অদুগী দ্রাফ ফাইন্দিং লান্থোকখি, মসিদা মার্কেত কেপিতেলাইজেসন্না লেপ্পা মকোক থোংবা কম্পেনী ১,০০০গী আর & দি এক্সপেন্দিচরশিং য়াওরি। রিসর্চ স্তদী অসিনা কম্পেনীশিং, সেক্তর, অমসুং জিওগ্রাফীশিংগী মরক্তা লৈবা চাদিংশিং চাংদম্নখি অমসুং তুং কোইনা চৎপা য়াবা থৌরাংশিং অমসুং আর & দিদা লৈবা ইনভেস্তমেন্ত স্ত্রেতেজীশিংগী আর & দি চাদিংশিং চাংদম্নখি।

দা. গরিমা দধিচ, এসোসিএত প্রোফেসর অমসুং হেদ, স্কুল ওব বিজিনেস এনভাইরোনমেন্ত, আই.আই.সি.এ.না হায়খি মদুদি, "ঐখোয়না ইন্নোভেসন অমসুং তুং কোইনা চৎপা হায়বসিগী মরক্তা লেপ্লি। ঐখোয়না আর & দিদা লেপ্লিবা ফিরেপ অসিনা ঐখোয়গী পন্থুং শেমগনি, মসিনা লল্লোন ইতীক্তা শাফু পীবদা নত্তনা ঐখোয়গী অকোইবা, খুন্নাই অমসুং তুংগী মীরোলশিংদসু শাফু পীগনি।" দা. দধিচনা রাউন্দতেবল অদুগী অখন্নবা পান্দমশিংগী মতাংদা পুখৎলদুনা অচেৎপা ৱারেপ, হেন্না ফগৎলবা রিপোর্তিংগী থবকশিং, মতেং অমসুং মতম শাংনা চৎপা য়াবা শাফুগী মতাংদা ঙাংখি।

দা. রভি রাজ অত্রে, চীফ প্রোগ্রাম একজিক্যুতিব, স্কুল ওব বিজিনেস এনভাইরোনমেন্ত, আই.আই.সি.এ.না রাউন্দতেবল অদুগী মপুং ওইবা থৌদাং লৌখি। থৌরম অদুদা তোঙান-তোঙানবা পব্লিক অমসুং প্রাইবেত কোর্পোরেত হাউজেসশিংদগী আর & দি/সস্তেনেবিলিতী দিভিজনগী মকোক থোংবা মীহুত ৫০ রোম্না শরুক য়াখি।

কন্সলতেসন অদুদগী মরুওইবা রিকমেন্দেসনশিং লৌখৎলদুনা আর & দিগী দেতাশিং রিএল তাইম ওইনা য়েংশিন্নবা অখন্নবা ৱেব পোর্তেল অমা শেমগৎনবা, কোর্পোরেত ফংসনরীশিংদা আর & দিগী মরুওইবশিং খঙহন্নবা হোৎননবা পুখৎনরকখি। আর & দিগী মপুং ওইবা ৱাহন্থোক অমগী মরুওইবা, স্তেন্দার্দ ওইবা ফোর্মেত্তা আর & দিগী দিস্ক্লোজর, অসিগুম্বা রিসর্চ অমা লিস্ত তৌদবা কম্পেনীশিংদা পুখৎনবা হোৎনবনচিংবা য়াওরি।

মসিমসু তঙাইফদনা পনফম থোকই মদুদি প্রিন্সিপাল সাইন্তিফিক এদভাইজরগী ওফিসনা ভারত্তা লৈবা মকোক থোংবা কম্পেনী ১,০০০ গী আর & দি এক্সপেন্দিচরগী মতাংদা রিসর্চ স্তদী অমা তৌনবা স্কুল ওব বিজিনেস এনভাইরোন্মেন্ত, আই.আই.সি.এ.দা য়াথং পীখি।

***************