آئی ڈی وائی  2024 کے 100 دن کے الٹی گنتی کے جاری سفر میں، 5000 سے زیادہ یوگا کے شوقین 75ویں دن کی الٹی گنتی میں حصہ لیں گے جس کا انعقاد  7 اپریل 2024 کو واڈیا کالج اسپورٹس گراؤنڈ، پونے (مہاراشٹر) میں  کیا جائے گا۔

کلی  صحت اور تندرستی کے نقطہ نظر پر توجہ مرکوز کرتے ہوئے اور یوگا کی طاقت کو ظاہر کرتے ہوئے، مہوتسو میں گرام پردھان، آنگن واڑی ورکرز اور آشا ورکرز/سیلف ہیلپ گروپس، آیوش ہیلتھ اینڈ ویلنس سینٹرز، ریذیڈنٹ ویلفیئر ایسوسی ایشنز (آر ڈبلیو اے)، خواتین کی فلاحی تنظیمیں، اسکول کے بچے، اور  دیگر افراد  شرکت کریں گے۔ اس تقریب میں ممتاز معززین، یوگا گرو/ماسٹرز اور یوگا اینڈ متعلقہ سائنس کے ماہرین اور اداروں کے سربراہوں کی بھی موجودگی کا مشاہدہ کیا جائے گا۔ یوگا مہوتسو کا بنیادی مقصد صحت اور تندرستی کے لیے یوگا کی وسیع تر ترویج اور تشہیر کرنا ہے تاکہ  قومی اور بین الاقوامی سطح پر زیادہ سے زیادہ لوگ مستفید ہو سکیں۔ آئی ڈی وائی  2024 ایونٹ کا 75واں دن بھی صحت کے عالمی دن کے ساتھ میل کھاتا ہے جو 7 اپریل 2024 کو آتا ہے۔

یوگا کا عالمی دن ہر سال 21 جون کو منایا جاتا ہے۔ اس سال بھی یوگا کے فوائد کے بارے میں عوام کو بیدار کرنے اور کلی صحت کے موروثی پیغام کو پھیلانے کے لیے 13 مارچ کو 100 دن کی الٹی گنتی شروع کی گئی۔ الٹی گنتی ایونٹ سیریز کے ایک حصے کے طور پر، 75 ویں دن کی الٹی گنتی یوگا مہوتسو کی شکل میں منائی جاتی ہے۔ اس کا اہتمام مشترکہ طور پر مورارجی دیسائی نیشنل انسٹی ٹیوٹ آف یوگا اور نیشنل انسٹی ٹیوٹ آف نیچروپیتھی (این آئی این)، وزارت آیوش، حکومت کے ذریعہ کیا جا رہا ہے۔ ایک شاندار تقریب ہزاروں  افراد اس میں شرکت کریں گے۔ تمام شرکاء 7 اپریل 2024 کو صبح 6.00 بجے شروع ہونے والے مشترکہ یوگا پروٹوکول (سی وائی پی) کی مشق میں سرگرمی سے مشغول ہوں گے۔ جوش و جذبے اور شرکت کا یہ شاندار مظاہرہ ذاتی اور سماجی بہتری کو فروغ دینے میں یوگا کی بڑھتی ہوئی اہمیت کو واضح کرے گا۔ انڈین یوگا ایسوسی ایشن  بھی اپنے مہاراشٹر اسٹیٹ باب کے ساتھ اس 75 ویں دن کے الٹی گنتی ایونٹ آئی ڈی وائی 2024 سے متعلق جشن میں تعاون کررہی ہے۔

کامن یوگا پروٹوکول (سی وائی پی) اس  ایونٹ  میں نمایاں ہوگا۔ سی وائی پی  کو ماہرین سے معلومات لے کر ڈیزائن کیا گیا ہے کیونکہ اس میں یوگا کے تمام فوائد حاصل کرنے کے لیے یومیہ یوگا مشق شامل ہے۔ پروٹوکول کا مقصد یوگا کے طریقوں جیسے پرانایام، دھیان وغیرہ کو مقبول بنانا ہے۔ یوگا کی ہر  ایک  سرگرمی لچک، طاقت، توازن اور ہم آہنگی کو بہتر بنانے کی کلید ہے۔

آیوش کی وزارت مورارجی دیسائی نیشنل انسٹی ٹیوٹ آف یوگا کے ساتھ مل کر ملک بھر میں  13 مارچ 2024 سے 21  جون تک مختلف یونیورسٹیوں/ اداروں/ کالجوں کے ساتھ مل کر 100 دن، 100 شہروں اور 100 تنظیموں کی مہم پر مشتمل بڑے پیمانے پر یوگا کے مظاہروں/ سیشنوں کا انعقاد کر رہی ہے۔ یہ پروگرام یوگا کے 10ویں بین الاقوامی دن تک چلائے جائیں گے۔ اس مہم میں کامن یوگا پروٹوکول، ورکشاپس اور لیکچرز شامل ہیں تاکہ لوگوں میں ان کی صحت اور تندرستی کی بہتری کے لیے یوگا کی مشق کو فروغ دیا جا سکے۔

۔۔۔۔۔۔۔۔۔۔۔

ش ح۔ا گ۔ن ا۔

U- 6458