প্রধান মন্ত্রী শ্রী নরেন্দ্র মোদী মার্চ ৪-৬,২০২৪ দা তেলঙ্গানা, তামিল নাদু, ওরিসা, নোংচুপ বেঙ্গল অমসুং বিহারদা চৎকনি।

মার্চ ৪গী অয়ুক পুং ১০:৩০ রোম তাবদা, প্রধান মন্ত্রীনা তেলঙ্গানাগী অদিলাবাদতা লুপা করোর ৫৬,০০০ হেনবগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। তুংদা, নুথিল পুং ৩:৩০ রোম তাবদা, প্রধান মন্ত্রী তামিল নাদুগী কালপাক্কামদা লৈবা ভাবিনিদা চৎকনি।

মার্চ ৫দা, অয়ুক পুং ১০ রোম তাবদা, প্রধান মন্ত্রীনা হায়দ্রবাদতা সিবিল এভিএসন রিছার্স ওর্গনাইজেসন(কারো) লৈবাক মীয়ামদা কৎথোক্কনি। অয়ুক পুং ১১ রোম তাবদা, প্রধান মন্ত্রীনা তেলঙ্গানাগী সঙ্গারেদ্দিদা লুপা করোর ৬,৮০০ হেনবগী প্রোজেকশিং শঙ্গাগনি অমসুং উরেপ-উয়ুং তমগনি। নুংথিল পুং ৩:৩০ রোম তাবদা, প্রধান মন্ত্রীনা ওরিসাগী চান্দিখোলে, জাজপুরদা লুপা করোর ১৯.৬০০ হেনবগী তোঙান-তোঙানবা ইনফ্রাস্ত্রকচরশিং প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি

মার্চ ৬তা, অয়ুক পুং ১০:১৫ রোম তাবদা, প্রধান মন্ত্রীনা কোলকাতাদা লুপা করোর ১৫,৪০০ রোমগী তোঙান-তোঙানবা লম্বী-থোংগী প্রোজেকশিং শঙ্গাগনি অমসুং উরেপ-উয়ুং তমগনি। তুংদা, নুংথিল পুং ৩:৩০ রোম তাবদা, প্রধান মন্ত্রীনা বিহারগী বেত্তিয়াদা লুপা করোর ৮,৭০০ রোমগী ইনফ্রাস্ত্রকচরশিং প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি।

অদিলাবাদতা প্রধান মন্ত্রী

তেলঙ্গানাগী অদিলাবাদতা পাংথোকপা মীয়ামগী থৌরম অমদা, প্রধান মন্ত্রীনা পৱার, রেল অমসুং লম্বীগী সেক্তরগা মরী লৈনবা লুপা করোর ৫৬,০০০ হেনবগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রোজেকশিংগী মরুওইবা পৱার সেক্তরদা থমগনি।

প্রধান মন্ত্রীনা লৈবাক শীনবা থুংনা পৱার সেক্তরগা মরী লৈনবা তোঙান-তোঙানবা প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রধান মন্ত্রীনা তেলঙ্গানাগী পেদদাপাল্লিদা তেলঙ্গানা সুপর থর্মেল পৱার প্রোজেক্কী এন.তি.পিসিগী মেগাৱাত ৮০০(য়ুনিত-২) মীয়ামদা কৎথোক্কনি। উলত্রা-সুপরক্রিতিকেল তেক্নোলোজিদা য়ুম্ফম ওইবা প্রোজেক অসিনা তেলঙ্গানাদা মৈ চাদা ৮৫ পীগনি অমসুং ভারত্তা লৈরিবা এন.তি.পি.সিগী পৱার স্তেসন পুম্নমক্কী মরক্তা চাদা ৪২ গী মৈ পুথোক্তুনা মৈ খ্বাইদগী য়াম্না পুথোকপা ওইগনি। প্রধান মন্ত্রীনা প্রোজেক অসিগী উরেপ-উয়ুং তমখিবনি।

প্রধান মন্ত্রীনা ঝারখন্দগী চাত্রাদা নোর্থ কারনপুরা সুপর থর্মেল পৱার প্রোজেক্কী মেগাৱাত ৬৬০(য়ুনিত-২) মীয়ামদা কৎথোক্কনি। মসি হান্নগী ৱাতর-কুল কন্দেন্সরশিংগা চাংদম্নবদা ঈশিং শীজিন্নবা শরুক ১/৩ হন্থবা অসিগুম্বা অচৌবা এয়র কুল কন্দেন্সর(এ সি সি) য়াওরবা লৈবাক অসিগী অহানবা সুপরক্রিতিকেল থর্মেল পৱার প্রোজেক্নি। প্রোজেক অসি থবক হৌদোকপা প্রধান মন্ত্রীনা লমথাখিবনি।

