খুঙ্গং চাউখৎ থৌরাং অমসুং পঞ্চায়তী রাজ মন্ত্রী, শ্রী গিরিরাজ সিংহনা নই দিল্লীগী বিজ্ঞান ভবন্দা “লেন্দ মেনেজমেন্ত মোদর্নাইজেসনগী খ্বাইদগী ফবা থৌওং লান্নবা” হায়বা হীরমদা ফেব্রুৱারী 8, 2024দা পাংথোক্কদবা নুমিৎ নিনিগী ভুমী সম্বাদ VIII: নেস্নেল কনফরেন্স ওফ স্তেত রেভেন্যু/রেজিস্ত্রেসন সেক্রেতরীজ অমসুং ইনস্পেক্তর জেনেরেল ওফ রেজিস্ত্রেসন (IGR) হৌদোক্কনি। লেন্দ রিসোর্স বিভাগনা কনফরেন্স অসি ফেব্রুৱারী 8 -9, 2024দা পাংথোক্নবা শীন লাঙবনি। রেভেন্যু অমসুং রেজিস্ত্রেসন বিভাগ অমসুং IGRগী ওফিসর য়াওবা রাজ্যশিংগী দেলিগেতশিংনা কনফরেন্স অসিদা মরী লৈনবা মরু ওইবা মন্ত্রালয়/বিভাগ অমসুং অতোপ্পা স্তেকহোলদরশিংগা লোয়ননা শরুক য়াগনি।

লেন্দ রেকোর্দ দিজিতাইজেসন অমসুং থৌওং অসিনা লমগা মরী লৈনবা সর্ভিস কয়াগী কাঙলোন, মতম, অচঙবা শেল, ওফিস্তা চৎনবা, রেভেন্যু কোর্ত লিতিগেসন অমসুং ইজ ওফ লিভিংনচিংবা লেন্দ মেনেজমেন্ত মোদর্নাইজেসনগী খ্বাইদগী ফবা থৌওংশিংগা মরী লৈনবা থীম কয়া অমা; ভু-আধার নত্ত্রগা ULPIN জেনেরেসন তৌবা - ভু-আধার নত্ত্রগা ULPIN দেতাবেজকী পিন শেম্বা অমসুং শেন্নবগী খ্বাইদগী ফবা থৌওং; লেন্দ মেনেজমেন্ত – এদভান্সমেন্ত অমসুং এপ্লিকেসনগী ওতো ম্যুতেসন; লিতিগেসন হন্থহনবদা লেন্দ রেকোর্দ দিজিতাইজ তৌবা অমসুং রেজিস্ত্রেসন কম্প্যুতরাইজ তৌবগী কান্নবা; ক্রেদিত ফংনবগীদমক্তা দিজিতাইজ তৌরবা লেন্দ রেকোর্দ শিজিন্নবা; লেন্দ রেকোর্দ অমসুং প্রোপর্তী রেজিস্তর তৌবদা ইন্নোভেতিব তেক্নোলোজী শিজিন্নবা অমসুং মফম অমা হেক্তদা অমসুং মতম অমা হেক্তদা রেজিস্ত্রেসন তৌবগী খ্বাইদগী ফবা থৌওংশিংগী মতাংদা কনফরেন্স অসিদা খন্ন-নৈনগনি।

কনফরেন্স অসিনা কেন্দ্র, রাজ্য/UT সরকার অমসুং ইন্সতিত্যুসন কয়া য়াওনা তোঙান-তোঙানবা স্তেকহোলদর কাঙবুশিংগী মীওই অমসুং মখল কয়াগী ৱাঙাংলোই কয়াবু অমত্তা ওইবা ফম্বাক্তা পুরক্কনি। মসিনা লৌশিং অমসুং ৱাখল্লোন লান্নবা, ইনোভেসন উৎপা, মায় পাক্লবা কেস স্তদী কয়া লান্নবা, ৱারোইশিন মশক খঙদোকপা, তুংগী মতমগী থৌরাং খন্নবা অমসুং মখল কয়াগী হীরমদা অমনা অমদগী তমজবগী খুদোংচাবা অমসুং সেক্তর ৱাংমা লান্না খুদোংচাবশিং অসি শিজিন্নবগী থৌওং কয়াগী পাম্বৈ শীনগনি।

***