কেমিকেল্স অমসুং ফর্তিলাইজর মন্ত্রালয়
ফোস্পেৎ অমসুং পোতাস য়াওবা হারশিংদা কালেন লৌরোক ২০২৪ (০১.০২.২০২৪ দগী ৩০.০৯.২০২৪ ফাওবা) গী নিউত্রিয়েন্ত বেজ সবসিদি(এন.বি.এস) রেতশিং চৎনবা অমসুং এন.বি.এস স্কিমগী মখাদা অনৌবা হার অহুম হাপচিনবা মন্ত্রীমন্দলনা অয়াবা পীরে
Posted On:
29 FEB 2024 3:37PM by PIB Imphal
ফোস্পেৎ অমসুং পোতাস য়াওবা হারশিংদা কালেন লৌরোক ২০২৪ (০১.০২.২০২৪ দগী ৩০.০৯.২০২৪ ফাওবা) গী নিউত্রিয়েন্ত বেজ সবসিদি(এন.বি.এস) রেতশিং চৎনবা অমসুং এন.বি.এস স্কিমগী মখাদা অনৌবা হার অহুম হাপচিন্নবা ফর্তিলাইজর দিপার্তমেন্তনা পুখৎলকপা ৱাফম প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে। কালেন লৌরোক ২০২৪ গী ওইনা চাউরাক্নবা লুপা করোর ২৪,৪২০ দরকার ওইগনি।
কান্নবশিং:
- লৌমীশিংদা সবসিদি পীরবা, মমল হোংবা অমসুং চুনবা মমলদা হার ফংহনগনি।
- হন্দক মালেমগী ওইনা হার অমসুং ইনপুতশিং মমল হেনগৎলকপা অসি য়েংলগা পি অমসুং কে হারশিংদা মরম চানা সবসিদি পীগনি।
- এন.বি.এস স্কিমগী মখাদা অনৌবা হার অহুম হাপচিনবা অসিনা লৈবাক-লৈহাও ফনা থম্বদা মতেং পাংগনি অমসুং মখোয়গী লৈবাক-লৈহাওগী দরকার ওইবা মতুংইন্না অমসুং মাইক্রো-নিউত্রেন্তশিং য়াওবা অতোপ্পা হারশিং লৌমীশিংনা খনবা য়ারগনি।
থবক ওইনা পায়খৎনবা লাল্লোং অমসুং পান্দমশিং:
লৌরোক ২০২৪ (০১.০২.২০২৪ দগী ৩০.০৯.২০২৪ ফাওবা) গী অয়াবা পীরবা রেতশিংদা য়ুম্ফম ওইরগা পি অমসুং কে হারশিংদা সবসিদি পীগনি অমসুং মসিনা লৌমীশিংদা সবসিদি পীরবা, মমল হোংবা অমসুং চুনবা মমলদা হার ফংহনগনি।
নুঙগীৱারোল:
হার শুংলিবশিং/ ইমপোর্ততরশিংগী খুৎথাংদা সরকারনা লৌমীশিংদা অতাবা মমলদা ফোস্পেৎ অমসুং পোতাস য়াওবা হার মখল ২৫ ফংহল্লি। এন.বি.এসনা ফোস্পেৎ অমসুং পোতাস য়াওবা হারশিংদা সবসিদি পীরকপা অসি ০১.০৪.২০১০দগী চৎনরকপনি। মসিগী লৌমীশিংনা শাফবা থৌরাং অসিনা, সরকারনা লৌমীশিংদা অহোংবা মমলদা ফোস্পেৎ অমসুং পোতাস য়াওবা হারশিং ফংহল্লে।
য়ুরিয়া, দি.এ.পি, এম.ও.পি অমসুং সলফর য়াওনা হন্দক মালেমগী ওইনা হার অমসুং ইনপুতশিং মমল হেনগৎলকপা অসি য়েংলগা কালেন লৌরোক ২০২৪ (০১.০২.২০২৪ দগী ৩০.০৯.২০২৪ ফাওবা)দা ফোস্পেৎ অমসুং পোতাস য়াওবা হারশিংদা এন.বি.এস রেত চৎহন্নবা সরকারনা ৱারেপ লৌখিবনি।
এন.বি.এস স্কিমগী মখাদা অনৌবা হার অহুম হাপচিনবা সরকারনা ৱারেপ লৌরে। অয়াবা পীরবা অমসুং নোতিফাইদ তৌরবা রেতশিংগী মতুংইন্না সবসিদি অদু হার কম্পেনিশিংদা পীগনি অমসুং মসিনা লৌমীশিংদা অহোংবা মমলদা হার ফংবা ঙমগনি।
***
(Release ID: 2010233)
Visitor Counter : 82