আর্মদ ফোর্সেস মেদিকেল সর্বিসেস (AFMS.) না এপ্রিল 22, 2024দা ইন্দিয়ন ইন্সতিত্যুৎ ওফ তেক্নোলোজী (IIT) দিল্লীগা লোয়ননা চুংশিন্নদুনা  রিসর্স অমসুং ত্রেনিং তৌনবগীদমক মেমোরেন্দম ওফ অন্দর্স্তেন্দিং (MoU) অমা খুৎয়েক পীনখ্রে। MoU অসি দিরেক্তর জেনরেল, আর্মদ ফোর্সেস মেদিকেল সর্বিসেস, লেফতনেন্ত জেনরেল দলজিৎ সিংহ অমসুং IIT দিল্লীগী দাইরেক্তর, প্রোফেসর রঙ্গন বেনরজীনা খুৎয়েক পীনখি। MoU অসিগী স্কোপ অসিদা অনৌবা মেদিকেল দিভাইসশিং শেমগৎনবা রিসর্স অমসুং ইন্নোবেসন তৌবা অমসুং তোঙান-তোঙানবা লমশিংদা মথৌ তৌরিবা লান্মীশিংগী হকশেলগী ওইবা ইসুশিং কোকহন্নবা মীৎয়েং চংবা য়াওরি।

IIT দিল্লীদা মপাঙ্গল কনবা বাইওমেদিকেল রিসর্স ইকোসিস্তেম অমা লৈরি মসি আর্মদ ফোর্সেসতা থেংনরিবা তোঙান তোঙানবা মেদিকেলগী শীংনবশিং, এম্প্যুতীশিংগী রিহেবিলিতেসন তৌবা য়াওনা রিসর্স তৌবদা মথৌ তাবা তেক্নিকেল এক্সপর্তিজ পীবদা মতিক চাই। MoU অসিগী মখাদা ফেকল্তী একচেঞ্জ প্রোগ্রাম, জোইন্ত একাদমিক এক্তিবিতীশিং অমসুং জোইন্ত PhD প্রোগ্রামশিং শেমগৎনবা থৌরাং তৌগনি।

থৌরম অদুদা DGAFMS লেফতনেন্ত জেনরেল দলজিৎ সিংহনা হায়খি মদুদি AFMSনা লান্মীশিংদা খ্বাইদগী ৱাংবা থাক্কী মেদিকেল কিয়র ফংহন্নবা হোৎনরি অমসুং IITগুম্বা নেস্নেল ইন্তিস্তিতুৎশিংগা খুৎশম্নবা অসিনা মসিগী অচেৎপা থৌদাং অসিগী মায়কৈদা মরু ওইবা খোঙথাং অমনি। IIT দিল্লীগী দাইরেক্তর প্রোফেসর রঙ্গন বেনরজীনা হায়খি মদুদি MoU অসিদা লৈবাক অমসুং আর্মদ ফোর্সেসকী কান্নগদবা রিসর্স অমসুং ত্রেনিংগী ওইথোকপা য়াবা কয়া অমা লৈরি।

***