محکمہ ماہی پروری، حیوانات اور ڈیری کی وزارت نے آج راجکوٹ انجینئرنگ ایسوسی ایشن، راجکوٹ، گجرات میں ساگر پریکرما پروگرام پر کتاب اور ویڈیو کے اجراء کے لیے ایک تقریب کی میزبانی کی۔ ماہی پروری، حیوانات اور ڈیری کے مرکزی وزیر جناب پرشوتم روپالا نے ساگر پریکرما پروگرام کے لیے کتاب اور ویڈیو ریلیز کی تقریب کا افتتاح کیا۔

جناب  پرشوتم روپالا نے 'ساگر پریکرما' کے سفر پر کتاب اور ویڈیو کی نقاب کشائی کی ہے جو ملک میں ماہی گیر برادری کو بااختیار بنانے کے لیے اس شعبے کو تحریک دے گی۔ سابق گورنر، جناب  وجو بھائی والا، لوک سبھا رکن  جناب  موہن بھائی کنڈیریا، راجیہ سبھا رکن جناب رام بھائی موکاریا،  سکریٹری، ڈی او ایف، ڈاکٹر ابھیلکش لکھی،ورچوؤل وسیلے سے، جوائنٹ سکریٹری  محترمہ نیتو کماری پرساد، سکریٹری، ڈاکٹر ایل این مورتی، چیف ایگزیکٹیو، این ایف ڈی بی، جناب نریندر کمار مینا، ڈائریکٹر محکمہ ماہی پروری گجرات سوامی پرماتمانند سرسوتی بھی اس موقع پر موجود تھے۔

مرکزی وزیر جناب پرشوتم روپالا نے تقریب سے خطاب کیا اور 05.03.2022 کو مانڈوی، گجرات سے شروع ہونے والے اور 11.01.2024 کو گنگا ساگر، مغربی بنگال میں 12 مرحلوں میں 12 ساحلی ریاستوں/ مرکز کے زیر انتظام علاقوں کو گھیرے ہوئے تاریخی سفر کے لیے اپنا تجربہ مشترک کیا۔ مرکزی وزیر نے ذکر کیا کہ ساگر پریکرما کے دوران سمندری سفر بعض اوقات سخت سمندری حالات کی وجہ سے انتہائی مشکل ہوتا تھا، لیکن ایک طرح سے یہ ایک سیکھنے کا تجربہ بھی تھا اور ہمارے ماہی گیروں کو درپیش حقیقی مشکلات اور روز مرہ کے چیلنجوں کو سمجھنے کے لیے بہت ضروری تھا۔ ساگر پریکرما کا فیڈ بیک، تجاویز اور زمینی تجربہ اس شعبے کے لیے پالیسی اور اسکیم کی تشکیل اور ماہی گیر برادریوں کی بہتری کے لیے حکومت ہند کی جانب سے اٹھائے جانے والے مختلف اقدامات میں بہت اہم ہوگا۔

جناب  روپالا نے خاص طور پر ماہی گیروں، انڈین کوسٹ گارڈز، تمام ساحلی ریاستوں/مرکز کے زیر انتظام علاقوں کی  حکومتوں، میری ٹائم بورڈز اور دیگر اسٹیک ہولڈرز کی طرف سے دی جانے والی حمایت کا ذکر کیا جنہوں نے ساگر پریکرما کو کامیاب بنانے میں اہم کردار ادا کیا ہے۔ مرکزی وزیر نے اس واقعہ کو یاد کیا جب وہ ساگر پریکرما کے دوران رات کے وقت چلیکا جھیل، اڈیشہ  میں پھنس گئے تھے اور انہوں نے ماہی گیروں کا شکریہ ادا کیا جنہوں نے انہیں اور دیگر معززین کو بحفاظت ساحل تک پہنچایا۔ جناب روپالا نے ایک مثال کے ساتھ یاترا کی اہمیت کو اجاگر کیا، جہاں مہاراشٹر کے وزیر اعلیٰ جنہوں نے مہاراشٹر میں ساگر پریکرما میں شرکت کی، ماہی گیروں کے جال کو جلانے سے ہونے والے نقصان کے خلاف فوری طور پر مالی امداد فراہم کی کیونکہ یہ مسئلہ ان کے نوٹس میں آیا۔

ڈاکٹر ابھیلکش لکھی نے ویڈیو کانفرنس کے ذریعے تقریب سے خطاب کیا اور روشنی ڈالی کہ اس سفر نے 44 دنوں میں 7,989 کلومیٹر کی ساحلی لمبائی کا احاطہ کیا، ماہی گیروں کے مسائل اور چیلنجوں کو سمجھنے کے لیے تقریباً 3,071 ماہی گیری دیہاتوں تک رسائی کی ۔ جناب  لکھی نے یہ بھی بتایا کہ تقریباً 1000 نمائندگی موصول ہوئی ہے اور محکمہ مناسب کارروائی کر رہا ہے۔

محترمہ نیتو کماری پرساد نے اپنے خطاب کے دوران ساگر پریکرما اور اس کی اہمیت کا مختصر تعارف پیش کیا۔

ایک کثیر جہتی  پہل جس کا مقصد ساگر پریکرما یاترا کو مکمل طور پر دائمی بنانا ہے۔ کتاب کا مقصد ساگر پریکرما یاترا کی تاریخ سازی کرنا ہے، جس میں متنوع عناصر، جیسے سمندری راستہ، ثقافتی اور جغرافیائی تلاش، اور ساگر پریکرما کے تمام 12 مراحل کے قابل ذکر اثرات پر مشتمل مواد شامل ہے۔

ساگر پریکرما پروگرام ہندوستان کے امیر سمندری ورثے کا ثبوت ہے، جو سمندروں کے ساتھ ملک کے پائیدار تعلقات کی عکاسی کرتا ہے۔ یہ کتاب اس شاندار سفر کی ایک جامع دستاویز کے طور پر کام کرتی ہے، جو سمندری راستے سے گزرے ہوئے، ثقافتی اور جغرافیائی کھوجوں اور ساگر پریکرما کے تمام 12 مراحل میں دیکھنے والے قابل ذکر اثرات کے بارے میں بصیرت پیش کرتی ہے۔

ماہی گیری کے شعبے کو ابھرتے ہوئےشعبے کے طور پر سمجھا جاتا ہے اور اس میں معاشرے کے کمزور طبقے کو معاشی طور پر بااختیار بنا کر مساوی اور جامع ترقی لانے کی بے پناہ صلاحیت ہے۔ ہندوستان تیسرا سب سے بڑا مچھلی پیدا کرنے والا، دوسرا سب سے بڑا آبی زراعت پیدا کرنے والا، سب سے بڑا جھینگا پیدا کرنے والا اور دنیا کا چوتھا سب سے بڑا سمندری غذا برآمد کرنے والا ملک ہے۔ ساگر پریکرما کا آغاز ماہی گیروں، ساحلی برادریوں اور اسٹیک ہولڈرز کے ساتھ بات چیت میں سہولت فراہم کرنے کے لیے کیا گیا تھا تاکہ ماہی گیری سے متعلق مختلف اسکیموں اور پروگراموں کے بارے میں معلومات فراہم کی جا سکیں جو حکومت ہند کی طرف سے نافذ کی جا رہی ہیں اوراس کا مقصد ماہی گیروں کو درپیش مسائل کو بھی سمجھنا ہے۔

*******

ش ح ۔ا م۔م ص۔

U:6158