కేంద్ర ఆరోగ్య, కుటుంబ సంక్షేమ శాఖ సహాయ మంత్రులు ప్రొఫెసర్ ఎస్ పి సింగ్ బఘేల్,  డాక్టర్ భారతి ప్రవీణ్ పవార్ ఈ రోజు గుజరాత్,  మహారాష్ట్రలో స్థానిక భాష  (లోకల్ కంటెంట్) లో లబ్ధిదారుల కోసం మొబైల్ హెల్త్ (ఎం-హెల్త్) చొరవ అయిన కిల్కారీ కార్యక్రమాన్ని వర్చువల్ గా ప్రారంభించారు. గుర్తింపు పొందిన సామాజిక ఆరోగ్య కార్యకర్తల (ఆశా కార్యకర్తలు) పరిజ్ఞానాన్ని విస్తరించడానికి, రిఫ్రెష్ చేయడానికి వారి మొబైల్ ఫోన్ల ద్వారా వారి కమ్యూనికేషన్ నైపుణ్యాలను మెరుగుపరచడానికి రూపొందించిన ఉచిత ఆడియో శిక్షణ కోర్సు మొబైల్ అకాడమీని కూడా ప్రారంభించారు. ఈ కార్యక్రమంలో గుజరాత్ ఆరోగ్య శాఖ మంత్రి రుషికేశ్ పటేల్ కూడా పాల్గొన్నారు.

మానవాళి ప్రయోజనాల కోసం సాంకేతిక పరిజ్ఞానాన్ని వినియోగించుకోవడంపై ఆధారపడిన డిజిటల్ హెల్త్ ఇండియా కోసం గౌరవ ప్రధాన మంత్రి శ్రీ నరేంద్ర మోదీ దార్శనికతకు అనుగుణంగా దేశంలో ఆరోగ్య రంగంలో శరవేగంగా పరివర్తన చెందడానికి ఎం-హెల్త్ కార్యక్రమాన్ని ప్రారంభించడం అభినందనీయమని డాక్టర్ భారతి ప్రవీణ్ పవార్ పేర్కొన్నారు.

'కిల్కారీ' కార్యక్రమాన్ని చేపట్టడంలో ఆరోగ్య సంరక్షణ నిపుణులను, ముఖ్యంగా ఫ్రంట్-లైన్ ఆరోగ్య కార్యకర్తలను ప్రశంసించిన ఆమె, పునరుత్పాదక మాతా, నవజాత శిశు ఆరోగ్య సంరక్షణ గురించి ఐవిఆర్ఎస్ ద్వారా వారపు సేవలు, సకాలంలో అందుబాటులో, ఖచ్చితమైన, సంబంధిత 72 ఆడియో సందేశాలను నిర్దేశిత  లబ్ధిదారులకు అందించడమే ఈ కార్యక్రమం లక్ష్యమని చెప్పారు.

ఈ సందర్భంగా ప్రొఫెసర్ ఎస్ పి సింగ్ బఘేల్ మాట్లాడుతూ, "భారతదేశం లో bవిస్తరిస్తున్న మొబైల్ ఫోన్ వ్యాప్తిని ఉపయోగించుకోవడం ద్వారా ప్రజారోగ్య మౌలిక సదుపాయాలకు ప్రాధాన్యత ఇవ్వడానికి , పౌర-కేంద్రీకృత ఆరోగ్య సేవలను బలోపేతం చేయడానికి ప్రభుత్వ నిబద్ధతకు అనుగుణంగా కిల్కారీ కార్యక్రమాన్ని ప్రారంభించడం జరిగింది" అని అన్నారు.

ఆరోగ్యవంతమైన తల్లి మాత్రమే ఆరోగ్యకరమైన బిడ్డను ప్రసవించగలదని, గౌరవ ప్రధాన మంత్రి నాయకత్వంలో, కేంద్ర ప్రభుత్వం మహిళల ఆరోగ్యం , శ్రేయస్సును నిర్ధారించే దిశగా అనేక చర్యలు తీసుకుందని ప్రొఫెసర్ బఘేల్ అన్నారు.

ఈ కార్యక్రమాన్ని ప్రారంభించడంలో భాగస్వాములందరి కృషిని కేంద్ర మంత్రులు అభినందించారు.  కార్యక్రమాన్ని మరింత బలోపేతం చేయడానికి భాగస్వాముల నుండి సలహాలను ఆహ్వానించారు.

గుజరాత్ ఆరోగ్య మంత్రి శ్రీ రుషికేష్ పటేల్ ఈ రెండు కార్యక్రమాలను ప్రారంభించినందుకు కేంద్ర ప్రభుత్వానికి కృతజ్ఞతలు తెలిపారు. గుజరాత్ లో 95 శాతానికి పైగా ప్రసవాలు ఇప్పుడు సంస్థాగతంగా జరుగుతున్నాయని, ఇది తల్లులు, పిల్లలకు సురక్షితమైన ప్రసవాలకు దారితీస్తోందని ఆయన పేర్కొన్నారు.