প্রধান মন্ত্রীনা ছতিসগর, বিলাসপুর, সিপাত্তা ফ্লাই এস লাইত ৱেত এগ্রিগেত প্লান্ত লৈবাক মীয়ামদা কৎথোক্কনি অমসুং উত্তর প্রদেসকী নোইদাদা এস.তি.পি ৱাতরদগী গ্রিন হায়দ্রোজেন প্লান্ত মীয়ামদা কৎথোক্কনি।

মখা তানা, প্রধান মন্ত্রীনা উত্তর প্রদেসকী সোনভাদ্রাদা সিংগ্রাউলি সুপর থর্মেল পৱার প্রোজেক, স্তেজ-৩(মেগাৱাত ২x৮০০);  ছতিসগরগী রাইগর, লারাদা ফ্লু গ্যাস CO2 দগী 4G ইথানোল প্লান্ত; অন্ধ্র প্রদেসকী বিশাখাপত্নমগী সিমহাদ্রিদা সমুদ্রগী ঈশিংদগী গ্রিন হায়দ্রোজেন প্লান্ত অমসুং ছতিসগরগী কোর্বাদা ফ্লাই এস বেজ এফ.এ.এল.জি এগ্রিগেত প্লান্ত উরেপ-উয়ুং তমগনি।

প্রধান মন্ত্রীনা পৱার গ্রিদ কোওপরেসন ওফ ইন্দিয়াগী প্রোজেক তরেৎ শঙ্গাগনি অমসুং প্রোজেক অমা উরেপ-উয়ুং তমগনি। হায়রিবা প্রোজেকশিং অসিনা নেসনেল গ্রিদ মপাঙ্গল কনখৎহনবদা অচৌবা থৌদাং অমা লৌগনি।

প্রধান মন্ত্রীনা রাজস্থানগী জয়সালমরদা নেসনেল হায়দ্রোইলেক্ত্রিক পৱার কোর্পোরেসন(এন ঐচ পি সি)গী মেগাৱাত ৩৮০ সোলার প্রোজেক শঙ্গাগনি। প্রোজেক অসিদগী চহি খুদিংগী গ্রিন পৱার য়ুনিত মিল্লিয়ন ৭৯২ রোম পুথোক্কনি।

প্রধান মন্ত্রীনা উত্তর প্রদেসকী জালাউন্দা বুন্দেলখান্দ সাউর উর্জা লিমিতেদ(বিসুল)গী মেগাৱাত ১২০০ জালাউন অলত্রা মেগা রিনিউএবল ইনর্জি পৱার পার্ক শানবা উরেপ-উয়ুং তমগনি। পার্ক অসিনা চহি খুদিংগী মৈ য়ুনিত মিল্লিয়ন ২৪০০ রোম পুথোক্কনি।

প্রধান মন্ত্রীনা উত্তর প্রদেসকী কানপুর দেহাত অমসুং জালাউন্দা সাতলুজ জল বিদয়ুত নিগম(এস জে ভি এন)গী সোলর পৱার প্রোজেক অহুম শঙ্গাগনি। প্রোজেকশিং অসিনা পুন্না মৈ মেগাৱাত ২০০ পুথোক্কনি। প্রধান মন্ত্রীনা প্রোজেকশিং অসিগী উরেপ-উয়ুং তমখিবনি। প্রধান মন্ত্রীনা উত্তরখন্দগী উত্তরকাসিদা মরী লৈনবা ত্রান্সমিসন লাইনগা লোয়ননা নাইতৱার মোরি হায়দ্রো পৱার স্তেসন শঙ্গাগনি। প্রধান মন্ত্রীনা হিমাচল প্রদেসকী বিলাসপুর অমসুং অসামগী ধুব্রিদা সাতলুজ জল বিদয়ুত নিগম(এস জে ভি এন)গী সোলর পৱার প্রোজেক অনি উরেপ-উয়ুং তমগনি অমসুং হিমাচল প্রদেসতা মেগাৱাত ৩৮২ সুন্নি হায়দ্রো ইলেক্ত্রিক প্রোজেক উরেপ-উয়ুং তমগনি।

