وزارت دفاع
رکشا منتری اور نیدرلینڈ کے وزیر دفاع نے نئی دہلی میں بات چیت کے دوران دو طرفہ تعاون کو بڑھانے کےطور طریقوں پر تبادلہ خیال کیا
دونوں ممالک بحر ہند کے خطے میں میری ٹائم سیکورٹی کو بڑھانے کے لیے مل کر کام کریں گے
ڈچ اوریجنل ایکوپمنٹ مینوفیکچررز کی حوصلہ افزائی کی جا سکتی ہے کہ وہ ہندوستانی فروخت کاروں کو اپنی سپلائی چین میں ضم کریں:جناب راجناتھ سنگھ
Posted On:
23 FEB 2024 12:17PM by PIB Delhi
رکشا منتری جناب راج ناتھ سنگھ نے 23 فروری 2024 کو نئی دہلی میں نیدرلینڈ کی وزیر دفاع محترمہ کاجسا اولونگرین کے ساتھ دو طرفہ میٹنگ کی۔ دونوں وزراء نے خاص طور پر سمندری اور صنعتی شعبوں میں اپنے دو طرفہ دفاعی تعاون کو آگے بڑھانے کے امکانات پر بات چیت کی۔ انہوں نے دونوں ممالک کی بحریہ کے درمیان بڑھتی ہوئی بات چیت کو نوٹ کیا اور بحر ہند کے خطے میں میری ٹائم سیکورٹی کو بڑھانے کے لیے مل کر کام کرنے کی خواہش کا اظہار کیا۔
رکشا منتری نے تجویز پیش کی کہ ڈچ اوریجنل ایکوپمنٹ مینوفیکچررز کی حوصلہ افزائی کی اس بات کے لیے کی جانی چاہیے کہ وہ ہندوستانی فروخت کاروں کو اپنی سپلائی چین میں ضم کریں۔ ہندوستان نے ایک متحرک اختراع اور صنعتی ماحولیاتی نظام تیار کیا ہے۔ ہنر، ٹکنالوجی اور پیمانے میں ہندوستانی اور ڈچ کی تکمیل کو دیکھتے ہوئے، دونوں فریق دفاعی صنعتوں اور سیمی کنڈکٹرز اور صاف توانائی کے ہائی ٹیک شعبوں کے درمیان مزید بات چیت کی حوصلہ افزائی کرنے پر اتفاق کیا۔
نیدرلینڈ کی وزیر دفاع نئی دہلی میں رائسینا ڈائیلاگ میں شرکت کر رہی ہیں۔
۔۔۔۔۔۔۔۔۔۔۔
ش ح۔ ج ق ۔ع ن
(U: 5285)
(Release ID: 2008307)
Visitor Counter : 70