প্রধানমন্ত্রীগী লোইশঙ
প্রধান মন্ত্রীনা য়ু.এ.ইদা “অহলান মোদী” থৌরমদা ভারতমচাশিংগা উনখ্রে
Posted On:
13 FEB 2024 11:07PM by PIB Imphal
য়ু.এ.ইদা লৈবা ভারতমচাশিংনা মহাক ইকায়খুম্নবা উৎপা ওইনা শীনবা ‘অহলান মোদী’ থৌরমদা প্রধান মন্ত্রী শ্রী নরেন্দ্র মোদীনা য়ু.এ.ইদা লৈবা ভারতমচাশিংদা ৱা ঙাংখ্রে। থৌরম অদুদা ইমিরেত ৭ শীনবা থুংনা লৈরিবা ভারতমচাশিং অমসুং কাংলুপ খুদিংমক্কী ভারতমচাশিং শরুক য়াখি। ভাবকশিংগী মরক্তা ইমিরাতিশিংশু য়াওখি।
অবু ধাবীদা লৈবা জায়েদ স্পোর্তস সিতি স্তদিয়মদা মহাক চঙলকপদা মীওই ৪০০০ না প্রধান মন্ত্রী তরাম্না ওকখি। মহাক্কী ৱারোলদা, ভারত অমসুং য়ু.এ.ইগী মরী মপাঙ্গল কনখৎহনবদা মপান্দা লৈরিবা ভারতমচাশিংনা অচৌবা মতেং পাংগনি হায়বগী ৱাখল্লোন ফোঙদোকখি। ভারতমচাশিং মখোয়না চেকশিন্না শেনবগীদমক প্রধান মন্ত্রীনা য়ু.এ.ই সরকার অমসুং লৈঙাকপশিং থাগৎপা ফোঙদোকখি। কোরোনা মতমদা ভারতমচাশিংদা অখন্নবা মতেং পাংবগীদমক মহাক্না থাগৎপা ফোঙদোকখি।
হৌখিবা চহি ১০ অসিদা ভারতনা চাউখৎলক্লিবশিং প্রধান মন্ত্রীনা পনখি অমসুং ২০৪৭ দা ভারত চাউখৎলবা লৈবাক অমা ওইনবা লম্বীদা ২০৩০দা ভারত মালেমদা অহুমশুবা খ্বাইদগী চাউবা লৈবাক অমা ওইগনি হায়বগী থাজবা মহাক্না থমখি। ভারত মালেমগী মরুপ অমা ওইরে অমসুং মালেমগী চাউখৎপদা অমসুং নুংঙাইবদা মতেং পাংগনি হায়না মহাক্না ফোঙদোকখি।
য়ু.এ.ইদা চাউরাক্না ভারতমচা মিল্লিয়ন ৩.৫ রোম লৈদুনা মালেমদা ভারতমচা খ্বাইদগী য়াম্না লৈবা মফম অমা ওইরে। থৌরম অসি তশেংনা নিংশিংদুনা লৈহৌনবা থৌরম অমা ওইহন্নবা থা কয়া চঙনা “অহলান মোদী” শেম-শাদুনা লাকপনি।
****
(Release ID: 2006065)
Visitor Counter : 44
Read this release in:
English
,
Gujarati
,
Urdu
,
Marathi
,
Hindi
,
Assamese
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam