ਚੀਫ਼ ਆਫ਼ ਡਿਫੈਂਸ ਸਟਾਫ਼ ਜਨਰਲ ਅਨਿਲ ਚੌਹਾਨ ਨੇ ਫ਼ਰਾਂਸ ਦਾ ਇੱਕ ਵਿਆਪਕ ਦੌਰਾ ਮੁਕੰਮਲ ਕੀਤਾ, ਜਿਸ ਨੇ ਭਾਰਤ ਅਤੇ ਫ਼ਰਾਂਸ ਦਰਮਿਆਨ ਜਾਰੀ ਲੰਬੇ ਸਮੇਂ ਤੋਂ ਚੱਲੀ ਆ ਰਹੀ ਰਣਨੀਤਕ ਭਾਈਵਾਲੀ ਦੀ ਪੁਸ਼ਟੀ ਕੀਤੀ ਹੈ ਅਤੇ ਦੋਹਾਂ ਦੇਸ਼ਾਂ ਦਰਮਿਆਨ ਦੁਵੱਲੇ ਰੱਖਿਆ ਸਹਿਯੋਗ ਨੂੰ ਹੋਰ ਮਜ਼ਬੂਤ ਕੀਤਾ ਹੈ।

ਸੀਡੀਐੱਸ ਜਨਰਲ ਚੌਹਾਨ ਦੀ ਫ਼ਰਾਂਸੀਸੀ ਹਥਿਆਰਬੰਦ ਬਲਾਂ ਦੇ ਮੰਤਰੀ ਦੇ ਸਿਵਲ ਅਤੇ ਮਿਲਟਰੀ ਕੈਬਨਿਟ ਦੇ ਡਾਇਰੈਕਟਰ ਸ਼੍ਰੀ ਪੈਟ੍ਰਿਕ ਪੇਲੌਕਸ ਅਤੇ ਸਿਖਰ ਪੱਧਰ 'ਤੇ ਹਥਿਆਰਬੰਦ ਸੈਨਾਵਾਂ ਦੇ ਮੰਤਰੀ ਦੇ ਮਿਲਟਰੀ ਕੈਬਨਿਟ ਦੇ ਮੁਖੀ ਲੈਫਟੀਨੈਂਟ ਜਨਰਲ ਵਿਨਸੇਂਟ ਗਿਰੌਡ ਅਤੇ ਆਪਣੇ ਹਮਰੁਤਬਾ ਜਨਰਲ ਥਿਏਰੀ ਬਰਖਾਰਡ (ਸੀਈਐੱਮਏ) ਨਾਲ ਗੱਲਬਾਤ ਨੇ ਸਾਂਝੇ ਹਿੱਤਾਂ ਅਤੇ ਆਪਸੀ ਸੁਰੱਖਿਆ ਚਿੰਤਾਵਾਂ ਦੇ ਖੇਤਰਾਂ 'ਤੇ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਨੂੰ ਸਮਰੱਥ ਬਣਾਇਆ ਹੈ।

ਯਾਤਰਾ ਦੇ ਦੌਰਾਨ ਫ਼ਰਾਂਸ ਦੇ ਡਾਇਰੈਕਟੋਰੇਟ ਜਨਰਲ ਆਫ਼ ਆਰਮਾਮੈਂਟ ਵਿਖੇ ਉੱਚ-ਪੱਧਰੀ ਦੋਹਰੀ ਵਰਤੋਂ ਵਾਲੀਆਂ ਤਕਨਾਲੋਜੀਆਂ ਦੇ ਆਦਾਨ-ਪ੍ਰਦਾਨ ਨੂੰ ਵਧਾਉਣ ਲਈ ਵਿਚਾਰ-ਵਟਾਂਦਰੇ ਤੋਂ ਬਾਅਦ ਫ਼ਰਾਂਸੀਸੀ ਰੱਖਿਆ ਉਦਯੋਗ ਦੇ ਸ਼ਿਖਰ ਦੀ ਲੀਡਰਸ਼ਿਪ ਨਾਲ ਗੱਲਬਾਤ ਹੋਈ। ਇਸ ਵਿੱਚ ਡਸਾਲਟ, ਸਫਰਾਨ ਅਤੇ ਜਲ ਸੈਨਾ ਸਮੂਹ ਅਤੇ ਥੈਲਸ ਅਲੇਨੀਆ ਸਪੇਸ ਵੀ ਸ਼ਾਮਲ ਸਨ। ਇਸ ਗੱਲਬਾਤ ਦਾ ਉਦੇਸ਼ ਭਾਰਤ ਦੇ ਹਥਿਆਰਬੰਦ ਬਲਾਂ ਦੇ ਭਵਿੱਖ ਦੀ ਸਮਰੱਥਾ ਨਿਰਮਾਣ ਦੀ ਦਿਸ਼ਾ ਵੱਲ ਕੰਮ ਕਰਨਾ ਅਤੇ ਉਸਦੇ ਸਵਦੇਸ਼ੀਕਰਨ ਨੂੰ ਉਤਸ਼ਾਹਤ ਕਰਨਾ ਹੈ। 

