ابھرتے ہوئے سیکورٹی چیلنجوں سے نمٹنے کے لیے دیسی اختراعات کو فروغ دینے اور شراکت کو آسان بنانے کی سمت میں ایک بڑی چھلانگ لگاتے ہوئے، دفاعی پیداوار کے محکمہ، وزارت دفاع کے زیراہتمام، انوویشنز فار ڈیفنس ایکسی لینس-ڈیفنس انوویشن آرگنائزیشن (iDEX-DIO)، 04 مارچ 2024 کو مانیک شا سینٹر، نئی دہلی میں ڈیف کنیکٹ 2024 کا اہتمام کر رہا ہے۔ تقریب کا افتتاح وزیر دفاع جناب راج ناتھ سنگھ کریں گے۔

ڈیف کنیکٹ 2024 ملک کے دفاعی اختراعی منظر نامے میں ایک اہم سنگ میل کی نمائندگی کرتا ہے، جو مسلح افواج، دفاعی صنعت کے رہنماؤں، اسٹارٹ اپ، اکیڈمیا اور پالیسی سازوں سمیت اہم اسٹیک ہولڈروں کو ایک ساتھ لاتا ہے۔ اس تقریب کا مقصد بامعنی مصروفیات کو آسان بنانا، جدید ٹیکنالوجیز کی نمائش کرنا ہے اور یہ دفاعی شعبے میں تعاون، اختراعات اور کاروباری شخصیت کو فروغ دینے کے لیے ایک تبدیلی کا پلیٹ فارم بننے کے لیے تیار ہے۔ یہ تقریب دفاعی شعبے میں ہندوستان کی سرکردہ صنعتوں سے بڑی تعداد میں اختراع کاروں اور سرمایہ کاروں کو راغب کرے گی۔

آئی ڈی ای ایکس فریم ورک فوجی اہلکاروں کو شریک ترقیاتی ماڈل میں اختراع کاروں کے ساتھ کام کرنے کی اجازت دیتا ہے۔ وہ حتمی صارفین، نوڈل اور ڈومین ماہرین کے طور پر کام کرتے ہیں۔ یہ تعاون جدت کی رہنمائی میں مدد کرتا ہے اور حتمی صارف کی مہارت اور بصیرت کا فائدہ اٹھا کر موجودہ پلیٹ فارموں میں پیشرفت کو آسانی سے ضم کرتا ہے۔

اب تک، iDEX نے ڈیفنس انڈیا اسٹارٹ اپ چیلنج (ڈی آئی ایس سی) کے 10 راؤنڈز اور اوپن چیلنجز (او سی) کے 11 راؤنڈز کا آغاز کیا ہے، جس میں ٹرائی سروسز، ڈیفنس اسپیس ایجنسی، ڈیفنس پبلک سیکٹر انڈرٹیکنگ، انڈین کوسٹ گارڈ، بارڈر روڈ آرگنائزیشن اور دیگر ایجنسیوں کے چیلنجوں کے خلاف انفرادی اختراع کاروں اور اسٹارٹ اپ سے 9,000 سے زیادہ درخواستیں موصول ہوئی ہیں۔ اس تقریب میں 08 مارچ 2024 کو خواتین کے عالمی دن سے قبل ’خواتین بطور تبدیلی کی محرک‘ کے موضوع پر ایک خواتین کے پینل مباحثہ کا بھی مشاہدہ کیا جائے گا۔

2018 میں وزیر اعظم جناب نریندر مودی کے ذریعہ شروع کیا گیا iDEX بنیادی طور پر دفاع اور ایرو اسپیس کے شعبوں میں مختلف اسٹیک ہولڈروں کے لیے ایک متحد پلیٹ فارم فراہم کرتا ہے۔ یہ اس مخصوص شعبے میں ٹیکنالوجی کی ترقی اور ممکنہ تعاون کی نگرانی کے لیے ایک جامع تنظیم کی طرح کام کرتا ہے۔

*********

ش ح۔ ف ش ع- م ف

U: 5621