ইন্তর্নেস্নেল দে ওফ য়োগ-2024 পাঙথোক্ত্রিঙৈ মমাংগী অচৌবা থৌরম ওইরিবা ‘য়োগ মহোৎসব’ মনুংদা য়োগগী ইথিলনা সুরৎ থনখি। অথৱালাইন্সকী পুলিস পরেদ গ্রাউন্দদা পাঙথোকখিবা থৌরম অসিদা মীয়াম্না চাউনা শরুক য়াখি। মে 02, 2024গী অয়ুক পুং 7:00দগী কম্মন য়োগ প্রোতোকল (CYP) তৌদুনা অচৌবা থৌরম অসিদা থৱায় য়াওরবা পার্তিসিপেন্ত লিশিং তরেৎরোমনা য়াওখি। চাউনা থৱায় য়াওবা অসিনা লনাই অমসুং খুন্নাই অনিমক মশা-মউ ফনা থম্বদা য়োগগী মরু ওইবা হেনগৎলক্লিবা অদু তাক্লি।

থৌরম অদুদা আয়ুশ মন্ত্রালয়গী সেক্রেতরী বৈদ্যা রাজেশ কোতেচা, আয়ুশ মন্ত্রালয়গী দিপুতি দিরেক্তর জেনরেল শ্রী সত্যজিৎ পোল; প্রোফেসর দি. অভিনাশ চন্দ্র পান্দে, ইন্তর-য়ুনিভর্সিতী এক্সিলেতর সেন্তর, ন্যু দিল্লী অমসুং ইন্তর-য়ুনিভর্সিতী সেন্তর ফোর য়োগিক সাইন্স, বেঙ্গালুরুগী দিরেক্তর; অমসুং বৈদ্যা দা. কাশিনাথ সামগান্দি, মোরাজী দেসাই নেস্নেল ইন্সতিত্যুৎ ওফ য়োগ (MDNIY) গী দিরেক্তরনা শরুক য়াখি। মখোয়না শরুক য়াখিবা অসিনা থৌরম অসিদা য়াম্না মরুওইবা মগুন অমা হাপখি। মসিনা য়োগবু য়োকখৎনবা অমসুং মীওই অমমমবু অমসুং কম্ম্যুনিতী অমমমগীদমক হেন্না ফবা ওইহন্নবা পুন্না হোৎনমিন্নবা উৎখি। মখোয়গী শরুক য়াবা অসিনা য়োগ প্রেক্তিস তৌবগী খুত্থাংদা অপুনবা য়াইফ-থৌরাং অমা শেমগৎনবা পুন্না হোৎনমিন্নবা অদু উৎলি।

আয়ুশ মন্ত্রালয়গী সেক্রেতরী, বৈদ্য রাজেশ কোতেচানা মহাক্কী ৱারোলদা হায়খি মদুদি সুরৎনসু লৈবাক অসিগী চাউখৎপদা অচৌবা থৌদাং অমা লৌরি। সুরৎনা লৈবাক অসিগী খ্বাইদগী শেংবা শহরগী মিংথোল ফংখিবা অসি ঐখোয়গীদমক চাউথোকচনীংঙাইনি।

বৈদ্যা কোতেচানা সুরৎতা 'যোগ মহোৎসব'কীদমক মীয়াম তিনখিবা অসিদা নুংঙাইবা ফোঙদোকখি। মহাক্না থৌরম অদু মাই পাকহনবদা মতেং পাংখিবা শরুক য়ারিবা মীশিংবু থাগৎপা ফোঙদোকখি। মহাক্না হায়খি মদুদি য়োগনা হৌজিক মালেমগী মীৎয়েং চীংশিল্লি অমসুং 2023গী IDYদা মালেম শীনবা থুংনা মীওই করোর 23.5 হেনবনা য়োগ তৌখি। চহি অসিদা শরুক য়াবগী চাং অসি হেনগৎলক্কনি। IDY 2024গী 25শুবা কাউন্ত দাউনগী থৌরমদা বোধগয়াদা অচৌবা থৌরম অমা পাঙথোক্লগনি হায়নসু মহাক্না ফোঙদোকখি।

