মাননীয় প্ৰধানমন্ত্ৰীৰ 'উন্নত ভাৰত-সমৃদ্ধ ভাৰত'ৰ দৃষ্টিভংগীৰ মনোভাৱেৰে সংখ্যালঘু পৰিক্ৰমা মন্ত্ৰালয়ে ৰাজ্যখনত বহুমুখী ক্ৰীড়া কমপ্লেক্স আৰু মহিলা উদ্যমীতা সুবিধা কেন্দ্ৰৰ বাবে ১৭২.১০৮ কোটি টকা আৱণ্টন কৰি ৰাজ্যখনৰ আন্তঃগাঁথনি উন্নয়নত গুৰুত্বপূৰ্ণ অগ্ৰগতি প্ৰদান কৰিছে।

অনুমোদিত 'ক্ৰীড়া কমপ্লেক্স'ই কেৱল প্ৰয়োজনীয় ক্ৰীড়া আন্তঃগাঁথনিৰ বিকাশত সহায় কৰাই নহয়, লগতে ৰাজ্যখনত ক্ৰীড়া বা অন্যান্য মনোৰঞ্জনমূলক অনুষ্ঠান আয়োজনৰ বাবে এক সম্ভাৱ্য মাধ্যম হিচাপে কাম কৰি অৰ্থনৈতিক বিকাশকো উৎসাহিত কৰিব। 'মহিলা উদ্যমীতা সুবিধা কেন্দ্ৰ'ই ৰাজ্যখনৰ উদ্যোগী মহিলাসকলৰ সাহস বৃদ্ধি কৰাৰ লগতে তেওঁলোকৰ বাবে বজাৰ সংযোগ আৰু বজাৰৰ সুবিধা সৃষ্টি কৰিব। এক সামূহিক সম্পত্তি হোৱাৰ বাবে, ক্ৰীড়া কমপ্লেক্সটোৱে প্ৰায় ১৯.৮ লাখ জনসংখ্যাক লাভান্বিত কৰিব, যাৰ ভিতৰত ৯১% সংখ্যালঘু। উদ্যমীতা কেন্দ্ৰসমূহে ৩.২৫ লাখ মহিলাক লাভান্বিত কৰিব, যাৰ ভিতৰত আছে ৩.১৬ লাখ সংখ্যালঘু মহিলা জনসংখ্যা।

অন্তৰ্ভুক্ত আৰু সামগ্ৰিক আন্তঃগাঁথনিৰ গুৰুত্বক স্বীকাৰ কৰি, ক্ৰীড়া কমপ্লেক্স আৰু মহিলা উদ্যমীতা কেন্দ্ৰসমূহক ৰাষ্ট্ৰীয় উন্নয়নত সহায়ক হোৱাকৈ এক গুৰুত্বপূৰ্ণ পদক্ষেপ হিচাপে মন্ত্ৰালয়ে সামূহিক সম্পদ হিচাপে অনুমোদন জনাইছে। এই অনুষ্ঠানটোৱে ভাৰতৰ ২০৪৭ চনৰ দৃষ্টিভংগীৰ প্ৰতি সংখ্যালঘু পৰিক্ৰমা মন্ত্ৰালয়ৰ প্ৰতিশ্ৰুতিৰ প্ৰতীক।

****

SS/AKS/AR