ہندوستان کی سب سے بڑی ہائیڈرو پاور کمپنی اور وزارت بجلی کے تحت ایک مرکزی عوامی شعبے کی صنعت این ایچ پی سی لمیٹڈ نے گجرات کے کچھ ضلع کے کھاوڑا میں گجرات اسٹیٹ الیکٹرسٹی کارپوریشن لمیٹڈ (جی ایس ای سی ایل) کے 1,125 میگاواٹ کے آرای پارک میں قائم کیے جانے والے 200 میگاواٹ صلاحیت کے سولر پاور پروجیکٹ کو تیار کرنے کی بولی جیت لی ہے۔

یہ منصوبہ شروع ہونے کے پہلے سال میں تقریباً 473 ملین یونٹ بجلی پیدا کرے گا اور 25 سال کی مدت میں اس منصوبے سے مجموعی توانائی کی پیداوار تقریباً 10,850 ملین یونٹ ہو گی۔ این ایچ پی سی 847 کروڑ روپے کی عارضی ترقیاتی لاگت سے اس منصوبے کو خود بنانے اور خودآپریٹ کرنے  کی بنیاد پر تیار کرے گی۔

پروجیکٹ کے لیے ای ریورس نیلامی گجرات اوورجا  وکاس نگم لمیٹڈ نے 2 مارچ 2024 کو کی تھی اور اس کی طرف سے 14 مارچ 2024 کو لیٹر آف انٹینٹ(اصولی  معاہدہ) جاری کیا گیا تھا۔ اس پروجیکٹ کو 2.66 فی یونٹ روپے کے ٹیرف پر محفوظ کیا گیا ہے اور یہ 18 ماہ کی مدت میں مکمل ہوگا۔

************

ش ح۔ ع ح

(U: 6151)