প্রধান মন্ত্রীনা উত্তর প্রদেসকী লালিতপুরদা তুসকোগী মেগাৱাত ৬০০ লালিতপুর সোলার পৱার প্রোজেক্কী উরেপ-উয়ুং তমগনি। প্রোজেক অসিনা চহি অমদা গ্রিন পৱার য়ুনিত মিল্লিয়ন ১২০০ পুথোক্নবা পান্দম থম্লি।

রিনিউএবল ইনর্জিদগী মেগাৱাত ২৫০০ লৌথোক্নবা রিনিউগী কোপ্পাল-নরেন্দ্র ত্রান্সমিসন স্কিম প্রধান মন্ত্রীনা শঙ্গাগনি। ইন্তর-স্তেৎ ত্রান্সমিসন স্কিম অসি কর্নাতকাগী কোপ্পাল জিলাদা লৈরি। দামোদার ভেল্লি কোর্পোরেসন অমসুং ইন্দিগ্রিদগা মরী লৈনবা অতোপ্পা পৱার সেক্তরগা মরী লৈনবা প্রোজেকশিংশু প্রধান মন্ত্রীনা শঙ্গাগনি।

পৱার সেক্তরগী মথক্তা, লম্বী অমসুং রেল সেক্তরগী প্রোজেকশিংশু প্রধান মন্ত্রীগী খোঙচৎ মনুংদা হৌদোক্কনি। প্রধান মন্ত্রীনা নৌনা মৈ ফংহল্লবা অম্বারি-অদিলাবাদ-পিমপালখুতি রেল লাইন লৈবাক মীয়ামদা কৎথোক্কনি। এন.ঐচ-৩৫৩বি অমসুং এন.ঐচ-১৬৩ ফাউদুনা তেলঙ্গানাগা মহারাস্ত্রাগা শম্নবা অমসুং তেলঙ্গানাগা ছতিসগরগা শম্নবা মরুওইবা নেসনেল হায়ৱে প্রোজেক অনি প্রধান মন্ত্রীনা উরেপ-উয়ুং তমগনি।

হায়দ্রবাদতা প্রধান মন্ত্রী

হায়দ্রবাদতা সিবিল এভিএসন রিছার্স ওর্গনাইজেসন(কারো) লৈবাক মীয়ামদা কৎথোক্কনি। মসি সিবিল এভিএসন সেক্তরদা রিছার্স অমসুং দিবলপমেন্ত(আর অমসুং দি)গী থবকশিং হেনগৎহন্নবা অমসুং ফগৎহন্নবা এয়রপোর্তস ওথোরিতি ওফ ইন্দিয়ানা হায়দ্রবাদকী বেগুমপেত এয়রপোর্ততা লিংখৎপনি। মসিনা লৈবাক অসিনা পুথোকচবা অমসুং অনৌবা পাম্বৈশিংগী পীদুনা ইন-হাওস অমসুং অপুনবা রিছার্সকী খুৎথাংদা এভিএসনগী লমদা থবক তৌরিবশিংদা মালেমগী রিছার্সকী মফম অমা পীনবা পান্দম থম্লি। লুপা করোর ৩৫০ হেন্না চঙনা শেমগৎপা অনৌবা খুদোংচাবা অসিদা ফাইব-স্তার-গ্রিহ রেতিং অমসুং ইনর্জি কঞ্জর্বেসন বিল্দিং কোদ(ই সি বি সি)গী কাংলোনশিং ঙাক্লে।

তুংগী রিছার্স অমসুং দিবলপমেন্তগী থবকশিং শৌগৎনবা কারো অসি অপুনবা লেবোরেতোরি অমা ওইনা শীজিন্নগনি। মসি ওপরেসন এনালাইসিস অমসুং পর্ফোমেন্স ওন্নবা দেতা এনালাইতিক্সকী লমদা শীজিন্নগনি। কারোদা পাংথোক্কদবা মরুওইবা আর অমসুং দিগী থবকশিংগী মনুংদা: এয়রস্পেস অমসুং এয়রপোর্ত অশোই-অঙাম থোকহন্দনবা, কেপাসিতি অমসুং থবক তৌবা হেনগৎহন্নবা থৌরমশিং, অচৌবা এয়রস্পেসকী শিংনবশিং, মরুওইবা এয়রপোর্ত ইনফ্রাস্ত্রকচরগী খুদোংচাদবশিং য়েংশিনবা, তুংদা এয়রস্পেস অমসুং এয়রপোর্তকী দরকার ওইবশিং ফংহন্নবা মশক খঙদোক্লবা হিরমশিংদা তেক্নোলোজিশিং অমসুং পোৎথোকশিং পুথোকপা য়াওরি।

