కేంద్ర వ్యవసాయం మరియు రైతు సంక్షేమ మంత్రి శ్రీ అర్జున్ ముండా ఈరోజు అస్సాంలోని గోగాముఖ్‌లోని దిర్పై చపోరిలోని ఐ ఎ ఆర్ ఐ లో అడ్మినిస్ట్రేటివ్-కమ్-అకడమిక్ బిల్డింగ్, మానస్ గెస్ట్ హౌస్, సుబంసిరి బాలికల హాస్టల్ మరియు బ్రహ్మపుత్ర బాలుర వసతి గృహాలను  ప్రారంభించారు. కేంద్ర వ్యవసాయ మరియు రైతు సంక్షేమ శాఖ సహాయ మంత్రి శ్రీ కైలాష్ చౌదరి ప్రారంభ కార్యక్రమంలో పాల్గొని అస్సాంలోని ఇండియన్ అగ్రికల్చరల్ రీసెర్చ్ ఇనిస్టిట్యూట్‌లోని ఎగ్జిబిషన్ స్టాల్‌ను సందర్శించారు.

 

ఈశాన్య ప్రాంత అభివృద్ధిపై ప్రధాన మంత్రి శ్రీ నరేంద్ర మోదీ ప్రత్యేక దృష్టి సారించారని కేంద్ర వ్యవసాయ, రైతు సంక్షేమ శాఖ మంత్రి శ్రీ అర్జున్ ముండా అన్నారు. ఈశాన్య రాష్ట్రాల్లో వ్యవసాయాభివృద్ధిలో ఉన్న లోటుపాట్లను తొలగించి వారిని జనజీవన స్రవంతిలోకి తీసుకురావడానికి కేంద్ర ప్రభుత్వం కృషి చేసిందని, ఈశాన్య ప్రాంత అభివృద్ధికి ప్రధాని కొత్త కోణాన్ని అందించారన్నారు. 2047 నాటికి దేశాన్ని అభివృద్ధి చెందిన దేశంగా తీర్చిదిద్దాలనే సంకల్పంతో ప్రభుత్వం పని చేస్తోందని, ఇందులో వ్యవసాయం పాత్ర ఎంతో ఉందన్నారు. వంట నూనెల  దిగుమతుల భారాన్ని తగ్గించి నూనె గింజల్లో స్వావలంబన సాధించేందుకు రూ.11 వేల కోట్లతో మిషన్‌ను అమలు చేస్తున్నట్లు శ్రీ అర్జున్ ముండా తెలిపారు. రానున్న రోజుల్లో దిగుమతి కాకుండా ఎగుమతి చేస్తామన్న ఆలోచనతో పనిచేయాలి. ప్రగతి దృష్టి తో పని చేస్తే కచ్చితంగా విజయం సాధిస్తామని అన్నారు.

 

శ్రీ అర్జున్ ముండా వాతావరణాన్ని తట్టుకోగల పంటల రకాలను అభివృద్ధి చేయడంపై కూడా నొక్కిచెప్పారు మరియు వ్యవసాయ విద్యను జీవనోపాధి మరియు ఉపాధి అవకాశాలతో అనుసంధానం చేయాలని చెప్పారు. జీవవైవిధ్య అధ్యయనాలపై కూడా ప్రత్యేక శ్రద్ధ అవసరమని శ్రీ ముండా అన్నారు. ఈ ఇన్‌స్టిట్యూట్ ఒక సంవత్సరంలో పరిశోధనలకు అత్యంత ప్రాధాన్యతనిస్తుందని ఆయన ఆశాభావం వ్యక్తం చేశారు. సాంకేతికతలు వాతావరణ తటస్థంగా మరియు లింగ తటస్థంగా ఉండాలని ఆయన నొక్కి చెప్పారు.

