بہت چھوٹے ، چھوٹے اور اوسط درجے کے کاروبار  (ایم ایس ایم ای ) کے مرکزی وزیر  جناب نارائن رانے کل گریٹر نوئیڈا میں ایم ایس ایم ای ٹیکنالوجی سینٹر کا افتتاح کریں گے ۔  کھادی، دیہی صنعت، ریشم کی صنعت، ہینڈلوم اور ٹیکسٹائل کے اتر پردیش سرکار کے  وزیر جناب راکیش سچن بھی اس موقع پر موجود ہوں گے ۔

جناب نارائن رانے کانپور (اتر پردیش)، بڈی (ہماچل پردیش) اور امپھال (منی پور) میں تین ٹیکنالوجی مراکز کا افتتاح کریں گے ۔  وہ کریم نگر اور بھوانی پٹنہ (اڈیشہ) میں دور دراز سے دو توسیعی مراکز کا بھی افتتاح کریں گے ۔  اس موقع پر دہرادون (اتراکھنڈ) میں ڈی سی (ایم ایس ایم ای) کے ڈیولپمنٹ اینڈ فسلٹیشن آفس اور لداخ میں ڈیولپمنٹ اینڈ فسلٹیشن آفس (نیوکلئس سینٹر) کا بھی ورچوئل وسیلے سے افتتاح کیا جا رہا ہے ۔

اس موقعے پر ایک نمائش کا انعقاد بھی کیا جا رہا ہے جہاں ایم ایس ایم ایز مختلف شعبوں کے تحت اپنی مصنوعات کی نمائش کریں گے ۔   کے وی آئی سی اور  سی او آئی آر بورڈ کے اسٹالوں کے علاوہ اتر پردیش کے مختلف اضلاع سے خصوصی او ڈی او پی مصنوعات کے اسٹال بھی لگائے جارہے ہیں ۔  انکیوبیٹرز اور خواتین کاروباریوں اور ایس ٹی / ایس سی کاروباریوں کے لیے متعدد اسٹال مختص کیے گئے ہیں ۔  اس موقع پر 100 خاتون کاروباریوں کو او ڈی او پی اسکیم کے تحت ٹول کٹس بھی تقسیم کی جائیں گی ۔

پی ایم وشوکرما اسکیم کا آغاز 17.09.2023 کو وزیر اعظم نے کیا تھا ۔  یہ ایک جامع اسکیم ہے جو 18 قسم کے کاروبار سے تعلق رکھنے والے کاریگروں اور دستکاروں کو آخر تک مدد فراہم کرتی ہے ۔  11.02.2024 تک، اسکیم کے تحت کل 4,10,464 درخواستیں کامیابی کے ساتھ رجسٹر کی گئی ہیں ۔  اسکیم کے بارے میں لوگوں کو جانکاری دینے کے لیے نمائش میں اسکیم کے تحت آنے والے کاروبار کے حوالے سے تجربہ مرکز کا بھی  اہتمام کیا گیا ہے ۔

*************

ش ح    ۔  ا س   ۔  ت ح

U. No.  4904