সঙ্গারেদ্দিদা প্রধান মন্ত্রী

প্রধান মন্ত্রীনা তেলঙ্গানাগী সঙ্গারেদ্দিদা লুপা করোর ৬,৮০০ হেনবগী প্রোজেকশিং শঙ্গাগনি অমসুং উরেপ-উয়ুং তমগনি। সঙ্গারেদ্দিদা পায়খৎলিবা প্রোজেকশিংগী মনুংদা লম্বী, রেল, পেত্রোলিয়ম অমসুং নেচরেল গ্যাসগুম্বা মরুওইবা সেক্তরশিং য়াওরি।

প্রধান মন্ত্রীনা নেসনেল হায়ৱে প্রোজেক অহুম শঙ্গাগনি অমসুং উরেপ-উয়ুং তমগনি। প্রধান মন্ত্রীনা শঙ্গাগদৌরিবা নেসনেল হায়ৱে প্রোজেক অনিগী মনুংদা এন.ঐচ-১৬১গী কান্দি-রামসানপাল্লে সেক্সন(কিমি৪০) লেন মরি ওইহনবা য়াওরি। প্রোজেক অসি ইন্দোর-হায়দ্রবাদ ইকোনোমিক কোরিদোরগী শরুক অমনি অমসুং মসিনা তেলঙ্গানা,মহারাস্ত্রা অমসুং মধ্য প্রদেসকী মরক্তা পেসেঞ্জর অমসুং পোৎ-চৈ অপনবা লৈতনা চৎথোক-চৎশিন অমসুং পুথোক-পুশিন তৌবা য়াহনগনি। সেক্সন অসিনা হায়দ্রবাদ অমসুং নানদেদগী মরক্তা চৎথোক-চৎশিন তৌবদা চঙবা মতম পুং ৩ দা হন্থহনগনি। প্রধান মন্ত্রীনা এন.ঐচ-১৬৭গী মিরয়ালাগুরা-কোদাদ সেক্সন(কিমি ৪৭) পেপ সোলজরগা লোয়ননা ফগৎহল্লবা লম্বী শঙ্গাগনি। লম্বী-থোং ফগৎহনবা অসিনা লমদম অসিদা তুরিজম, শেন-থুম তানবগী থবকশিং অমসুং উদোগশিং চাউখৎহনগনি।

মখা তানা, প্রধান মন্ত্রীনা এন.ঐচ-৬৫কী পুনে-হায়দ্রবাদ সেক্সন(কিমি ২৯) লেন তরুক ওইহন্নবা উরেপ-উয়ুং তমগনি। প্রোজেক অসিনা তেলঙ্গানাগী মরুওইবা উদোগকী মফমশিং হায়বদি পাতানচেরু ময়াগী পাসামাইলারাম ইন্দস্ত্রিএল এরিয়াগুম্ব মফমশিংগী লম্বী-থোং ফগৎহনগনি।

থৌরম মনুংদা, প্রধান মন্ত্রীনা অনৌবা স্তেসন বিল্দিং তরুক্কা লোয়ননা সানাথনগর-মাউলা অলি রেল লাইন দবল ওইহনবা অমসুং মৈ ফংহনবা শঙ্গাগনি। কিমি ২২গী রুতকী প্রোজেক অসি ওতোমেতিক শিঙ্গনেলগী থবক হৌরে অমসুং এম.এম.তি.এস(মল্তি মোদাল ত্রান্সপোর্ত সর্বিস) ফেজ-২ প্রোজেক্কী শরুক অমা ওইনা লোইশিনবনি। মসিগী শরুক অমা ওইনা, ফেরোজগুদা, সুচিত্রা সেন্তর, ভুদেবী নগর, অম্মুগুদা, নেরেদমেত অমসুং মাউলা অলি হাওসিং বোর্দ স্তেসনশিংদা অনৌবা স্তেসন বিল্দিংশিং শেমগৎলে। দবল ওইহনবা অমসুং মৈ ফংহনবা অসিনা সেক্সন অসিদা অহানবা ওইনা পেসেঞ্জর ত্রেনশিং চেনবা হৌনবা লম্বী য়াৎলে। মসিনা য়াম্না চিনবা সেক্সনশিংদা পোৎলুম হন্থহন্দুনা লমদম অসিদা ত্রেনশিং মতম চানা অমসুং খোঙজেল য়াংনা চেনবদা মতেং পাংলগনি।

