மே 3-ம் தேதியன்று, பெண் பிரதிநிதிகளின் சக்திவாய்ந்த குரல்கள் ஐக்கிய நாடுகள் தலைமையகத்தின் புனிதமான அரங்குகளில் எதிரொலித்ததால் ஒரு முக்கியமான சந்தர்ப்பத்தைக் குறித்தது. இந்தியாவின் பஞ்சாயத்து ராஜ் நிறுவனங்களிலிருந்து தேர்ந்தெடுக்கப்பட்ட பெண் பிரதிநிதிகள்  " நீடித்த வளர்ச்சி இலக்குகளை உள்ளூர்மயமாக்குதல்: இந்தியாவில் உள்ளூர் நிர்வாகத்தில் பெண்கள் வழிநடத்துகிறார்கள்" என்ற தலைப்பில்  நடந்த சிபிடி57 துணை நிகழ்வில் மைய மேடையில் இருந்தனர். இது பார்வையாளர்களை அவர்களின் எழுச்சியூட்டும் கதைகள் மற்றும் மாற்றத்திற்கான முயற்சிகளால் கவர்ந்தது. மூன்று புகழ்பெற்ற பெண் பஞ்சாயத்து தலைவர்கள் – திருமதி சுப்ரியா தாஸ் தத்தா, திருமதி குனுகு ஹேமா குமாரி மற்றும் திருமதி நீரு யாதவ் – குழந்தை திருமணத்தை எதிர்த்துப் போராடுவது, கல்வியை ஊக்குவித்தல், நிதி உள்ளடக்கம், வாழ்வாதார வாய்ப்புகள், சுற்றுச்சூழல் நிலைத்தன்மை மற்றும் விளையாட்டு போன்ற முன்முயற்சிகள் மூலம் பெண்கள் மற்றும் சிறுமிகளுக்கு அதிகாரமளிக்கும் அவர்களின் அற்புதமான பணிகளால் ஈர்க்கப்பட்டனர். நீடித்த வளர்ச்சி இலக்குகளை  உணர்ந்து கொள்வதில் பெண்களின் தலைமைத்துவத்தின் விடாமுயற்சி மற்றும் தாக்கத்தை அவர்களின் கதைகள் எடுத்துக்காட்டுகின்றன.

ஐக்கிய நாடுகள் சபைக்கான இந்தியாவின் நிரந்தர அமைப்பு மற்றும் பஞ்சாயத்து ராஜ் அமைச்சகம் ஆகியவை இணைந்து ஐக்கிய நாடுகளின் மக்கள் தொகை நிதியத்துடன்  இணைந்து  மே 3 அன்று நியூயார்க்கில் உள்ள ஐ.நா தலைமையக செயலக கட்டிடத்தில் துணை நிகழ்வை ஏற்பாடு செய்தன. ஐக்கிய நாடுகளின் மக்கள் தொகை மற்றும் மேம்பாட்டு ஆணையத்தின்) ஐம்பத்தி ஏழாவது அமர்வின் ஒரு பகுதியாக இந்த துணை நிகழ்வு ஏற்பாடு செய்யப்பட்டது.

தூதர் ருச்சிரா கம்போஜ் இந்த நிகழ்வில் கலந்து கொண்டார்.  இந்தியாவின் தனித்துவமான பஞ்சாயத்து ராஜ் அமைப்பை பரவலாக்கப்பட்ட அதிகாரம் மற்றும் நேரடி ஜனநாயகத்தின் கலங்கரை விளக்கமாக எடுத்துக்காட்டினார். தூதர் ருச்சிரா கம்போஜ் பஞ்சாயத்து ராஜ் மூலம் இந்தியாவின் தனித்துவமான பரவலாக்கப்பட்ட கிராமப்புற உள்ளாட்சி சுயாட்சி முறை நேரடி ஜனநாயகத்தின் சிறந்த எடுத்துக்காட்டு என்று கூறினார்.  இது செயலில் உள்ள மக்களின் பங்கேற்பை எளிதாக்குகிறது. 1.4 மில்லியனுக்கும் அதிகமான தேர்ந்தெடுக்கப்பட்ட பெண் பிரதிநிதிகளுடன், பஞ்சாயத்து ராஜ் அமைப்புடனான இந்தியாவின் பயணம் அதிகாரமளித்தல், உள்ளடக்கம் மற்றும் முன்னேற்றம் ஆகியவற்றின் கதையாகும், குறிப்பாக பெண்களின் தலைமைத்துவத்தில் ஏற்பட்டுள்ள முன்னேற்றங்களை இது எடுத்துக்காட்டுகிறது. பெண்களின் பிரச்சினைகளுக்கு தீர்வு காண்பதில் சிறப்பு கவனம் செலுத்தி, நிலையான வளர்ச்சி  இலக்குகளுடன்  உள்ளூர் திட்டமிடல் செயல்முறைகளை உன்னிப்பாக சீரமைப்பதை தூதர் கம்போஜ் வலியுறுத்தினார்.

பஞ்சாயத்து ராஜ் அமைச்சகத்தின் செயலாளர் திரு விவேக் பரத்வாஜ், இந்தியாவில் உள்ள வலுவான ஜனநாயக அமைப்பு மற்றும் கிராமப்புற உள்ளாட்சி சுயாட்சியின் வளமான மற்றும் பழமையான பாரம்பரியம் ஆகியவற்றைப் பற்றி விளக்கினார்.  தேர்ந்தெடுக்கப்பட்ட பிரதிநிதிகளில் 46% க்கும் அதிகமானோர் பெண்கள் என அவர்  சுட்டிக்காட்டினார்.

