ایڈمرل آر ہری کمار، چیف آف دی نیول اسٹاف، اور بحری بہبود اور فلاح و بہبود کی ایسوسی ایشن (این ڈبلیو ڈبلیو اے) کی صدر محترمہ  کلا ہری کمار نے 21 تا 23 مارچ 24 کو ایسٹرن نیول کمانڈ، وشاکھاپٹنم کا ایک اہم تین روزہ دورہ کیا۔

پورے دورے کے دوران، ایڈمرل آر ہری کمار نے مشرقی بحری کمان، وشاکھاپٹنم میں مختلف سرگرمیوں میں حصہ لیا۔ ان مصروفیات میں سمندر میں سی این ایس کا دن شامل تھا، جہاں انہوں نے مشرقی بحری کمان کے جہازوں اور ہوائی جہازوں میں موجود افسران اور ملاحوں کے ساتھ بات چیت کرتے ہوئے سمندر میں بحری آپریشن کا جائزہ لیا۔ علاوہ ازیں، اپنے الوداعی دورے کے ایک حصے کے طور پر، بحریہ کے سربراہ  نے سمندریکا آڈیٹوریم میں نچلی سطح پر چیلنجوں/مسائل کو سمجھنے کے لیے ایک منفرد پروگرام " بحریہ کے سربراہ  کے ساتھ جڑیں" کے ذریعہ صاف، آزاد اور صاف گوئی کے ساتھ مشرقی بحری کمان کےبحریہ کے افسران اور ملاحوں کے ساتھ بات چیت کی۔  اس سے پہلے، بحریہ کے سربراہ  نے 21 مارچ 24 کو میگھادری آڈیٹوریم، نیول ڈاک یارڈ میں ڈیفنس سویلین اہلکاروں کے ساتھ بات چیت بھی کی۔

اس دورے کے دوران، بحریہ کے سربراہ نے 21 مارچ، 2024 کو نوشکتی نگر، وشاکھاپٹنم میں ڈیفنس سیکیورٹی کور (ڈی ایس سی) کے اہلکاروں کے لیے تعمیر کیے گئے 492 افراد پر مشتمل 'ویرام' کے رہائشی بلاک کا افتتاح کیا۔

بحریہ کے سربراہ نے آئی این ایس  سمترا کو وسطی بحیرہ عرب میں انسداد بحری قزاقی آپریشن کی  کامیاب انعقاد کے لیے توصیفی سند سے بھی نوازا۔ اس آپریشن میں 11 صومالی بحری قزاقوں کوگرفتار کیا گیا تھا نیز  17 ایرانی اور 19 پاکستانی شہریوں کو ہائی جیک کیے گئے ماہی گیری کے جہاز ایمان اور النعیمی سے بچایا گیا تھا ۔مذکورہ جہاز نے یہ کارروائیاں اپنی اٹوٹ فائر پاور، دیسی ساخت کے اے ایل ایچ  ہیلی کاپٹر اور ہندوستانی بحریہ کی خصوصی آپریشن ٹیم کا استعمال کرتے ہوئے تیزی سے کیں۔

دورے کے ایک حصے کے طور پر، بحریہ کے سربراہ نے این جی آئی ایف/آئی این بی اے اور نیوی فاؤنڈیشن کی سالانہ جنرل میٹنگ (اے جی ایم) کی صدارت کی۔ ان ملاقاتوں نے نتیجہ خیز بات چیت اور مشترکہ کوششوں کے لیے قیمتی مواقع فراہم کیے جن کا مقصد بحریہ کے اہلکاروں کی فلاح و بہبود اور حوصلہ افزائی کرنا تھا۔

بحریہ کے سربراہ نے بحریہ فاؤنڈیشن کے صدر کی حیثیت سے 21 مارچ 24 کو وشاکھاپٹنم میں بحریہ فاؤنڈیشن کے لیے 31ویں اے جی ایم اور جی سی ایم کی بھی صدارت کی۔ این ایچ کیو، ایچ کیو ای این سی اور پی سی ڈی اے کے افسران نے شرکت کی اور سابق فوجیوں سے بات چیت کی۔ پی سی ڈی اے (پی) پریاگ راج نے ای-پی پی او اوراسپرش سے متعلق  خدشات سے روشناس ہوئے ۔ پنشن ایڈوائزری ڈیسک نے تمام اہلکاروں کو مشاورت اور مدد فراہم کی۔ تقریب کے دوران بحریہ کے سربراہ نے اجتماع کو دوبارہ یقین دلایا کہ سابق فوجیوں کی کمیونٹی کے تمام خدشات کو جلد دور کیا جائے گا۔ سی این ایس کے دورے کے موقع پر، بحریہ فاؤنڈیشن (این ایف) چیپٹرز اور ویٹرن سیلرز فورم (وی ایس ایف) چارٹر کے عہدیداروں/ نمائندوں کے درمیان، 22 مارچ 24 کو ایک تقریب – سمنوے  سی پی ایس کی زیر صدارت سورن جیوتی کانفرنس ہال، وشاکھاپٹنم میں منعقد ہوئی

۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

6321