প্রধান মন্ত্রীনা ঘাতকেসার-লিঙ্গামপাল্লি ভাইয়া মাউলা অলি-সনাথনগরদগী এম.এম.তি.এস ত্রেন সর্বিস লমথাগনি। মীয়াম্না পাম্নরবা ত্রেন সর্বিস অসি অহানবা ওইনা হায়দ্রবাদ-সিকন্দরবাদ ত্বিন সিতিগী অনৌবা শরুকশিংদা য়ৌহল্লগনি। মসিনা সহরগী নোংপোক থংবা শরুক হায়বদি চেরালপাল্লি, মাউলা অলিগা সহরগী নোংচুপ থংবা শরুক্কা শম্নহল্লে। ত্বিন সিতিগী নোংপোক থংবা শরুক্কা নোংচুপ থংবা শরুক্কা শম্নবা অসিনা চৎথোক-চৎশিন তৌরিবা মীওইশিংদা য়াম্না কান্নবা পীরগনি।

মখা তানা, প্রধান মন্ত্রীনা ইন্দিয়ান ওইল পারাদিপ-হায়দ্রবাদ প্রদক পাইপলাইন শঙ্গাগনি। ৪.৫ এম.এম.তি.পি.এগী কেপাসিতি লৈবা কিমি ১২১২ শাংবা প্রদক পাইপলাইন অসিনা ওরিসা(কিমি ৩২৯), অন্ধ্র প্রদেস(কিমি ৭২৩) অমসুং তেলঙ্গানা(কিমি ১৬০) ফাউদুনা চৎলি। পাইপলাইন অসিনা পারাদিপ রিফাইনরিদগী বিশাখাপত্নম, অতচুতাপুরম অমসুং বিজয়াৱারা(অন্ধ্র প্রদেস) অমসুং  হায়দ্রবাদ ময়াগী মালকাপুর(তেলঙ্গানা)দা লৈবা দেলিভরি স্তেসনশিং ফাওবা অশোই-অঙাম য়াওদনা অমসুং শেন য়াম্না চঙহন্দনা পেত্রোলিয়মগী পোৎথোকশিং পুথোক-পুশিন তৌগনি।

কালাক্কামদা প্রধান মন্ত্রী

ভারতকী নিউক্লিয়ার পৱার প্রোগ্রামগী পুৱারি ওইরবা খুমাঙচাউশিনবা অমা ওইনা, প্রধান মন্ত্রীনা তামিল নাদুগী কালপাক্কামদা ভারতনা শাবা এম.দব্লি.ই ৫০০গী প্রোতোতাইপ ফাস্ত ব্রিদর রিয়েক্তর(পি এফ বি আর) কোর লোদ্দিংগী থবক হৌবা য়েংগনি। মসিগী প্রোতোতাইপ ফাস্ত ব্রিদর রিয়েক্তর(পি এফ বি আর) অসি ভাবিনি(ভারতীয় নাভিকিয়া বিদয়ুত নিগম লিমিতেদ)না শেমগৎপনি।

রিয়েক্তর কোরদা কন্ত্রোল সবএশেমব্লিশিং, ব্লানকেত সবএশেমব্লিশিং অমসুং ফুয়েল সবএশেমব্লিশিং য়াওরি। কোর লোদ্দিংগী থবকশিংদা রিয়েক্তর কন্ত্রোল সবএশেমব্লিশিংগী লোদ্দিং, তুংদা ব্লানকেত সবএশেমব্লিশিং অমসুং ফুয়েল সবএশেমব্লিশিংনা মৈ পুথোক্কনি।

ক্লোজ ফুয়েল সাইকল অমগা লোয়ননা ভারতনা তাঙ্কক অহুমগী নিউক্লিয়ার প্রোগ্রাম অমা পায়খৎলি। প্রোতোতাইপ ফাস্ত ব্রিদর রিয়েক্তরদা, নিউক্লিয়ার প্রোগ্রামগী অনিশুবা তাঙ্কক ওইনা, অহানবা তাঙ্কক্তা শীজিন্নখিবা ফুয়েল অদু অমুক প্রোসেস তৌগনি অমসুং প্রোতোতাইপ ফাস্ত ব্রিদর রিয়েক্তরদা ফুয়েল ওইনা শীজিন্নগনি। মসিগী সোদিয়ম্না ইংথহনবা প্রোতোতাইপ ফাস্ত ব্রিদর রিয়েক্তর অসিগী তোপ-তোপ্পা শক্তম অমা ওইনা মসিনা শীজিন্নখিবদগী হেন্না ফুয়েল পুথোকপা ঙম্মী, মসিনা তুংগী ফাস্তর রিয়েক্তরশিংগী ফুয়েল ওক্নবা পীবদা মতেং পাংগনি।

