30 جنوری سے 02 فروری 2024 کے دوران اوڈیشہ کے مربوط ٹیسٹ رینج، چاندی پور سے تنظیم برائے دفاعی تحقیق و ترقی (ڈی آر ڈی او) کی جانب سے تیز رفتار قابل توسیع ایریئل ٹارگٹ (ایچ ای اے ٹی)- ابھیاس کی چار آزمائشی پرواز کامیابی کے ساتھ انجام دیں۔ ان آزمائشوں کو نظرثانی شدہ مضبوط کنفگیوریشن میں چار مختلف مشن اہداف کے ساتھ انجام دیا گیا، اور تخفیف شدہ لانچ ایکسلریشن کی فراہمی کے لیے ایڈوانسڈ سسٹمز لیباریٹری، حیدرآباد کے ذریعہ ڈایزائن کی گئی سنگل بوسٹر کا استعمال کیا گیا۔

بوسٹر کی محفوظ ریلیز، لانچر کلیئرنس اور لانچ کی رفتار کے مطلوبہ اختتام کو حاصل کرنے جیسے مقاصد حاصل کیے گئے۔ آزمائشی پرواز کے دوران، مختلف پیرامیٹرز جیسے مطلوبہ برداشت، رفتار، چالبازی، اونچائی اور رینج کی کامیابی سے توثیق کی گئی۔

ڈی آر ڈی او کے ایروناٹیکل ڈیولپمنٹ اسٹیبلشمنٹ (اے ڈی ای) کے ذریعہ ڈیزائن کیا گیا، ابھیاس ہتھیاروں کے نظام کی مشق کے لیے ایک حقیقت پسندانہ خطرے کا منظر پیش کرتا ہے۔ یہ اے ڈی ای کی جانب سے مقامی طور پر بنائے گئے آٹو پائلٹ کی مدد سے خود مختار پرواز کے لیے ڈیزائن کیا گیا ہے۔ اس میں ریڈار کراس سیکشن، بصری اور انفراریڈ اضافہ کا نظام ہے جو ہتھیاروں کی مشق کے لیے درکار ہے۔ اس میں لیپ ٹاپ پر مبنی گراؤنڈ کنٹرول سسٹم ہے جس کے ساتھ ہوائی جہاز کو مربوط کیا جا سکتا ہے اور پرواز سے پہلے کی جانچ، پرواز کے دوران ڈیٹا ریکارڈنگ، پرواز کے بعد دوبارہ پلے اور پرواز کے بعد کا تجزیہ کیا جا سکتا ہے۔ ابھیاس کو کم از کم لاجسٹکس کی ضرورت ہوتی ہے اور درآمد شدہ مساوی اشیاء کے مقابلے لاگت سے موثر ہے۔

حال ہی میں ٹیسٹ کیے گئے سسٹمز کو پروڈکشن ایجنسیوں - ہندوستان ایروناٹکس لمیٹڈ (ایچ اے ایل) اور لارسن اینڈ ٹوبرو (ایل اینڈ ٹی) ڈیفنس کے ذریعے حاصل کیا گیا۔ شناخت شدہ پروڈکشن ایجنسیوں کے ساتھ، ابھیاس پروڈکشن کے لیے تیار ہے۔ یہ نظام برآمداتی صلاحیت کا حامل ہے اور اسے دوست ممالک کو پیش کیا جا سکتا ہے۔

وزیر دفاع جناب راج ناتھ سنگھ نے ابھیاس کی کامیاب آزمائشی پرواز کے لیے ڈی آر ڈی او، مسلح افواج اور صنعت کو مبارکباد دی ہے۔ انہوں نے کہا کہ اس نظام کی ترقی مسلح افواج کے لیے فضائی اہداف کی ضروریات کو پورا کرے گی۔

دفاعی تحقیق و ترقی کے محکمے کے سکریٹری اور ڈی آر ڈی او کے چیئرمین ڈاکٹر سمیر وی کامت نے نظام کے ڈیزائن، ترقی اور جانچ سے وابستہ ٹیموں کی کوششوں کی ستائش کی۔

**********

(ش ح –ا ب ن۔ م ف)

U.No:4460