ریلوے پروٹیکشن فورس (آر پی ایف ) ریلوے کی املاک ،  مسافروں کے علاقوں اور مسافروں کی فلاح و بہبود کے  تئیں  اپنے  عہد کے لیے پر عزم ہیں  ۔  جنوری 2024  میں ،  آر پی ایف  نے مسافروں کی حفاظت ،  سلامتی  اور آرام کو یقینی بنانے کے عمل کو جاری رکھا  ،  ساتھ ہی ساتھ اپنے صارفین کو مال برداری کی قابل اعتماد خدمات فراہم کرنے میں ہندوستانی ریلوے کی مدد کی ۔

آر پی ایف  نے  ،  جنوری 2024 کے مہینے کے دوران  ،  اس  کے ذریعے چلائی جانے والی کئی کارروائیوں کے تحت کچھ قابل ستائش حصولیابیاں کیں: -

آپریشن ‘‘ننھے فرشتے’’ - گمشدہ بچوں کو بچانا: مشن  ‘‘ننھے فرشتے’’ کے تحت ،  آر پی ایف  نے دیکھ بھال اور تحفظ کے حامل  ضرورت مند 549 سے زیادہ بچوں کو ان کے اہل خانہ سے ملانے میں اہم کردار ادا کیا ہے  ۔  یہ بچے مختلف وجوہات کی بنا پر اپنے خاندانوں سے الگ ہو گئے تھے  ،   اور آر پی ایف  نے ان کی محفوظ گھر واپسی کو یقینی بنانے کے لیے سخت محنت کی ۔

آپریشن ‘‘جیون رکھشا’’ -  زندگیاں بچانا : آر پی ایف کی  بروقت اور تیز رفتار کارروائی نے اُن 233 مسافروں کی جان بچائی  جو چلتی ٹرینوں  میں چڑھتے اور اترتے ہوئے  حادثاتی طور پر گر گئے تھے  ،   اور جنہیں جنوری 2024 کے مہینے میں ،  آپریشن ‘جیون رکھشا’ کے تحت پلیٹ فارم اور ریلوے ٹریک سے پہیوں کے نیچے آنے سے بال بال بچایا گیا تھا ۔

خواتین مسافروں کو بااختیار بنانا – ‘‘میری سہیلی’’ پہل: آر پی ایف  نے خواتین مسافروں کی حفاظت کو  نہایت سنجیدگی سے لیا  ہے اور ‘‘میری سہیلی’’ پہل شروع کی ۔  جنوری 2024 کے مہینے کے دوران ،  229 ‘‘میری سہیلی’’ ٹیموں نے 13,615 ٹرینوں میں خدمات انجام دیں اور 4.1  لاکھ خواتین مسافروں کو سکیورٹی کو یقین  بنایا  ۔  آر پی ایف نے 7402 افراد کے خلاف قانونی کارروائی بھی کی جو خواتین مسافروں کے لیے مخصوص کوچوں میں سفر کرتے پائے گئے ۔

دلالوں کے خلاف کارروائی (آپریشن ‘‘ اپلبدھ ’’): دلالوں  کے خلاف لڑائی میں ،  آر پی ایف نے جنوری 2024 کے مہینے میں 379 افراد کو گرفتار کیا اور قانون کے مطابق ان کے خلاف قانونی کارروائی کی ۔  مزید  یہ کہ انہوں نے آگے کی تاریخوں کےلیے ریزروڈ ٹکٹ بھی ضبط کیے محفوظ ریلوے ٹکٹ ضبط کر لیے ،  جن کی قیمت 44.46 لاکھ روپے تھی ۔

