ইকাই খুম্নরবা প্রধান মন্ত্রীগী ভিজন 'ভিকসিৎ ভারত-সমৃদ্ধ ভারত'কী ৱাখল্লোন্দা, মাইনোরিতি এফিয়র্স মন্ত্রালয়না ‘মলতিদিস্সিপ্লিনরী স্পোর্তস কমপ্লেক্স’ অমসুং ‘ৱুমেন ওন্তপ্রিনোর্শিপ ফেসিলিতেসন সেন্তর্স’ শানবগীদমক লুপা করোর 172.108  এল্লোকেৎ তৌদুনা নাগেলেন্দগী রাজ্যদা ইনফ্রাস্ত্রকচর শেমগৎনবা অচৌবা খোঙথাং অমা পাইখৎখ্রে।

অয়াবা পীখ্রবা ‘মলতিদিস্সিপ্লিনরী স্পোর্তস কমপ্লেক্স’ অসিনা মথৌ তারিবা স্পোর্তস ইনফ্রাস্ত্রকচর শেমগৎপা খক্তা নত্তনা রাজ্য অসিদা স্পোর্তস নত্ত্রগা অতৈ রিক্রিএস্নেল ইভেন্তশিং পাংথোক্নবা ওইথোকপা য়াবা পাম্বৈ অমা ওইদুনা ইকনোমিক গ্রোথতা শাহৌ পীরগনি। ‘ৱুমেন ওন্তপ্রিনোর্শিপ ফেসিলিতেসন সেন্তর্স’ অসিনা নুপীশিংগীদমক মার্কেৎ লিঙ্কেজ পীবা অমসুং মার্কেৎ ফেসিলিতেসন তৌবগী মথক্তা রাজ্য অসিগী নুপী ওন্তপ্রিনোরশিংবু পুক্নিং থৌগৎলগনি। স্পোর্তস কমপ্লেক্স অসি কম্ম্যুনিতী এসেৎ অমা ওইনা চাউরাক্না মীওই লাখ 19.8দা কান্নবা পীরগনি মসিগী মনুংদা 91%দি মাইনোরিতী ওইরি। ওন্তপ্রিনোর্শিপ সেন্তর অসিনা মাইনোরিতী কাংলুপকী নুপী লাখ 3.16 য়াওনা নুপী লাখ 3.25দা কান্নবা ফংহল্লগনি।

ইনক্লুসিব অমসুং হোলিস্তিক ইনফ্রাস্ত্রকচরগী মরু ওইবা অদু খঙলদুনা স্পোর্তস কমপ্লেক্স অমসুং ৱুমেন ওন্তপ্রিনোর্শিপ সেন্তরশিং অসি লৈবাক্কী চাউখৎ-থৌরাংদা মতেং পাংশিন্নবা ব্রিদজিংগী খোঙথাং অমা ওইনা কম্ম্যুনিতী এসেৎশিং ওইনা সেঙ্কসন তৌখি। থৌরম অসিনা MoMAগী ‘ভিকসিৎ ভারত’কী 2047 ভিজনগী মাইকৈদা লৌরিবা ফিরেপ অদু উৎলি।

****