কেন্দ্রগী য়ুথ এফিয়ার্স অমসুং স্পোর্তস মন্ত্রী শ্রী অনুরাগ সিংহ থাকুরনা হন্দক্তা ফোংদোকখিবা ৱারোল অমদা, ওক্তোবর 31দা প্রধান মন্ত্রী শ্রী নরেন্দ্র মোদীনা হৌদোকখিবা “মাই ভারত – মেরা য়ুবা ভারত” প্লেতফোর্মদা ফংখিবা থোইদোক হেন্দোকপা রেস্পোন্সকী মায়কৈদা তৌবিমল খংবা অমসুং নুংঙাইবা ফোংদোকখ্রে।

প্লেতফোর্ম অসিনা নহাশিংবু পর্সোনেল অমসুং লীদরশিপ দেবেলপমেন্তকীদমক অনপেরেলেল ওইবা খুদোংচাবশিং ফংহন্নবা পান্দম থম্বগা লোয়ননা, মন্ত্রীনা মসি লাউথোকপদা নুংঙাইবা ফাওরি মদুদি মসি হৌদোকখিবগী থা খরগী মনুংদা নহা করোর 1.5 হেন্না ভোলুন্তীয়র ওইনা হান্ননা রেজিস্তার তৌখ্রে। লৈবাক শেমগৎ শাগৎপদা নহাশিং শরুক য়াবগী মরুওইবগী মতাংদা পল্লদুনা মন্ত্রীনা রেজিস্তার তৌরবা ভোলুন্তীয়রশিংগী ইন্তরেস্ত অমসুং এস্পিরেসনশিংদা পায়খৎকদৌরিবা তোঙান তোঙানবা ইনিসিয়েতিবশিংগীদমক প্লানশিং ফোংদোকখি। খেলো ইন্দিয়া প্রোগ্রামগী মখাদা স্পোর্তস তেলেন্ত থিবদগী হৌরগা ভোতর এৱার্নেস কেম্পেনশিং ফাওবা, প্লেতফোর্ম অসিনা নহাশিংবু এক্সপ্লোর অমসুং এক্সেলগীদমক তোঙান তোঙানবা মখলগী এভেন্যু অমা ৱাশক্লি।

ইকায় খুম্নরবা প্রধান মন্ত্রীনা থমখিবা “বিকসিত ভারত 2047”গী ভিজনবু মংফাওহনবদা নহাশিংগী মরুওইবা থৌদাংদা অকনবা ৱাফম থম্লদুনা মন্ত্রীনা রেজিস্তার তৌরবা ভোলুন্তীয়রশিং অমসুং পোতেন্সিয়েল পার্তিসিপেন্তশিং অনিমক্তা ৱা ঙাংখি অমসুং মখোয়বু অথুবা মতমদা ওফিসিয়েল ৱেবসাইত mybharat.gov.in দা রেজিস্তার তৌনবা তকশিনখি।

কেন্দ্রগী মন্ত্রীনা হায়খি মদুদি “নখোয় জেনরেসন-জেদ খক্তা নত্তে; নখোয় ভারতকী অমৃত পীরিনি।” নহাশিংবু লৈবাক্কী তুংলমচৎ শেম্বদা খুদোংচাবা লৌনবগীদমক পুক্নিং থৌগৎলদুনা মন্ত্রীনা ভোলুন্তীয়রশিংগী মরক্তা য়ুনিতী, ইনোবেসন অমসুং দেতর্মিনেসন থৌগৎনবগীদমক প্লেতফোর্মগী ৱাফমবু অমুক হন্না ফোংদোকখি।

লোইরকপদা, মন্ত্রীনা নহাশিংদা লৈবাক্কী তুংলমচৎ ইবদা মখোয়গী মরুওইবা থৌদাংবু অমুক হন্না ফোংদোক্লদুনা হেন্না ফবা হয়েং অমগীদমক ঙসিদগী থবক তৌনবা খংহনখি।

মখাতাবা ইনফোর্মেসন অমসুং রেজিস্ত্রেসনগীদমক থৱাই য়াওবা মীওইশিংবু mybharat.gov.in দা ভিজিত তৌনবা পুক্নিং থৌগৎলি।

*****