মহাক্না অকনবা ৱাফম থমখি মদুদি 2015দা য়ুনাইতেদ নেসন্সনা জুন 21বু ইন্তর্নেস্নেল দে ওফ য়োগ হায়না লাউথোকখিবা মতমদা মরুওইবা মাইলস্তোন অমা ফংখি। ঙসিগী নুমিৎ অসিনা হকচাং অমসুং পুক্নিং ৱাখল অনিমক্তা য়োগ তৌবগী কান্নবা কয়াগী মতাংদা এৱেরনেস হেনগৎহন্নবা অমসুং তোঙান তোঙানবা কলচর অমসুং খুন্নাইশিংদা য়োগগী য়ুনিভর্সেল অপীল প্রমোৎ তৌনবা মালেমগী ওইবা প্লেৎফোর্ম অমা ওইনা মথৌ তৌরি। ইন্তর্নেস্নেল য়োগ নুমিৎ অসি হৌরকপদগী য়োগনা মীওই অমসুং কম্ম্যুনিতী খুদিংমক্তা পীরিবা অচৌবা ইথিল অদু ময়েক শেংহন্নবা পান্দম থমদুনা তোঙান তোঙানবা থৌরমশিং, সেমিনারশিং, ৱার্কশোপশিং অমসুং দেমোনস্ত্রেসনশিং পাঙথোক্তুনা মালেম শীনবা থুংনা পাঙথোক্লি।

মহাক্না হায়খি মদুদি মোরাজী দেসাই নেস্নেল ইন্সতিত্যুৎ ওফ য়োগনা ঐখোয়গী লৈবাক অসিদা য়োগগী লেন্দস্কেপ শেমগৎপদা মরু ওইবা থৌদাং অমা লৌরি। মসিনা হৈথোই-শিংথোইরবা য়োগ মাস্তর লিশিং কয়া পুথোক্লে।

দোক্তর. মোরাজী দেসাই নেস্নেল ইন্সতিত্যুৎ ওফ য়োগ (MDNIY) গী দিরেক্তর, কাশিনাথ সামগান্দিনা থৌরম অদুদা হৌদোকপগী ৱারোল পীবগা লোয়ননা হৌদোকখি। থৌরম অসি মাই পাকহনবদা শরুক য়ারিবা পুম্নমক্তা মহাক্না থাগৎপা ফোঙদোকখি। মহাক্না ইন্তর্নেস্নেল দে ওফ য়োগ 2024 (IDY-2024) গী মায়কৈদা য়োগ মহোৎসবকী থৌদাং অসি মরুওইবা খোংথাং অমনি হায়না ফোঙদোকখি ইন্তর্নেস্নেল দে ওফ য়োগগী 10শুবা ইদিসন অসি হকশেল অমসুং য়াইফ-থৌরাংগীদমক মালেমগী ওইনা চৎথরিবা খোঙথাং অসিগী মরুওইবা মাইলস্তোন অমনি।

ইন্সতিত্যুৎ অসিগী দিরেক্তরনা লুচিংদুনা মোরাজী দেসাই নেস্নেল ইন্সতিত্যুৎ ওফ য়োগকী প্রাক্তিসনরশিংগী এক্সপর্সিতী উৎতুনা কম্মন য়োগ প্রোতোকোলগী লাইব দেমোনস্ত্রেসন অমা পাঙথোকখি। য়োগবু পামজবা মীওই 5000 হেনবনা থৌরম অসিদা কম্মন য়োগ প্রোতোকলদা পনখ্রিবা য়োগগী থবক থৌরমশিংদা পুন্না শরুক য়াখি।

আয়ুশ মন্ত্রালয়গী মকোক থোংবা ওফিসিএলশিং, গুজরাত য়োগ বোর্দ, রাজ্য সরকারগী মীহুৎশিং অমসুং অতোপ্পা শক্নাইরবা মীওইশিং অমসুং এক্সপর্ত কয়ানা থৌরম অসিদা শরুক য়াখি। মসিগী মথক্তা, থৌরম অদুদা শক্নাইরবা য়োগ মাস্তরশিং অমসুং গুরুশিংদগী পাউজেলশিং পীরদুনা থৌরম অসিগী মরুওইবা অদু হেন্না ময়েক শেংহনখি। মখোয়না পুন্না শরুক য়াবা অমসুং লমজিং-লমতাকপসিনা থৌরম অদুদা মগুন হেনগৎহনখি। মসিনা ইশাগী অমসুং খুন্নাইগী য়াইফনবা য়োগগী মরুওইবা অদু খঙহনখি।

আয়ুশ মন্ত্রালয়না মোরাজী দেসাই নেস্নেল ইন্সতিত্যুৎ ওফ য়োগগা খুৎশম্নদুনা '100 দেস, 100 সিতীজ এন্দ 100 ওর্গনাইজেসন’  কেম্পেনগী শরুক অমা ওইনা IDY-2024 পাল্লন তৌবগী থৌরম অমা ওইনা মাস য়োগ দেমোনস্ত্রেসন অমসুং সেসন কয়া অমা পাঙথোক্লি। থৌরাং অসিনা স্কুলশিং, য়ুনিভর্সিতীশিং, ইন্সতিত্যুৎশিং, কোলেজশিং, কোর্পোরেৎ বোদীশিং, অমদি রাজ্য অমসুং য়ুনিয়ন তেরিতোরী পুম্নমক্কা খুৎশম্নদুনা থবক পাইখৎলি।

****