স্কিল দিবেলপমেন্ত অমসুং ওন্তপ্রিনোর্শিপ মন্ত্রালয় (MSDE)না দ্রোন দিদি য়োজনাগী মখাদা পাইলোৎ প্রোজেক্ত অনি পাইখৎনবা মহিন্দ্র এন্দ মহিন্দ্র লিমিতেদকা মেমোরেন্দম ওফ অন্দরস্তেন্দিং (MOU) অমা খুৎয়েক পীনখ্রে। স্কিল দিবেলপমেন্ত অমসুং ওন্তপ্রিনোর্শিপ মন্ত্রালয়গী সেক্রেরী, শ্রী অতুল কুমার তিৱারি; মহিন্দ্র গ্রুপকী গ্রুপ CEO অমসুং MD, দা. অনিশ শাহ অমসুং MSDEগী মকোক থোংবা ওফিসিএলশিংনা থৌরম অসিদা শরুক য়াখি। চহি অসিগী অঙনবা শরুক্তা হৌদোকখিবা স্কিম অসিনা মহৈ-মরোংগী হার চাইবা, মহৈ-মরোংগী গ্রোথ য়েংশিনবা অমদি মরু হুনবা অসিগুম্বা লৌউ-শিংউগী থবক-থৌরমশিং অসিগীদমক দ্রোন পাইবা তম্বীনবা নুপী 15,000 ত্রেন তৌনবা পান্দম থম্মি, মসিনা অনৌবা তেক্নোলোজীগী লমশিংদা স্কিলশিং লৈহন্নবা তৌবগী খুত্থাংদা নুপীশিংদা অনৌবা হিংনবগী খুদোংচাবশিং পীগনি।

থৌরম অদুদা ৱা ঙাংলদুনা, শ্রী তিৱারিনা মহিন্দ্র এন্দ মহিন্দ্র লিমিতেদকী লৌউ-শিংউগী এক্সপর্তিস অসি কম্প্রেহেন্সিব ত্রেনিংগী থোংদা মতৌ করম্না শিজিন্নগনি হায়বদু শন্দোক্না তাকখি। লৌউ-শিংউদা খুঙ্গংগী নুপীশিংবু মপাঙ্গল কনখৎহন্নবা পাইলোৎ প্রোজেক্তশিংগীদমক NSTIগী হায়দ্রাবাদ অমসুং নোইদাদা লৈবা সেন্তর অনি খনখ্রে হায়নসু মহাক্না ফোংদোকখি। চুংশিন্নবা অসিনা লৈবাক শেমগৎপদা নুপীশিংবু মপাঙ্গল কনখৎহন্নবা মিসন অসি মাংলোমদা পুরি, মরুওইনা অনৌবা ত্রেদশিংদা নুপীশিংবু মপাঙ্গল কনখৎহন্নবা দ্রোন দিদি প্রোগ্রাম অসি মায় পাক্না পাইখৎলি হায়না শ্রী তিৱারিনা মখা তাখি। মহাক্না হায়খি মদুদি চুংশিন্নবা অসিনা লৈবাক শেমগৎপদা মতেং পাংনবা নুপীশিংদা মথৌ তাবা স্কিলশিং পীনবা মন্ত্রালয়গী ভিজনবু খুমাং চাউশিলহল্লগনি।

তেক্নোলোজী ইন্দস্ত্রীগী মকোক থোংবা পার্তনরশিংগা মমাংদা মায় পাক্না তেংবাং পীনখিবা অদুদা য়ুম্ফম ওইদুনা, মসিগী খোংথাং অসিনা M&M গা লোয়ননা তেংবাং পীনবা প্রোজেক্ত কয়াগী হৌরকফম ওইরি হায়নসু শ্রী তিৱারিনা পনখি। মহাক্না হায়খি, ত্রেনিংগী অকনবা মেথোদোলোজীশিং অমসুং হন্দ-ওন লর্নিং এক্সপরিয়েন্সশিংগী খুত্থাংদা মহৈরোইশিং অসি মখোয়না খনগৎলবা লমশিংদা মায় পাক্নবা মথৌ তাবা প্রাক্তিকেল স্কিল অমসুং কম্পিতেন্সিশিংগা লোয়ননা কান্নরবা কন্ত্রিব্যুসনশিং লৈবাক্কী সোসিও-ইকোনোমিক গ্রোথতা পীগনি।