 

ఎం ఓ ఎస్ శ్రీ కైలాష్ చౌదరి ఈశాన్య ప్రాంతంలో ఉన్న సహజ వైవిధ్యాన్ని ఉపయోగించుకోవాలని శాస్త్రవేత్తలను కోరారు. ప్రకృతికి దగ్గరగా ఉన్న సాంకేతికతలను అభివృద్ధి చేయడం గురించి కూడా ఆయన నొక్కిచెప్పారు. ఆ విధంగా మనం సేంద్రీయ మరియు సహజ వ్యవసాయంతో అనుసంధానం చేద్దాం. పప్పుధాన్యాలు మరియు నూనె గింజలకు సంబంధించిన పరిశోధనలపై దృష్టి సారించాలని, తద్వారా దేశం పప్పు ధాన్యాల ఎగుమతిపై ఎక్కువ డబ్బు ఖర్చు చేయాల్సిన అవసరం లేదని ఆయన నొక్కి చెప్పారు. వ్యవసాయ పరిశోధనను వ్యవస్థాపకతతో అనుసంధానం చేయాలని ఆయన అన్నారు.  వివిధ సంస్థల మధ్య మెరుగైన పారదర్శక ఆలోచనల మార్పిడి ఉన్నప్పుడు మాత్రమే ఇవన్నీ సాధ్యమవుతాయి.

 

ఐ ఎ ఆర్ ఐ అస్సాం చేస్తున్న కృషిని అస్సాం ప్రభుత్వ విద్య, మైదాన తెగలు మరియు వెనుకబడిన తరగతుల సంక్షేమ శాఖ మంత్రి డాక్టర్ రనోజ్ పెగు అభినందించారు. వృక్ష, జంతు మరియు చేపల వైవిధ్యంతో పాటు పర్యావరణాన్ని పరిరక్షించడంలో ఐ ఎ ఆర్ ఐ, అస్సాం చేయబోయే పరిశోధనలకు సహాయపడుతుందని ఆయన నొక్కి చెప్పారు.

 

పార్లమెంటు సభ్యుడు, లఖింపూర్ శ్రీ ప్రదాన్ బారుహ్ మాట్లాడుతూ, అస్సాంలో ఈ స్థాయి సంస్థ రావాలనేది మా కల అని అన్నారు. ఈ ఇన్‌స్టిట్యూట్ మొత్తం ఈశాన్య భారతదేశంలోని యువకుల నిరీక్షణకు తగ్గట్టుగా అభివృద్ధి చెందుతుందని మేము ఆశిస్తున్నాము.

 

సెక్రటరీ  డీ ఏ ఆర్ ఈ మరియు డీ జీ ఐకార్ , న్యూఢిల్లీ డాక్టర్ హిమాన్సు పాఠక్  ఈ సమావేశాన్ని ఉద్దేశించి ప్రసంగించారు. అస్సాంలోని ఐ ఎ ఆర్ ఐ యొక్క లక్ష్యాలు మరియు ఆదేశాలను వివరించారు. ఈశాన్య భారతదేశంలో పరిశోధన మరియు అభివృద్ధి ద్వారా అన్వేషించాల్సిన అపారమైన సంభావ్యత ఉందని ఆయన ఉద్ఘాటించారు. ఇన్‌స్టిట్యూట్ పురోగమిస్తూ  కొనసాగేలా ఐసీఏఆర్ ఎలాంటి అవకాశాన్నీ వదిలిపెట్టదని ఆయన హామీ ఇచ్చారు. ఈ ఇన్‌స్టిట్యూట్‌ని ప్రారంభించడం ఐకార్ చరిత్రలో చారిత్రక సందర్భాన్ని  సూచిస్తుంది. ఈ స్థాయికి ఈ ఇన్‌స్టిట్యూట్ అభివృద్ధికి సహకరించిన వారిని ఆయన అభినందించారు.

 

డైరెక్టర్, ఐ ఎ ఆర్ ఐ డాక్టర్ ఏ.కే.సింగ్ అస్సాంలోని ఐ ఎ ఆర్ ఐ ఉద్యోగుల కమిటీ చేసిన అన్ని ప్రయత్నాలను అభినందించారు. ఈ కార్యక్రమంలో డాక్టర్ డి.కె.సింగ్, డాక్టర్ అనిల్ సిరోహి, డాక్టర్ మనోజ్ ఖన్నా, డాక్టర్ అనుపమ్ మిశ్రా, భార్గవ్ శర్మ, డాక్టర్ యం.ఎల్.సింగ్, డాక్టర్ కె.బి.పున్, శ్రీ అంకుర్ భరాలి, జిల్లా కమీషనర్ ధేమాజీ తదితరులు పాల్గొన్నారు.

 

***

(Release ID: 2011591)