திரிபுராவைச் சேர்ந்த திருமதி சுப்ரியா தாஸ் தத்தா, ஆந்திரப் பிரதேசத்தைச் சேர்ந்த திருமதி குனுகு ஹேமா குமாரி, ராஜஸ்தானைச் சேர்ந்த திருமதி நீரு யாதவ் ஆகிய மூன்று புகழ்பெற்ற பெண் பிரதிநிதிகளின் பயனுள்ள கலந்துரையாடல் நிகழ்ச்சிகள் இந்த நிகழ்ச்சியில் இடம்பெற்றன. இவர்கள் உள்ளாட்சி நிர்வாகம் மற்றும் பல கருப்பொருள் பகுதிகளில் நீடித்த வளர்ச்சி இலக்குகளை உள்ளூர்மயமாக்குவதில் தங்களது அனுபவங்களையும் புதுமைகளையும் பகிர்ந்து கொண்டனர். குழந்தை திருமணங்களை எதிர்த்துப் போராடுவது முதல் சுகாதாரம், கல்வி, வாழ்வாதார வாய்ப்புகள் மற்றும் சுற்றுச்சூழல் நிலைத்தன்மையை மேம்படுத்துவது வரை, இந்த பெண்கள் அடித்தட்டு அளவில் தலைமையின் உருமாறும் சக்தியை எடுத்துக்காட்டினர். அவர்கள் தங்கள் தலைமைத்துவ பயணத்தில் எதிர்கொண்ட மற்றும் கடந்து வந்த சவால்கள் மற்றும் போராட்டங்களை வெளிப்படுத்தினர்.

திருமதி சுப்ரியா தாஸ் தத்தா பெண்கள் மற்றும் சிறுமிகளுக்கு அதிகாரம் அளிப்பதை நோக்கமாகக் கொண்ட முன்முயற்சிகளை எடுத்துரைத்தார், இதில் அரசு அலுவலகங்களில் தனி ஓய்வறைகள் கட்டுதல் மற்றும் அவரது தலைமையின் கீழ் சுய உதவிக் குழுக்களின் அதிவேக வளர்ச்சியை, அதாவது 600 லிருந்து கிட்டத்தட்ட 6,000 ஆக உயர்ந்தது. பெண்களின் குரல்களை ஒலிக்கச் செய்வதை நோக்கமாகக் கொண்ட முயற்சிகளின் முக்கியத்துவத்தை அவர் சுட்டிக் காட்டினார்.

சுகாதாரம், கல்வி மற்றும் நிதி ஆதாரங்களை அணுகுவதன் மூலம் பெண்களுக்கு உகந்த சூழலை உருவாக்குவதன் முக்கியத்துவத்தை திருமதி குனுகு ஹேமா குமாரி வலியுறுத்தினார்.

தூய்மை இந்தியா இயக்கம், பிளாஸ்டிக் பயன்பாட்டைக் கட்டுப்படுத்துவதற்கான முயற்சிகள் உள்ளிட்ட சுற்றுச்சூழல் நிலைத்தன்மையை ஊக்குவிக்கும் முன்முயற்சிகளை திருமதி நீரு யாதவ் காட்சிப்படுத்தினார். தூய்மையான மற்றும் பசுமையான எதிர்காலத்தை உருவாக்குவதில் பெண்களின் முக்கிய பங்கை எடுத்துக்காட்டினார். சிறுமிகளிடையே விளையாட்டு ஆர்வத்தை வளர்ப்பதிலும், அவர்களிடம் தலைமைத்துவத்தை வளர்ப்பதிலும் தனது முயற்சிகள் மற்றும் வெற்றிகளை அவர் குறிப்பிட்டார். 

சிபிடி57 துணை நிகழ்வு, நீடித்த வளர்ச்சி இலக்குகளை அடைவதில் உள்ளூர் நிர்வாகத்தில் பெண்களின் விலைமதிப்பற்ற பங்களிப்பை அடிக்கோடிட்டுக் காட்டியது. இது இந்தியாவின் பஞ்சாயத்து ராஜ் மாதிரியை ஒரு பயனுள்ள உள்ளூர் நிர்வாக அமைப்பாக ஏற்றுமதி செய்வதற்கான உலகளாவிய தேவையைத் தூண்டியது, இந்தியாவின் பஞ்சாயத்து ராஜ் அமைப்பு மற்றும் பஞ்சாயத்து ராஜ் நிறுவனங்களின் செயல்பாடுகள் ஆர்வமுள்ள வெளிநாட்டு பிரதிநிதிகளைக் கவர்ந்தது. இந்த நிகழ்வு, பெண்கள் தலைமையிலான வெற்றிகரமான பஞ்சாயத்து ராஜ் மாதிரியிலிருந்து கற்றுக்கொள்ளவும் நிறுவனமயமாக்கவும் உலகளாவிய தேவையை உருவாக்கியது. தூதர் கம்போஜ் கூறியது போல், இந்த அமைப்பு இந்தியாவில் சுகாதாரம், கல்வி, துப்புரவு மற்றும் வாழ்வாதாரங்களில் பெண்கள் முன்னணியில் உள்ள வளர்ச்சியில் புரட்சியை ஏற்படுத்தியுள்ளது.

*****

AD/PKV/DL