দা. অনীশ শাহনা হায়খি মদুদি কম্পনীগী রাইস ফিলোসোফীগা লোয়ননা, ৱার্কফোর্সতা য়াওননবা অমসুং শেল-থুমগী মনিংতম্বা ফংনবগীদমক মথৌ তাবা স্কিলশিংগা লোয়ননা নুপীশিংদা শক্তি পীনবা হোৎনরি। মহাক্না হায়খি মদুদি দ্রোন দিদি য়োজনাগী মখাদা পাইলোৎ প্রোজেক্তশিং অসি নুপী, লৌউ-শিংউ অমসুং তেক্নোলোজীগী অহানবা মখলগী পুনশিন্নবা অমনি।

পার্তনরশিপ অসিগী মখাদা MSDE অমসুং M&Mনা হায়দ্রাবাদ অমসুং নোইদাদা লৈবা নেস্নেল স্কিল ত্রেনিং ইন্সতিত্যুৎ (NSTI)দা  অমমমদা নুপী 20গী অখন্নবা বেৎচশিংদা নুপী 500 স্কিল তৌনবা পাইলোৎ প্রোজেক্ত অনি পাইখৎলগনি। দিরেক্তোরেত জেনরেল ওফ সিভিল এভিয়েসন (DGCA) না অয়াবা পীরবা নুমিৎ 15নিগী করিকুলম অসি সেন্তরশিং অসিদা রিমোৎ পাইলোৎ ত্রেনিং ওর্গনাইজেসন (RPTO) গী ইন্সত্রক্তরশিংনা পীগনি।

মসিগী পার্তনরশিপ অসিগী মনুংদা, NSTIশিংনা ত্রেনিং প্রোগ্রাম অসি পাংথোক্নবগীদমক ইনফ্রাস্ত্রকচর, শরুক য়ারিবশিংগীদমক হোস্তেলগী খুদোংচাবশিং ফংহল্লগনি, অমসুং শরুক য়াবা হেনগৎহন্নবা লোকেল ৱুমেন সেল্ফ হেল্প গ্রুপশিং অমসুং NGOশিংদা মতেং পাংগনি। মহিন্দ্রা গ্রুপনা সিমুলেসন মেছিনরি/দ্রোনশিং, সিমুলেতর কন্ত্রোলর, সিমুলেতর সোফৱেয়র, i5 প্রোসেসর অমসুং ত্রেনরগা লোয়ননা দেস্কতোপ কম্প্যুতরগী খুত্থাংদা অহানবা সেত-অপ সপোর্ত পীগনি অমসুং সেন্তরশিংদা DGCA লাইসেন্স হোল্দর ইন্সত্রক্তরশিংগী শেনফম য়াওনা পাইলোৎ প্রোজেক্তশিংগী মতমগী ওইনা ওপরেতিং কোস্তশিং পীরগনি।  

পাইলোৎ প্রোজেক্তশিংদগী ফংলকপা লৌশিং অমসুং মহৈশিং অসিনা MSDEনা লৈবাক শিনবা থুংনা মশক খঙদোক্লবা NSTI/ITIশিংদা দ্রোন দিদি য়োজনা পাকথোক চাউথোকহনবদা মতেং পাংগনি। দ্রোন দিদি য়োজনাগী পান্দমদা মখা তানা মতেং পাংনবা, M&Mনা অথুবা মতমদা তেলঙ্গানাগী জহিরাবাদ অমসুং মহারাস্ত্রগী নাগপুরদা লৈবা কম্পনীগী স্কিল্লিং সেন্তরশিংদা নুপীশিংগীদমক দ্রোন ত্রেনিং হৌদোক্লগনি।

***