بحریہ کے سربراہ ایڈمیرل آر ہری کمارنے جنوبی بحری کمان، کوچی  کے اپنے دورے کے دوران انسداد قزاقی آپریشنوں کو کامیابی کے ساتھ انجام دینے کے لیے آئی این ایس شاردا کو ’آن دی اسپاٹ یونٹ توصیف نامے‘ سے نوازا۔ یہ جہاز ایرانی ماہی گیری کے جہاز عمری  میں سوار تمام 19 عملہ اراکین (11 ایرانی اور 08 پاکستانی) کی بحفاظت رہائی کے آپریشن میں شامل تھا۔

اس جہاز کو ایرانی ماہی گیری کے جہاز عمری کی تحقیقات کا کام سونپا گیا تھا جسے ممکنہ طور پر قزاقوں نے اغوا کر لیا تھا۔ بحریہ کے آر پی اے کی نگرانی سے متعلق معلومات کی بنیاد پر، بحری جہاز نے کشتی کو روکا اور رات بھر ایک خفیہ طریقے سے نگرانی کا عمل جاری رکھا۔ 02 فروری 24 کی صبح کے وقت ، جہاز کا لازمی ہیلو اور اس کے بعد پرہار ٹیم کو لانچ کیا گیا۔ جہاز کے جارحانہ انداز نے قزاقوں کو مجبور کیا کہ وہ عملے اور کشتی کو محفوظ طریقے سے چھوڑ دیں۔ جہاز کی تیز رفتار اور فیصلہ کن کارروائیوں کے نتیجے میں اغوا شدہ ماہی گیری کے جہاز اور اس کے عملے کو صومالی قزاقوں سے بچا لیا گیا۔ جہاز کی انتھک کوشش، بحری قزاقی کے خلاف کارروائیوں کے لیے تعینات مشن نے سمندر میں قیمتی جانوں کو بچایا اور بحر ہند کے علاقے میں سمندری جہازوں کی سلامتی اور حفاظت کو بڑھانے کے لیے ہندوستانی بحریہ کے عزم کو برقرار رکھا۔

سی این ایس نے ٹیم شاردا کے ساتھ بات چیت کی اور بحری قزاقی کے حملے کا جواب دینے کے لیے ان کی تعریف کی جس کے نتیجے میں مشکل حالات میں سمندر میں آپریشنوں کے محفوظ اور کامیاب انعقاد کو ممکن بنایا گیا۔ اپنے خطاب کے دوران، انہوں نے عملے کے پیشہ ورانہ نقطہ نظر کی تعریف کی جس کے نتیجے میں خطے میں ترجیحی سیکورٹی شراکت دار کے طور پر ہندوستانی بحریہ کی پہچان اور ستائش ہوئی۔

**********

 (ش ح –ا ب ن۔ م ن)

U.No:6470