నేపథ్యం:

'కిల్కారీ' ( 'శిశువు చేసే శబ్ధం’) అనేది కేంద్రీకృత ఇంటరాక్టివ్ వాయిస్ రెస్పాన్స్ (ఐవిఆర్) ఆధారిత మొబైల్ ఆరోగ్య సేవ, ఇది గర్భం యొక్క రెండవ త్రైమాసికం నుండి బిడ్డకు ఒక సంవత్సరం వయస్సు వచ్చే వరకు గర్భం, ప్రసవం , శిశు సంరక్షణ గురించి ఉచిత, వారం వారం , తగిన సమయానికి తగిన 72 ఆడియో సందేశాలను నేరుగా కుటుంబాల మొబైల్ ఫోన్లకు అందిస్తుంది.

మహిళ ఎల్ ఎమ్ పి  (చివరి రుతుస్రావం) లేదా బిడ్డ పుట్టిన తేదీ (పుట్టిన తేదీ) ఆధారంగా శిశు ఆరోగ్యం (ఆర్ సిహెచ్) పోర్టల్ లో రిజిస్టర్ చేసుకున్న మహిళలు, గర్భిణీ స్త్రీలు,  ఒక సంవత్సరం కంటే తక్కువ వయస్సు ఉన్న పిల్లలను కలిగి ఉన్న తల్లులు తమ మొబైల్ ఫోన్ లకు ముందుగా రికార్డ్ చేయబడిన ఆడియో కంటెంట్ తో కూడిన వీక్లీ కాల్ ను అందుకుంటారు. కిల్కారీ ఆడియో సందేశాలు డాక్టర్ అనిత అనే కల్పిత వైద్యురాలి పాత్ర వాయిస్ రూపంలో ఉన్నాయి.

కిల్కారీ కార్యక్రమం అన్ని రాష్ట్రాలు/కేంద్రపాలిత ప్రాంతాల కోసం ఎం ఒ హెచ్ ఎఫ్ డబ్ల్యూ ద్వారా నిర్వహించే కేంద్ర సహాయ కార్యక్రమం.  సాంకేతికత, టెలిఫోనీ మౌలిక సదుపాయాలు లేదా నిర్వహణ ఖర్చులలో తదుపరి పెట్టుబడిని రాష్ట్రాలు/ కేంద్రపాలిత ప్రాంతాలు భరించాల్సిన అవసరం లేదు. ఈ సేవ రాష్ట్రాలు / కేంద్రపాలిత ప్రాంతాలు ,  లబ్ధిదారులకు ఉచితం. ఈ కార్యక్రమం ఎం ఒ హెచ్ ఎఫ్ డబ్ల్యూ సెంట్రలైజ్డ్ రిప్రొడక్టివ్ చైల్డ్ హెల్త్ (ఆర్ సి హెచ్) పోర్టల్ తో అనుసంధానించబడింది.  ఈ ఎంహెల్త్  సర్వీస్ కు ఏకైక సమాచార వనరు.

మొబైల్ అకాడమీ అనేది గుర్తింపు పొందిన సామాజిక ఆరోగ్య కార్యకర్తల (ఆశా) విజ్ఞానాన్ని విస్తరించడానికి, పునరుద్ధరించడానికి, వారి మొబైల్ ఫోన్ల ద్వారా వారి కమ్యూనికేషన్ నైపుణ్యాలను మెరుగుపరచడానికి రూపొందించిన ఉచిత ఆడియో శిక్షణ కోర్సు, ఇది ప్రయోజనానికి తగిన ధర తో సమర్థవంతమైనది. మొబైల్ ఫోన్ ద్వారా ఒకేసారి వేలాది మంది ఆశావర్కర్లకు శిక్షణ ఇవ్వగల ఎనీటైమ్, ఎనీవేర్ ట్రైనింగ్ కోర్సు ఇది.

ప్రస్తుతం ఆంధ్రప్రదేశ్, అండమాన్ నికోబార్ దీవులు, అస్సాం, బీహార్, ఛత్తీస్ ఘడ్ , చండీగఢ్, ఢిల్లీ, హర్యానా, హిమాచల్ ప్రదేశ్, జమ్మూ కాశ్మీర్, జార్ఖండ్, మధ్యప్రదేశ్, ఒడిశా, రాజస్థాన్, త్రిపుర, ఉత్తరప్రదేశ్, పశ్చిమ బెంగాల్ ,  ఉత్తరాఖండ్ వంటి 18 రాష్ట్రాలు / కేంద్రపాలిత ప్రాంతాలలో కిల్కారీ అమలులో ఉంది.  మొబైల్ అకాడమీ చండీగఢ్ మినహా 17 రాష్ట్రాలు / కేంద్రపాలిత ప్రాంతాలలో హిందీ, భోజ్పురి, ఒరియా, అస్సామీ, బెంగాలీ , తెలుగు వెర్షన్ తో పనిచేస్తోంది.

ఈ కార్యక్రమంలో కేంద్ర ఆరోగ్య మంత్రిత్వ శాఖ, గుజరాత్, మహారాష్ట్ర ప్రభుత్వాల సీనియర్ అధికారులు, అమలు సంస్థల ప్రతినిధులు పాల్గొన్నారు.

***