سڑک ٹرانسپورٹ اور شاہراہوں کے مرکزی وزیر جناب نتن گڈکری نے ایک پوسٹ میں کہا کہ جدید بنیادی ڈھانچے کی تعمیر کے ذریعے جھارکھنڈ کی ترقی کو تحریک دیتے ہوئے کل جھارکھنڈ کے کھنٹی میں منعقد ایک پروگرام میں 2500 کروڑ روپے سے زیادہ کی لاگت کے دو قومی شاہراہوں کے پروجیکٹوں کا سنگ بنیاد رکھا گیا ہے۔ انہوں نے مرکزی وزیر جناب ارجن منڈا، سینئر لیڈر جناب کریا منڈا، جناب سدرشن بھگت، ممبر پارلیمنٹ اور دیگر معززین کی موجودگی میں ویڈیو کانفرنسنگ کے ذریعے سنگ بنیاد رکھا۔

आधुनिक इन्फ्रास्ट्रक्चर के निर्माण से झारखण्ड के विकास को गति देते हुए आज खूँटी में आयोजित कार्यक्रम में 2500 करोड़ रुपए से अधिक की लागत से 2 राष्ट्रीय राजमार्ग 🛣 परियोजनाओं का केंद्रीय मंत्री श्री @MundaArjun जी, वरिष्ठ नेता श्री करिया मुंडा जी, सांसद श्री @SbhagatBJP जी, सांसद… pic.twitter.com/3QyYmDVzO7

— Nitin Gadkari (मोदी का परिवार) (@nitin_gadkari) March 10, 2024

انہوں نے کہا کہ جن پروجیکٹوں کا آج سنگ بنیاد رکھا گیا ہے ان میں ٹوپودانا تا کنڈیا برٹولی سیکشن (بشمول کھنٹی بائی پاس) کو 4 لین کی تعمیر اور بیرو سے کھنٹی سیکشن کو چوڑا  کیا جانا اور اپ گریڈ کیا جاناشامل ہے۔ بیرو تا کھنٹی سیکشن کی تعمیر سے ٹریفک میں سہولت  فراہم ہوگی اور آس پاس کے علاقوں کی ترقی کو فروغ حاصل ہوگا۔ کھنٹی بائی پاس کی تعمیر سے مقامی مصنوعات کی مارکیٹ تک رسائی آسان ہو جائے گی جس سے علاقے کی معاشی اور سماجی ترقی کوبھی  فروغ حاصل ہوگا۔

ان پروجیکٹوں  سے وقت اور ایندھن کی بچت ہوگی جس سے آلودگی میں کمی آئے گی۔ جدید اور اعلیٰ معیار کی سڑکیں آسان اور محفوظ نقل و حمل کو یقینی بنائیں گی۔ وزیر موصوف نے مزید کہا کہ اقتصادی سرگرمیوں کی حوصلہ افزائی کی جائے گی اور روزگار کے مواقع پیدا کیے جائیں گے۔

********

  ش ح۔ ۔رم

U-5948