स्वदेशी नाविन्यपूर्णतेला चालना देण्यासाठी आणि विकसित होत असलेल्या सुरक्षा आव्हानांना सामोरे जाण्यासाठी भागीदारी सुलभ करण्याच्या दिशेने एक मोठी झेप घेत, संरक्षण मंत्रालयाच्या संरक्षण उत्पादन विभागाच्या संचालित संरक्षण उत्कृष्टता-संरक्षण इनोव्हेशन ऑर्गनायझेशन (आयडीईइक्स-डीआयओ) साठी इनोव्हेशन्स,  डिफकनेक्ट 2024 चे आयोजन करत आहे. 04 मार्च 2024 रोजी माणेकशॉ सेंटर, नवी दिल्ली येथे रक्षा मंत्री राजनाथ सिंह यांच्या हस्ते या कार्यक्रमाचे उद्घाटन होणार आहे.

डिफकनेक्ट 2024 हा देशाच्या संरक्षण नवकल्पनातील महत्त्वाचा टप्पा आहे, जे सशस्त्र दल, संरक्षण उद्योगातील नेते, स्टार्ट-अप, शैक्षणिक आणि धोरणकर्ते यांच्यासह प्रमुख भागधारकांना एकत्र आणते. या कार्यक्रमाचे उद्दिष्ट अर्थपूर्ण सहभाग सुलभ करणे, अत्याधुनिक तंत्रज्ञानाचे प्रदर्शन करणे आणि संरक्षण क्षेत्रातील सहयोग, नवकल्पना आणि उद्योजकता वाढवण्यासाठी एक परिवर्तनकारी व्यासपीठ म्हणून तयार आहे. हा कार्यक्रम संरक्षण क्षेत्रातील भारतातील आघाडीच्या उद्योगांमधील नवोन्मेषक आणि गुंतवणूकदारांना मोठ्या संख्येने आकर्षित करेल.

आयडीईइक्स रचना लष्करी कर्मचाऱ्यांना सह-विकास मॉडेलमध्ये नवोदितांसह काम करण्यास अनुमती देते. ते अंतिम वापरकर्ते, नोडल आणि डोमेन तज्ञ म्हणून काम करतात. हे सहयोग नवकल्पना मार्गदर्शन करण्यात आणि अंतिम वापरकर्त्याच्या कौशल्याचा आणि अंतर्दृष्टीचा फायदा घेऊन विद्यमान व्यासपीठात प्रगती सहजतेने करण्यात मदत करते.

आत्तापर्यंत, आयडीईइक्सने डिफेन्स इंडिया स्टार्ट-अप चॅलेंज (डीआयएससी) च्या 10 फेऱ्या आणि ओपन चॅलेंजेसच्या (ओसी) 11 फेऱ्या सुरू केल्या आहेत, ज्यांना ट्राय-सर्व्हिसेस, डिफेन्स स्पेस एजन्सी, संरक्षण सार्वजनिक क्षेत्रातील उपक्रम, भारतीय तटरक्षक दल, सीमा रस्ते संघटना आणि इतर एजन्सीच्या आव्हानांविरुद्ध वैयक्तिक नवोदित आणि स्टार्ट-अप्सकडून 9,000 हून अधिक अर्ज प्राप्त झाले आहेत. या कार्यक्रमात 08 मार्च 2024 रोजी आंतरराष्ट्रीय महिला दिनापूर्वी ‘महिला एज ड्रायव्हर्स ऑफ चेंज’ या विषयावर सर्व-महिला पॅनेल चर्चेचा साक्षीदार देखील असेल.

आयडीईइक्सने विजेत्यांनी विकसित केलेल्या अत्याधुनिक तंत्रज्ञानाचे प्रदर्शन सर्व अभ्यागतांसाठी मुख्य आकर्षण ठरणार आहे. हे आयडीईइक्स स्टार्ट-अपना भेट देण्याची आणि त्यांचे नाविन्यपूर्ण तंत्रज्ञान समजून घेण्याची अनोखी संधी देईल.

2018 मध्ये पंतप्रधान नरेंद्र मोदी यांनी उद्घाटन केलेला आयडीईइक्स, संरक्षण आणि एरोस्पेस क्षेत्रातील विविध भागधारकांसाठी एक एकीकृत व्यासपीठ प्रदान करते. या विशिष्ट क्षेत्रातील तंत्रज्ञान विकास आणि संभाव्य सहकार्यांवर देखरेख करण्यासाठी ती एका पालक संस्थेप्रमाणे काम करते.

***

S.Pophale/G.Deoda/P.Kor

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai