نیتی آیوگ

مواصلات، ریلویز، اور الیکٹرانکس اور انفارمیشن ٹکنالوجی کے وزیر جناب اشونی ویشنو، نیتی آیوگ کے‘ریاستوں کے لئے نیتی’ پلیٹ فارم کا آغاز کریں گے


ریاستوں کے لئے نیتی کا پلیٹ فارم ایک  کثیرشعبہ جاتی  نالج پلیٹ فارم ہے جسے پالیسی اور اچھی حکمرانی کے لیے ڈیجیٹل پبلک بنیادی ڈھانچہ (ڈی پی آئی) بننے کے لیے ڈیزائن کیا گیا ہے

دس شعبوں پر محیط علمی مصنوعات، 7,500 بہترین طریقوں، 5,000 پالیسی دستاویزات، 900+ ڈیٹاسیٹس، 1,400 ڈیٹا پروفائلز، اور 350 نیتی اشاعتوں کا تازہ ترین ذخیرہ

Posted On: 06 MAR 2024 12:58PM by PIB Delhi

مواصلات، ریلویز، اور الیکٹرانکس اور انفارمیشن ٹکنالوجی کے وزیر جناب اشونی ویشنو کل صبح رنگ بھون آڈیٹوریم، آکاشوانی، نئی دہلی میں نیتی آیوگ کے نیتی فار اسٹیٹس  یعنی ریاستوں کے لئے نیتی پلیٹ فارم کا آغاز کریں گے۔ ریاستوں کے لیے نیتی، ایک کثیرشعبہ جاتی  نالج پلیٹ فارم ہے جسے پالیسی اور اچھی حکمرانی کے لیے ڈیجیٹل پبلک  بنیادی ڈھانچہ (ڈی پی آئی) بننے کے لیے ڈیزائن کیا گیا ہے۔ پلیٹ فارم کو لانچ کرنے سے پہلے جناب اشونی ویشنو نیتی آیوگ میں ’وکست بھارت اسٹریٹجی روم‘ کا بھی افتتاح کریں گے۔‘وِکِسِٹ بھارت  اسٹرایٹیجی روم’ بصیرت، معلومات اور علم کے ساتھ بھرپور تصور اور مشغولیت کو مؤثر طریقے سے ذاتی طور پر فیصلہ سازی کے عمل میں معاونت کرے گا۔

اس پلیٹ فارم کی نمایاں خصوصیات میں 7,500 بہترین طورطریقے، 5,000 پالیسی دستاویزات، 900+ ڈیٹا سیٹس، 1,400 ڈیٹا پروفائلز، اور 350 نیتی  اشاعتوں کا مختلف النوع شعبوں کاتازہ ترین  ذخیرہ شامل ہے۔ پلیٹ فارم پر موجود علمی مصنوعات 10 شعبوں پر محیط ہیں جن میں زراعت، تعلیم، توانائی، صحت، ذریعہ معاش اور ہنر مندی، مینوفیکچرنگ، ایم ایس ایم ای، سیاحت، شہری، آبی وسائل اور ڈبلیو اے ایس ایچ شامل ہیں جن میں دو مختلف موضوعات - صنف اور موسمیاتی تبدیلی شامل ہیں۔ یہ لیٹ فارم ایک  صارف دوست انٹرفیس ہے جو صارفین کو آسانی سے نیویگیٹ کرنے کی اجازت دیتا ہے۔ اور یہ موبائل فون سمیت متعدد آلات کے ذریعے قابل رسائی ہے۔

ریاستوں کے لیے نیتی پلیٹ فارم حکومتی اہلکاروں کو مضبوط، سیاق و سباق سے متعلقہ، اور قابل عمل علم اور بصیرت سے آراستہ کرکے نظم و نسق کی ڈیجیٹل تبدیلی میں سہولت فراہم کرے گا، اس طرح ان کی فیصلہ سازی کے معیار کو بہتر بنائے گا۔ یہ مختلف ریاستوں اور مرکز کے زیر انتظام علاقوں میں اختراعی بہترین طریقوں تک رسائی فراہم کرکے ضلع کلکٹروں اور بلاک سطح کے عہدیداروں جیسے جدید ترین سطح کے عہدیداروں کی بھی مدد کرے گا۔

‘‘وِکِست بھارت سٹریٹیجی روم’’ جس  کا افتتاح کیا جا رہا ہے ،آپس میں بات چیت اورتبادلہ خیال کی ایک جگہ ہے جہاں صارفین ڈیٹا، رجحانات، بہترین طور طریقوں اور پالیسیوں کو ایک عمیق انداز میں دیکھنے کے قابل ہو جائیں گے جس سے وہ کسی بھی مسئلے کے بیان کا مکمل جائزہ لے سکیں گے۔ یہ صارف کو آواز سے چلنے والے اے آئی کے ذریعے بات چیت کرنے اور ویڈیو کانفرنسنگ کے ذریعے متعددمتعلقہ فریقوں سے رابطہ قائم  کرنے کی بھی سہولت  فراہم کرتا ہے۔ اسے ریاستوں، اضلاع اور بلاکس کے ذریعے نقل کو فعال کرنے کے لیے ایک پلگ اینڈ پلے ماڈل کے طور پر ڈیزائن کیا گیا ہے۔

نیتی آیوگ کی اس پہل قدمیمیں مختلف سرکاری تنظیموں نے تعاون کیا ہے۔ اس میں ‘‘سمرتھ’’ نامی آن لائن ٹریننگ ماڈیولز لانے والے آئی جی او ٹی کرم یوگی شامل ہیں، جن تک پلیٹ فارم کے ذریعے رسائی حاصل کی جا سکتی ہے۔ نیتی آیوگ کے نیشنل ڈیٹا اینڈ اینالیٹکس پلیٹ فارم (این ڈی اے پی) کو سرکاری ڈیٹا سیٹس تک رسائی دینے کے لیے مربوط کیا گیا ہے۔ ای- حکمرانی کے قومی ڈویژن (این ای جی ڈی) نے اپنی نوعیت کا پہلا وِکست بھارت اسٹریٹجی روم تیار کرنے کے لیے تعاون  کیا ہے جبکہ بھاشینی کی طرف سے کثیر لسانی  معاونت  کی گئی ہے۔ ڈی پی آئی آئی ٹی کے تعاون سے پی ایم گتی شکتی بی آئی ایس اے جی –این  ٹیم، ، علاقے پر مبنی منصوبہ بندی کے لیے ارضیاتی محل ووقوع فراہم کرنے کے لیے بھی مربوط ہو گئی ہے۔

*********

(ش ح۔ ع م ۔ع آ)

U-5734



(Release ID: 2011867) Visitor Counter : 78