রিয়েক্তরদগী নিউক্লিয়ারগী অমোৎপা খজিক্তং পুথোক্তুনা অমসুং অৱাংবা থাক্কী অশোই-অঙাম থোক্তনবা থবকশিং য়াওনা, প্রোতোতাইপ ফাস্ত ব্রিদর রিয়েক্তরশিংনা অশোই-অঙাম থোক্তবা, মতিক চাবা অমসুং মৈখু থাংদবা ইনর্জি ফংহনগনি অমসুং নেত জিরোগী পান্দম ফংবদা মতেং পাংগনি। মসি নিউক্লিয়ার প্রোগ্রামগী অহুমশুবা তাঙ্কক্তা ভারতনা থোরিয়ম শীজিন্নবগী মাইকৈদা থাংজিনবা মরুওইবা খোঙথাং অমনি। থবক হেক হৌখিবগা, ভারত রুসিয়াগী মতুংদা ললোন-ইতিক্কী ওইনা ফাস্ত রিয়েক্তর মথৌ পাংথোকপা অনিশুবা লৈবাক ভারতনা ওইরগনি।

চান্দিখোলেদা প্রধান মন্ত্রী

প্রধান মন্ত্রীনা লুপা করোর ১৯,৬০০ হেনবগী তোঙান-তোঙানবা চাউখৎ-থৌরাংগী প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রোজেকশিং অদু থাউ অমসুং গ্যাস, রেলৱেজ, লম্বী, ত্রান্সপোর্ত অমসুং হায়ৱেজ অমসুং এতোমিক ইনর্জিগা মরী লৈনবা হিরমশিংনি।

প্রধান মন্ত্রীনা পারাদিপ রিফাইনরিদা ইন্দিয়ান ওইল কোর্পোরেসন লিমিতেদ মোনো ইথাইলিন গ্লাইগোল প্রোজেক শঙ্গাগনি অমসুং মসিনা ভারতনা মপান্দগী পুশিল্লকপা হন্থহনবদা মতেং পাংগনি। মহাক্না ওরিসাগী পারাদিপতগী নোংচুপ বেঙ্গলগী হালদিয়া ফাওবা কিমি ৩৪৪ শাংবা পাইপলাইন অমা শঙ্গাগনি। ভারতকী নোংপোক থংবা সমুদ্র মপান্দা মপান্দগী পুশিল্লকপগী মচাক-মথুমশিং ফগৎহন্নবা, প্রধান মন্ত্রীনা পারাদিপতা ০.৬ এম.এম.পি.তি.এ এল.পি.জি ইমপোর্ত ফেসিলিতিশু শঙ্গাগনি।

লমদম অসিগী লম্বীগী ইনফ্রাস্ত্রকচর চাউখৎহন্নবা, প্রধান মন্ত্রীনা লৈবাক মীয়ামদা এন.ঐচ-৪৯গী সিঙ্গারা-বিঞ্জাবাহাল সেক্সন লেন মরি ওনখৎপা; এন.ঐচ-৪৯গী বিঞ্জাবাহাল-তিলৈবানি সেক্সন লেন মরি ওইহনবা; এন.ঐচ-১৮গী বালাসোর-ঝারপোরখারিয়া সেক্সন লেন মরি ওইহনবা মীয়ামদা কৎথোক্কনি। মহাক্না চান্দিখোলেদা চান্দিখোলে-পারাদিপ সেক্সন লেন নিপাল ওইহন্নবা উরেপ-উয়ুং তমগনি।

