سٹرک ٹرانسپورٹ اور شاہراہوں کی وزارت
جناب نتن گڈکری نے ہریدوار، اتراکھنڈ میں 4,755 کروڑ روپے کے 30 نیشنل ہائی وے منصوبوں کا افتتاح کیا اور سنگ بنیاد رکھا
Posted On:
13 FEB 2024 5:39PM by PIB Delhi
سڑک ٹرانسپورٹ اور شاہراہوں کے مرکزی وزیر جناب نتن گڈکری نے آج ہریدوار، اتراکھنڈ میں وزیر اعلیٰ پشکر سنگھ دھامی، رکن پارلیمنٹ جناب رمیش پوکھریال نشانک، سابق وزیر اعلیٰ اور رکن پارلیمنٹ جناب تیرتھ سنگھ راوت، راجیہ سبھا ایم پی محترمہ ڈاکٹر کلپنا سینی، ایم پی جناب نریش بنسل، اتراکھنڈ کے وزراء اور ایم پی-ایم ایل اے، عہدیداران اور دیگر معززین کی موجودگی میں 4,755 کروڑ روپے کے 30 نیشنل ہائی وے منصوبوں کا افتتاح کیا اور سنگ بنیاد رکھا۔
آج افتتاح کیے گئے منصوبوں میں رودرپریاگ میں لیمری سے کرنپریاگ تک 2 لین والی پختہ سڑک کو چوڑا کرنا اور ہریدوار میں چمولی اور دودھ دھاری مرتفع فلائی اوور شامل ہیں۔ یہ منصوبے نہ صرف نقل و حمل میں آسانی پیدا کریں گے بلکہ رشی کیش سے ہندوستان-چین سرحد تک بہتر رابطہ فراہم کریں گے۔ فلائی اوور سے مذہبی شہر ہریدوار میں ٹریفک جام سے راحت ملے گی اور دیگر مذہبی مقامات تک پہنچنے میں آسانی ہوگی۔
اتراکھنڈ 28 منصوبوں کی تعمیر کے ساتھ ترقی کی تیز رفتار حاصل کرے گا جن کا آج سنگ بنیاد رکھا گیا ہے۔ چار دھام کے راستوں پر عقیدت مندوں کے سفر میں سہولت فراہم کی جائے گی۔ دیگر ریاستوں کے ساتھ اتراکھنڈ کے رابطے سے اقتصادی اور سماجی ترقی میں تیزی آئے گی۔
**************
ش ح۔ ف ش ع- م ف
U: 4921
(Release ID: 2005681)
Visitor Counter : 57