ایمپلائز اسٹیٹ انشورنس کارپوریشن کی اسٹینڈنگ کمیٹی کی231ویں میٹنگ آج 5مارچ 2024 کو نئی دہلی میں لیبر اینڈ ایمپلائمنٹ کی سکریٹری محترمہ سومیتا داؤرا کی صدارت میں منعقد ہوئی۔ میٹنگ کے دوران، بیمہ شدہ کارکنوں اور ان کے خاندان کے افراد کو طبی دیکھ بھال اور نقد فوائد کی دستیابی کو بڑھانے کے مقصد سے درج ذیل اہم فیصلے لیے گئے:

ای ایس آئی سی ،الور میں ذیلی علاقائی دفتر قائم کرے گا۔

میٹنگ میں راجستھان کے الور میں سب ریجنل آفس قائم کرنے کا فیصلہ لیا گیا۔ الور میں ایک نئے ای ایس آئی سی  ذیلی علاقائی دفتر کے قیام سے تقریباً 12 لاکھ بیمہ شدہ کارکنان اور ای ایس آئی اسکیم کے مستفید ہونے والے الور، کھیرتھل-تیجارہ، کوٹھ پوتلی-بہرور، بھرت پور اور دیگ کے اضلاع میں رہنے والے لوگوں کو فائدہ ہوگا۔

7 ای ایس آئی اسپتالوں کی تعمیر کے تخمینے کی منظوری

میٹنگ کے دوران ہاروہلی، نرسا پورہ، بوماسندرا (کرناٹک)، میرٹھ، بریلی (اتر پردیش)، پیتھم پور (مدھیہ پردیش) اور ڈبوری (اوڈیشہ) میں 7 نئے ای ایس آئی اسپتالوں کی تعمیر کے لیے 1128.21کروڑ روپے کے تخمینے کی منظوری بھی میٹنگ کے دوران دی گئی۔ ان تخمینوں کی منظوری کے بعد ان اسپتالوں کی تعمیرکا کام  جلد شروع ہو جائے گا۔ یہ  اسپتال ای ایس آئی سی  کے موجودہ طبی دیکھ بھال کے بنیادی ڈھانچے میں 800 بستروں کا اضافہ کریں گے۔

ان اسپتالوں اور دفاتر کے قیام سے متعلق فیصلے وکست بھارت کے وژن کو مدنظر رکھتے ہوئے لیے گئے تاکہ طبی اور نقد فوائد کی فراہمی کے بنیادی ڈھانچے کو بڑھایا جا سکے۔ پچھلے دس سالوں کے دوران ای ایس آئی اسکیم کے تحت آنے والے اضلاع اور بیمہ شدہ کارکنوں کی تعداد میں تیزی سے اضافہ ہوا ہے، ان کی تعداد بالترتیب 666 اور 3.43 کروڑ تک پہنچ گئی ہے۔ ڈاکٹر راجندر کمار، ڈائریکٹر جنرل، ای ایس آئی سی، آجروں کے نمائندے، ملازمین کے نمائندے اور ایم او ایل اینڈای  اورای ایس آئی سی کے سینئر افسران نے بھی میٹنگ میں شرکت کی۔

*****

ش ج۔ ج ق۔ ج ا

U-No. 5715