ਫ੍ਰੈਂਚ ਲੈਂਡ ਫੋਰਸਿਜ਼ ਕਮਾਂਡ (ਸੀਐੱਫਟੀ), ਫ੍ਰੈਂਚ ਸਪੇਸ ਕਮਾਂਡ (ਸੀਡੀਈ) ਅਤੇ ਸਕੂਲ ਆਫ ਮਿਲਟਰੀ ਸਟੱਡੀਜ਼ (ਈਕੋਲ ਮਿਲਿਟੇਅਰ) ਵਿਖੇ ਆਦਾਨ-ਪ੍ਰਦਾਨ ਨੇ ਸੁਰੱਖਿਆ ਚੁਣੌਤੀਆਂ 'ਤੇ ਭਾਰਤ ਦਾ ਦ੍ਰਿਸ਼ਟੀਕੋਣ ਪੇਸ਼ ਕਰਦਿਆਂ ਪੁਲਾੜ ਦੇ ਖੇਤਰ ਵਿੱਚ ਰੱਖਿਆ ਸਹਿਯੋਗ ਨੂੰ ਵਧਾਉਣ, ਆਧੁਨਿਕੀਕਰਨ ਦੀਆਂ ਪਹਿਲਕਦਮੀਆਂ ਅਤੇ ਦੋਵਾਂ ਦੇਸ਼ਾਂ ਵਿਚਕਾਰ ਦੁਵੱਲੀ ਸਿਖਲਾਈ ਨੂੰ ਹੁਲਾਰਾ ਦੇਣ ਦੇ ਮੌਕੇ ਵੀ ਪ੍ਰਦਾਨ ਕੀਤੇ ਹਨ। 

ਸੀਡੀਐੱਸ ਨੇ ਇਸ ਖੇਤਰ ਵਿੱਚ ਅਮਨ ਅਤੇ ਸ਼ਾਂਤੀ ਵਧਾਉਣ ਦੀ ਦਿਸ਼ਾ ਵਿੱਚ ਪਹਿਲੇ ਵਿਸ਼ਵ ਯੁੱਧ ਦੌਰਾਨ ਪੱਛਮੀ ਮੋਰਚੇ 'ਤੇ ਲੜਨ ਵਾਲੇ ਭਾਰਤੀ ਅਭਿਆਨ ਬਲ ਦੇ ਸੈਨਿਕਾਂ ਦੀ ਬੇਮਿਸਾਲ ਬਹਾਦਰੀ ਲਈ ਨਿਉਵ-ਚੈਪੇਲ ਅਤੇ ਵਿਲਰਸ-ਗੁਇਸਲੇਨ ਦੀਆਂ ਜੰਗੀ ਯਾਦਗਾਰਾਂ 'ਤੇ ਸ਼ਰਧਾਂਜਲੀ ਭੇਟ ਕੀਤੀ। ਇਹ ਯਾਦਗਾਰਾਂ ਲੰਬੇ ਸਮੇਂ ਤੋਂ ਚੱਲੇ ਆ ਰਹੇ ਭਾਰਤ-ਫ਼ਰਾਂਸੀਸੀ ਸਬੰਧਾਂ ਦਾ ਪ੍ਰਮਾਣ ਹਨ। 

ਭਾਰਤ-ਫ਼ਰਾਂਸ ਰਣਨੀਤਕ ਭਾਈਵਾਲੀ ਨੇ ਸਮੇਂ ਦੇ ਨਾਲ ਮਹੱਤਵਪੂਰਨ ਰਫ਼ਤਾਰ ਫੜੀ ਹੈ ਅਤੇ ਹੁਣ ਇਹ ਇੱਕ ਹੋਰ ਵੀ ਨਜ਼ਦੀਕੀ ਅਤੇ ਬਹੁਪੱਖੀ ਸਬੰਧਾਂ ਵਿੱਚ ਵਿਕਸਤ ਹੋਈ, ਜੋ ਸਹਿਯੋਗ ਦੇ ਵਿਭਿੰਨ ਖੇਤਰਾਂ ਵਿੱਚ ਫੈਲੀ ਹੋਈ ਹੈ। 

*********

ਏਬੀਬੀ/ਆਨੰਦ