দিফেন্স স্তাফকী চীফ, জেনেরেল অনিল চৌহান্না লৈবাক অসিনা অমৃত কালগী মনুংদা চৎলিবা অসিদা মতিক নীংথিনা লৈবা আত্মানির্ভর দিফেন্স স্পেস ইকোসীস্তেম অমা শেম্বগী মতম য়ৌরে হায়না ফোংদোকখ্রে। নুমিৎ হুম্নিগী স্পেস সেমিনার অমসুং একজিবিসন, DEFSAT 2024 অমা নই দিল্লীগী দিল্লী কেন্ততা লৈবা মনেকশো সেন্তরদা ফেব্রুৱারী 7, 2024দা হৌদোকপদা, জেনেরেল অনিল চৌহান্না স্পেস ওগমেন্তেসন্দগী এক্সপ্লোরেসন ফাওবদা, সরকার অসিনা লৈবাক অসিগীদমক্তা অচৌবা পান্দম কয়া থম্লি হায়না পাউদমখি।

স্পেসনা মীওইবা খুন্নাইগা লোয়ননা লানগীদমক্তা লৈরিবা আর্ম্দ ফোর্সতা ওইরিবা মরু ওইবা অসিবু তাক্লদুনা, CDSনা স্পেস অসিবু কংফাল, নোংথক, ঈশিং অমসুং সাইবরদা লান্থেংনবগী মতিক হেনগৎহন্নবা পাঙ্গল হাপ্পা থৌওং ওইনা শিজিন্নবা য়াই হায়খি। লৈবাক্কী স্পেস এসেত ঙাক-শেনবদা অয়েৎপা পীবা ঙমহন্দনবা কাউন্তর-স্পেস কেপেবিলিতীগী মাইকৈদা ইন্দস্ত্রীশিংনা থবক তৌরসি হায়না মহাক্না হায়খ্রে।

স্পেস শিজিন্নদুনা লৈবাক্কী আর্ম্দ ফোর্সকী মতিক হেনগৎহন্নবা সরকারনা পায়খৎলিবা মরু ওইবা খোঙথাং কয়া পল্লদুনা, CDSনা iDEX ইনিসিএতিবকী মখাদা পাংথোক্লিবা মিসন দেফস্পেস 2022গী শরুক অমা ওইনা পায়খৎপা স্পেসকা মরী লৈনবা চেলেঞ্জ 75কী মতাংদা পনখি। “খোঙথাং অসিগী মখাদা, অপুনবা কন্ত্রেক্ত মঙাগী খুৎয়েক পীনখ্রে অমসুং অতোপ্পা কন্ত্রেক্ত মরি অমনা দোক্যুমেন্তেসন তৌবগী থাক্তা লৈরি। চপ মান্নবা মতম অসিদা, মেক-I চেলেঞ্জ 12কী ফিসিবিলিতী স্তদী অমসু হৌজিক কন্না পায়খৎলি”, জেনেরেল অনিল চৌহান্না হায়খি।

লৈবাক মনুংদা থাজবা য়াবা স্পেস ইকোসীস্তেম অমা শেম্নবা স্তার্তঅপ কয়া য়াওনা স্তেকহোলদর খুদিংবু সরকারনা পুক্নিং থৌগৎলি হায়না CDSনা মীয়ামগী পুক্নিং চীংশিনখি। “ইং 2014দা ঐখোয়গী স্তার্তঅপ অমখক লৈরম্বা য়াই, অদুবু মশিং অসি স্পেস সেক্তরগী ওইনা 204 য়ৌরে অমসুং মসিগী মনুংদগী 54দি 2023দা হাপখিবনি। ইং 2023দা, ঐখোয়না লৈবাক অমা ওইনা সেক্তর অসিদা মিলিয়ন দোল্লর 123 থাদখিবদগী সেক্তর অসিদা পীখিবা অপুনবা ফন্দিংনা মিলিয়ন দোল্লর 380.25 য়ৌখি”, জেনেরেল অনিল চৌহান্না হায়খি।

ভারতকী স্পেস ইকোনোমী অসি হৌজিক চাউরাক্না বিলিয়ন দোল্লর 8.4 ওইরগনি হায়না ফোংদোক্লদুনা, CDSনা লৈবাক অসিগী স্পেস ইকোনোমী অসি ইং 2033দা বিলিয়ন দোল্লর 44 য়ৌরবা য়াই হায়না ফোংদোকখি। “সরকারনা সীদ ফন্দ স্কিম, 0% GST রেজিম, তেস্তিং ফেসিলিতী শিজিন্নমিন্নবা, তেক্নোলোজী ত্রান্সফর তৌবগুম্বা খোঙথাং কয়ানা প্রাইভেত ইন্দস্ত্রীশিংদা পীফম থোকপা তেংবাং পীরি। দিমান্দ অমসুং ফন্দিং সপ্পোর্তপু মওং-মরিল তানা চুনহনবগা লোয়ননা মসিগুম্বা ফ্রেমৱর্ক অসিনা প্রাইভেত সেক্তরদা শাহৌ লৌবগী চুনবা অকোয়বগী ফিভম অমা পীরি”, মহাক্না মখা তাখি।

মফমসিদা পাংথোকপা খন্ন-নৈনবা অমসুং পোত্থোক কয়া উৎপগী খুত্থাংদা প্রাইভেত স্পেস ইন্দস্ত্রী পার্ত্নরশিংনা তেক্নোলোজীগী হীরমদা পুরকখিবা মখল কয়াগী মায় পাকপা কয়া উৎপা একজিবিসন অমসু CDSনা শঙ্গাখি।

ভারতকী আর্ম্দ ফোর্স মনুংদা অমত্তা ওইবা, অপুনবা অমসুং অওনবা পুরকপগী থৌওংবু খুমাং চাউশিলহন্নবা লৈরিবা HQ IDSকা লোয়নবা থিঙ্ক তেঙ্ক অমা ওইরিবা CENJOWSনা সেতকোম ইন্দস্ত্রী এসোসিএসন – ইন্দিয়া (SIA)গা লোয়ননা শীনবা সেমিনার অসিনা সিভিল, কম্মর্সিএল অমসুং দিফেন্স স্পেস প্রোগ্রামগী মরক্তা তেংবাংনবা অমসুং শৌগৎনবগী থৌওং পুরকপগী পান্দম থম্লি। পান্দম অসিমক স্পেস সেক্তরবু থৌওং অনিদা শিজিন্নবা য়াবগী মতৌগীদমক্তা য়াম্না মরু ওই হায়না লৌনরি।

***