রেলৱে নেতৱার্ক পাকথোক-চাউথোকহনবা অসি রেল কন্নেক্তিবিতি শাংদোকপা অমসুং মতমগা চুনবা মওংদা শেমগৎপদা মীৎয়েং চঙগনি। মসিনা হৌজিক লৈরিবা ত্রাফিক্কী কেপাসিতি হেনগৎহনবতা নত্তনা কিওনঝার জিলাদগী আইরন অমসুং মেগানিজ ওর খ্বাইদগী নকপা হিথাংফমশিং অমসুং স্তিল প্লান্তশিং ফাওবা পুবদা খুদোংচাহনগনি অমসুং লমদম অসিগী শেন-থুম চাউখৎহনবদা মতেং পাংগনি। লৈবাক মনুং অমসুং মালেমগী ললোন-ইতিক চাউখৎহন্নবা কালিঙ্গা নগরদা কোনকোর কন্তেন্নর দিপো শঙ্গাবা অসিনা পান্দম থম্লি। নারলাদা ইলেক্ত্রিক লোকো পেরিওদিকেল ওভরহোল্লিং ৱার্কশোপ, কান্তবাঞ্জিদা ৱাগোন পেরিওদিকেল ওভরহোল্লিং ৱার্কশোপ অমসুং  বাঘুৱাপালদা মেন্তেনেন্স ফেসিলিতি ফগৎহন্নবা উরেপ-উয়ুং তমগনি। অতোপ্পা রেলৱে প্রোজেকশিংগী মনুংদা, প্রধান মন্ত্রীনা অনৌবা ত্রেন সর্বিসশিং লমথাগনি।

প্রধান মন্ত্রীনা  আইরেল(আই) লিমিতেদকী ওরিসা সেন্দস কমপ্লেক্সতা ৫ এম.এল.দিগী সমুদ্রগী ঈশিংদগী থুম লৌথোক্নবা প্লান্ত শঙ্গাগনি। প্লান্ত অসি ভাভা এতোমিক রিছার্স সেন্তরনা পুথোকপা তেক্নোলোজিশিং শীজিন্নদুনা শেমগৎপনি।

কোলকাতাদা প্রধান মন্ত্রী

সহরদা চৎথোক-চৎশিন নুংঙাইবা হেনগৎহন্নবা খুদোংচাবশিংদা মীৎয়েং থমদুনা, প্রধান মন্ত্রীনা কোলকাতা মেত্রোগী হাওরা মাইদান-এসপ্লানেদ মেত্রো সেক্সন, কবি সুভাস-হেমন্তা মুখোপাধ্যয় মেত্রো সেক্সন, তারাতালা-মাজেরহাত মেত্রো সেক্সন(জোকা-এসপ্লানেদ লাইনগী শরুক); রুবি হোল ক্লিনিক-রামাৱাদি স্ত্রেৎচ ফাওবগী পুনে মেত্রো; এস.এন জঙ্কসন মেত্রো স্তেসন্দগী ত্রিপুনিতুরা মেত্রো স্তেসন ফাওবগী কোচি মেত্রো রেল ফেজ-১ এক্সতেন্সন প্রোজেক(ফেজ-১বি); অগ্রা মেত্রোগী তাজ ইস্ত গেত্তগী মনাকামেশ্বর ফাওবা; দিল্লি-মেরুত আর.আর.তি.এস কোরিদোরগী দুহাই-মোদিনগর(নোর্থ) সেক্সন প্রধান মন্ত্রীনা শঙ্গাগনি। প্রধান মন্ত্রীনা হায়রিবা সেক্সনশিং অসিদা ত্রেন সর্বিসশিং লমথাগনি। প্রধান মন্ত্রীনা পিমপ্রি চিঞ্চৱার মেত্রো-নিগরি মরক্তা পুনে মেত্রো রেল প্রোজেক ফেজ-১ এক্সতেন্সনগী উরেপ-উয়ুং তমগনি।  

হায়রিবা সেক্সনশিং অসিনা মী চিনবা হন্থনবদা মতেং পাংগনি অমসুং নুংঙাইনা চৎথোক-চৎশিন তৌনবগী খুদোংচাবা পীগনি। কোলকাতা মেত্রোগী হাওরা মাইদান-এসপ্লানেদ সেক্সন অসি ভারত্তা অচৌবা তুরেল মখাগী মনুংদা লৈবা অহানবা তন্নেলনি। হাওরা মেত্রো স্তেসন অসি লৈবাক অসিগী খ্বাইদগী লুবা মেত্রো স্তেসন্নি। মাজরহাত মেত্রো স্তেসন(শঙ্গাগদৌরিবা তারাতালা-মাজেরহাত মেত্রো সেক্সনদা লৈবা) অসি রেলৱে লাইনশিং, প্লেতফোর্মশিং অমসুং কেনেল শীনবা থুংবগী তোপ-তোপ্পা ইলাবেতেদ মেত্রো স্তেসন্নি। অগ্রা মেত্রো স্তেসন শঙ্গাগদৌরিবা অসিনা পুৱারিগা মরী লৈনবা লমকোয়ফমশিং ফাওবা চৎপদা খুদোংচাবা হেনগৎহল্লগনি। আর.আর.তি.এস সেক্সসন্না এন.সি.আরদা শেন-থুম তানবগী থবক  হেনগৎহল্লগনি।