آپریشن ‘‘ نارکوس ’’ -  منشیات  سے متعلق جرائم کا مقابلہ کرنا : آر پی ایف  نے   ،  ایک قابل ستائش  اقدام کے تحت  76  افراد کو گرفتار کیا اور  ان کے قبضے سے منشیات ضبط کیں  ،  جن کی مالیت جنوری 2024 کے دوران 4.13 کروڑ روپے  تھی۔  ان مجرموں کو مزید قانونی کارروائی کے لیے سرکاری اداروں کو بااختیار بنانے  سے متعلق ایجنسیوں کے حوالے کیا گیا ۔

مسافروں کے خدشات پر تیز ردعمل: آر پی ایف  نے فوری طور پر ریل مداد پورٹل اور ہیلپ لائن (نمبر 139 ایمرجنسی رسپانس سپورٹ سسٹم نمبر 112 کے ساتھ مربوط) کے ذریعے سیکورٹی سے متعلق مسافروں کی شکایات کا ازالہ کیا  ہے ۔  جنوری 2024 کے مہینے میں 19,738 سے زیادہ شکایات موصول ہوئیں  ،  جن کو حل کرنے کے لیے آر پی ایف  نے ضروری کارروائی کی ۔

آپریشن ‘‘یاتری سرکشا ’’ -  مسافروں کی حفاظت : آر پی ایف  ریلوے مسافروں کے خلاف جرائم کی روک تھام اور ان کا پتہ لگانے میں پولیس کی کوششوں میں معاون ہے ۔  جنوری 2024 میں  ،  آر پی ایف  نے مسافروں کے خلاف جرائم میں ملوث 225 مجرموں کو گرفتار کیا  ،   انہیں قانونی کارروائی کے لیے متعلقہ جی آر پی / پولیس کے حوالے کیا ۔

‘‘آپریشن سنرکشا’’ کے ذریعے حفاظت کو یقینی بنایا جانا : مسافروں کی حفاظت کو یقینی بنانے اور ریلوے خدمات کے تحفظ کے  تئیں پرعزم کوشش  کے تحت   ،  آر پی ایف  نے جنوری 2024 میں چلتی ٹرینوں پر پتھراؤ کے خطرناک عمل میں ملوث 53  افراد کو گرفتار کیا ۔

ضرورت مندوں کی مدد کرنا (آپریشن سیوا) : انسانی ہمدردی کے  موقف کے ساتھ ،  آر پی ایف  نے جنوری 2024 کے مہینے میں 227 بوڑھے ،  بیمار یا زخمی مسافروں کو ان کے ریل سفر کے دوران مدد فراہم کی ۔

غیر قانونی سامان کی نقل و حمل کو روکنا (آپریشن سترک) : جنوری 2024 کے مہینے میں ‘‘آپریشن سترک ’’ کے تحت ،  ریلوے پروٹیکشن فورس (آر پی ایف ) نے  30.15 لاکھ روپے مالیت کے غیر قانونی تمباکو  کی مصنوعات اور  غیر قانونی شراب   ضبط کی اور اس کے تحت اس میں ملوس  86 افراد کو گرفتار کیا ۔   ان افراد کو بعد میں متعلقہ سرکاری قانون نافذ کرنے والے اداروں کے حوالے کر دیا گیا ۔  مزید یہ کہ  ،   اِس کارروائی کے تحت 1.53 کروڑ روپے کی بے حساب نقدی  ،  37.18 لاکھ روپے  مالیت کا سونا کا   ،  اور  آپریشن کے دوران 11.67 لاکھ روپے  مالیت کی چاندی بھی  ضبط کی ۔

ریلوے پروٹیکشن فورس ،  اپنے  مخصوص اہلکاروں اور تمام مسافروں کے لیے ایک محفوظ اور آرام دہ سفری تجربے کو یقینی بنانے کے اپنے مشن کے ساتھ ،  دیانتداری ،  ہمدردی اور ذمہ داری کی اقدار کو برقرار رکھتے ہوئے ،  ریلوے سیکیورٹی میں سب سے آگے ہے ۔

*************

ش ح    ۔    ش م   ۔   ت ح

U. No.  5044