ہندوستان 22 اپریل 2024 سے 25 اپریل 2024 تک ہالینڈ کے روٹرڈیم میں منعقد ہونے والی 26 ویں عالمی توانائی کانگریس میں اپنی اختراعی ٹیکنالوجیوں اور بجلی پیدا کرنے کے طریقوں کی نمائش کر رہا ہے۔

کانگریس میں انڈیا پویلین کا مقصد اختراعی ٹکنالوجیوں اور بجلی پیدا کرنے کے طریقوں کی نمائش کے لیے ایک مرکز بننا اورعالمی سطح پر ماحولیاتی تحفظ کے لیے ہندوستان کے عزم کو تقویت دینا ہے۔ بجلی كی وزارت، نئی اور قابل تجدید توانائی کی وزارت، کوئلے كی وزارت  اور پٹرولیم اور قدرتی گیس کی وزارت کے تحت سنٹرل پبلک سیکٹر كی صنوتیں انڈیا پویلین میں حصہ لے رہی ہیں مقصد

عالمی توانائی کی منتقلی میں ہندوستان کی قیادت کی اجتماعی شہادت پیش كرنا ہے۔

پویلین کا افتتاح 22 اپریل 2024 کو حكومت ہند كی بجلی کی وزارت كے سكریٹری جناب پنکج اگروال اور نیدرلینڈ میں ہندوستان کی سفیر محترمہ رینت سندھو نے مشترکہ طور پر کیا ہے۔

بجلی کی وزارت کے ایڈیشنل سکریٹری جناب سری کانت ناگولاپلی اور حصہ لینے والی تنظیموں جیسے اینٹی پی سی، پاور گرڈ، پی ایف سی، آر ای سی، این ایچ پی سی، ایس ای سی آءی، ایرایڈا، او این جی سی اور ورلڈ انرجی کونسل انڈیا کے سی ایم ڈیز اور دیگر سینئر افسران بھی افتتاح کے موقع پر موجود تھے۔

نیدرلینڈز کے نائب وزیر اعظم کا دورہ

نیدرلینڈ کے نائب وزیر اعظم اور موسمیاتی اور توانائی کی پالیسی كے وزیر عزت مآب روب جیتین اور ورلڈ انرجی کونسل كی سکریٹری جنرل اور سی ای او  ڈاکٹر انجیلا ولکنسن نے 22 اپریل 2024 کو ورلڈ انرجی کانگریس میں انڈیا پویلین کا دورہ کیا۔ اس وقت وہاں مرکزی پاور سکریٹری اور پویلین کی شریک تنظیموں کے عہدیداران موجود تھے۔ اس دورے میں نائب وزیر اعظم اور ڈبلیو ای سی کے سکریٹری جنرل نے رکن تنظیموں کی کوششوں میں گہری دلچسپی کا اظہار کیا اور توانائی کی منتقلی کے لیے ہندوستان کی منفرد کوششوں اور پیش رفت کی ستائش کی۔

چھبیسویں عالمی توانائی کانگریس کے بارے میں

امید ہے کہ 26ویں عالمی انرجی کانگریس دنیا بھر میں صاف اور جامع توانائی کی منتقلی پر قیادت کے لیے ایک اہم موڑ ثابت ہوگی۔ 'لوگوں اور سیارے کے لیے توانائی کو دوبارہ ڈیزائن کرنے' کے موضوع پر یہ چار روزہ اجتماع عالمی توانائی کونسل کی عالمی توانائی میں سو سال کی مناسبت سے ہے۔ کونسل کے مطابق کانگریس چاہتی ہے كہ عالمی تناظر میں جو کہ کم پیشین گوئی كے قابل، زیادہ ہنگامہ خیز اور تیزی سے منتقل ہونے والی ہے، توانائی کی عالمی منتقلی کو آگے بڑھانے میں مربوط توانائی کے معاشروں کے کردار کو تلاش کیا جائے۔

ورلڈ انرجی کونسل انڈیا کے بارے میں

ورلڈ انرجی کونسل انڈیا ورلڈ انرجی کونسل (ڈبلیو ای سی) کا ایک ملکی کا رکن ہے۔ یہ 1923 میں قائم ایک عالمی ادارہ ہے جس کا مقصد توانائی کی پائیدار فراہمی اور استعمال کو فروغ دینا ہے۔ ڈبلیو ای سی انڈیا عالمی توانائی کونسل کے ابتدائی ممالک میں سے ایک ہے۔ اس نے 1924 میں کونسل میں شمولیت اختیار کی تھی۔ ڈبلیو ای سی انڈیا حكومت ہند كی بجلی كی وزارت کی سرپرستی میں اور کوئلہ، نئی اور قابل تجدید توانائی، پٹرولیم اور قدرتی گیس اور امور خارجہ کی وزارتوں کے تعاون سے سرگرم عمل ہے۔

***

ش ح۔ ع س۔ ک ا

ریلیز 2018624