বেত্তিয়াদা প্রধান মন্ত্রী

প্রধান মন্ত্রীনা বিহারগী ৱেস্ত চম্পারন জিলাগী বেত্তিয়াদা লুপা করোর ৮,৭০০ রোমগী ইনফ্রাস্ত্রকচরশিং প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রোজেকশিং অদু রেল, লম্বী, পেত্রোলিয়ম অমসুং নেচরেল গ্যাসকা মরী লৈবা হিরমশিংনি।

প্রধান মন্ত্রীনা কিমি ১০৯ শাংবা ইন্দিয়ান ওইলগী মুজাফফরপুর-মোতিহারি এল.পি.জি পাইপলাইন শঙ্গাগনি। মসিনা বিহার অমসুং য়ুম্লোন্নরিবা লৈবাক নেপালদা চাক থোংনবা গ্যাস ফংহনগনি। প্রধান মন্ত্রীনা মোতিহারিদা ইন্দিয়ান ওইলগী এল.পি.জি বোত্তলিং প্লান্ত অমসুং স্তোরেজ তর্মিনেল লৈবাক মীয়ামদা কৎথোক্কনি। অনৌবা পাইপলাইন তর্মিনেল অসি নেপালদা পেত্রোলিয়মগী পোৎথোকশিং থাদোক্নবা মরুওইবা সপ্লাই পোইন্ত অমা ওইনা থবক তৌগনি। মসিনা নোর্থ বিহারগী জিলা ৮ হায়বদি ইস্ত চম্পারন, ৱেস্ত চম্পারন, গোপালগঞ্জ, সিৱান, মুজফফরপুর, সিওহার, সিতামারহি অমসুং মধুবানিদা থবক তৌগনি। মোতিহারিগী অনৌবা বোত্তলিং প্লান্ত অসিনা মোতিহারি প্লান্তগা থবক তৌমিন্নরিবা ফিদিং মার্কেতশিংদা সপ্লাই চেন ফজনা মথৌ পাংথোকপদা মতেং পাংগনি।

প্রধান মন্ত্রীনা শঙ্গাগদবা লম্বীগী প্রোজেকশিংগী মনুংদা এন.ঐচ-২৮এগী পিপ্রাকোতি-মোতিহারি-রাজাউল সেক্সন পেপ সোলজরগা লোয়ননা লেন অনি ওনখৎপা; এন.ঐচ-১০৪গী সিওহার-সিতামারহি সেক্সন লেন অনি ওনখৎপা য়াওরি। প্রধান মন্ত্রীনা উরেপ-উয়ুং তমগদবা প্রোজেকশিংগী মনুংদা গঙ্গা তুরেল মথক্তা পাতনাদা দিঘা-সোনেপুর-রেল-কম-রোদ ব্রিজগা খমব্রাংননা গঙ্গা তুরেল মথক্তা লেন তরুক্কী কেবল ব্রিজ; এন.ঐচ-১৯ বাইপাস বাকারপুর হাত-মনিকপুর সেক্সন লেন মরি ওনখৎপা য়াওরি।

প্রধান মন্ত্রীনা তোঙান-তোঙানবা রেলৱে প্রোজেকশিং শঙ্গাগনি, মীয়ামদা কৎথোক্কনি অমসুং উরেপ-উয়ুং তমগনি। প্রধান মন্ত্রীনা বাপুধাম মোতিহারি-পিপ্রাহান ফাওবগী রেল লাইন(কিমি ৬২) দবল ওইহনবা লৈবাক অসিগী মীয়ামদা কৎথোক্কনি অমসুং মহাক্না নরকাতিয়াগঞ্জ-গৌনাহা গেজ ওনখৎপা শঙ্গাগনি। প্রধান মন্ত্রীনা গোরাখপুর কেন্ত-বালমিকি নগর রেল লাইন(কিমি৯৬) দবল ওনখৎপা অমসুং মৈ ফংহনবা অমসুং বেত্তিয়া রেলৱে স্তেসন অমুক হন্না শেমগৎপা উরেপ-উয়ুং তমগনি। প্রধান মন্ত্রীনা নরকাতিয়াগঞ্জ-গৌনাহা অমসুং রাজাউল-জোগবানিগী মরক্তা অনৌবা ত্রেন সর্বিস অনি লমথাগনি।

***