ಹೆಚ್ಚುತ್ತಿರುವ ಬೇಡಿಕೆಗಳ ನಡುವೆ ಕಲ್ಲಿದ್ದಲು ಸಾಗಣೆಯ ಸಮಸ್ಯೆಯನ್ನು ಪರಿಹರಿಸಲು ಕಲ್ಲಿದ್ದಲು ಸಚಿವಾಲಯವು ಇತ್ತೀಚೆಗೆ ಕಲ್ಲಿದ್ದಲು ಜಾರಿ ನೀತಿ ಮತ್ತು ಇಂಟಿಗ್ರೇಟೆಡ್ ಕಲ್ಲಿದ್ದಲು ಸ್ಥಳಾಂತರಿಸುವ ಯೋಜನೆಯನ್ನು ಪ್ರಾರಂಭಿಸಿದೆ. ಹೊಸ ರೈಲು ಮಾರ್ಗಗಳ ನಿರ್ಮಾಣ ಮತ್ತು ರೈಲ್ವೇ ಜಾಲದ ಸಾಮರ್ಥ್ಯ ವರ್ಧನೆ, ಫಸ್ಟ್ ಮೈಲ್ ಕನೆಕ್ಟಿವಿಟಿ (ಎಫ್‌ಎಂಸಿ) ಯೋಜನೆಗಳು, ರೈಲು ಸಂಪರ್ಕ ಯೋಜನೆಗಳು ಮತ್ತು ರೈಲ್ವೆ ಸೈಡಿಂಗ್‌ಗಳ ಮೂಲಕ ಕಲ್ಲಿದ್ದಲು ಸಾಗಣೆಯ ಸಮಸ್ಯೆಯನ್ನು ಪರಿಹರಿಸಲು ಸರ್ಕಾರ ಯೋಜನೆ ರೂಪಿಸಿದೆ. ಈ ಸ್ಥಳಾಂತರಿಸುವ ಸೌಲಭ್ಯಗಳು/ಮೂಲಸೌಕರ್ಯಗಳನ್ನು ದೇಶದ ದೀರ್ಘಾವಧಿಯ ಉತ್ಪಾದನಾ ಗುರಿ ಸಾಧನೆಗೆ  ಅನುಗುಣವಾಗಿ ಯೋಜಿಸಲಾಗಿದೆ.

ಕಲ್ಲಿದ್ದಲು ತೆರವು ಸುಧಾರಣೆಗಾಗಿ ಹದಿನಾಲ್ಕು ರೈಲು ಯೋಜನೆಗಳನ್ನು ಅನುಷ್ಠಾನಕ್ಕೆ ತೆಗೆದುಕೊಳ್ಳಲಾಗಿದೆ. ಇವುಗಳಲ್ಲಿ ಐದು ರೈಲು ಮಾರ್ಗಗಳು ಈಗಾಗಲೇ ಕಾರ್ಯಾರಂಭ ಮಾಡಿದ್ದು, ಇನ್ನುಳಿದವು ನಿರ್ಮಾಣದ ವಿವಿಧ ಹಂತಗಳಲ್ಲಿವೆ.

ರೈಲ್ವೇ ಸಚಿವಾಲಯವು ಗ್ರೀನ್ ಎನರ್ಜಿ ಕಾರಿಡಾರ್ ಯೋಜನೆಗಳು, ಹೆಚ್ಚಿನ ಸಾಂದ್ರತೆಯ ನೆಟ್ವರ್ಕ್ ಯೋಜನೆಗಳು ಮತ್ತು ರೈಲು ಸಾಗರ್ ಯೋಜನೆಗಳ ಅಡಿಯಲ್ಲಿ ಹಲವಾರು ರೈಲು ಯೋಜನೆಗಳನ್ನು ಯೋಜಿಸಿದೆ. ಇದಲ್ಲದೆ, ಕಲ್ಲಿದ್ದಲು ಸ್ಥಳಾಂತರಿಸುವಿಕೆಗಾಗಿ ಕರಾವಳಿ ಹಡಗು ಮತ್ತು ಒಳನಾಡಿನ ಜಲಮಾರ್ಗಗಳನ್ನು ಸಹ ಉತ್ತೇಜಿಸಲಾಗುತ್ತಿದೆ.

ಕೇಂದ್ರ ಕಲ್ಲಿದ್ದಲು, ಗಣಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಶ್ರೀ ಪ್ರಹ್ಲಾದ್‌ ಜೋಶಿ ಅವರು ರಾಜ್ಯಸಭೆಯಲ್ಲಿ ಲಿಖಿತ ಉತ್ತರದಲ್ಲಿ ಈ ಮಾಹಿತಿಯನ್ನು ನೀಡಿದ್ದಾರೆ.

****