ਕਾਨੂੰਨ ਤੇ ਨਿਆਂ ਮੰਤਰਾਲਾ
ਇੱਕ ਰਾਸ਼ਟਰ ਇੱਕ ਚੋਣ 'ਤੇ ਉੱਚ ਪੱਧਰੀ ਕਮੇਟੀ (ਐੱਚਐੱਲਸੀ) ਦੀ ਅੱਜ 5ਵੀਂ ਮੀਟਿੰਗ ਹੋਈ
ਸਲਾਹ-ਮਸ਼ਵਰੇ ਦੀ ਪ੍ਰਕਿਰਿਆ ਜਾਰੀ
Posted On:
02 FEB 2024 5:18PM by PIB Chandigarh
ਭਾਰਤ ਦੇ ਸਾਬਕਾ ਰਾਸ਼ਟਰਪਤੀ, ਸ਼੍ਰੀ ਰਾਮ ਨਾਥ ਕੋਵਿੰਦ ਦੀ ਪ੍ਰਧਾਨਗੀ ਹੇਠ ਇੱਕ ਰਾਸ਼ਟਰ ਇੱਕ ਚੋਣ 'ਤੇ ਉੱਚ ਪੱਧਰੀ ਕਮੇਟੀ (ਐੱਚਐੱਲਸੀ) ਨੇ ਅੱਜ ਆਪਣੀ ਪੰਜਵੀਂ ਮੀਟਿੰਗ ਜੋਧਪੁਰ ਆਫਿਸਰਜ਼ ਹੋਸਟਲ ਨਵੀਂ ਦਿੱਲੀ ਵਿੱਚ ਆਪਣੇ ਦਫਤਰ ਵਿਖੇ ਕੀਤੀ। ਮੀਟਿੰਗ ਵਿੱਚ 15ਵੇਂ ਵਿੱਤ ਕਮਿਸ਼ਨ ਦੇ ਸਾਬਕਾ ਚੇਅਰਮੈਨ ਸ਼੍ਰੀ ਐੱਨ ਕੇ ਸਿੰਘ, ਲੋਕ ਸਭਾ ਦੇ ਸਾਬਕਾ ਸਕੱਤਰ ਜਨਰਲ ਡਾ. ਸੁਭਾਸ਼ ਸੀ ਕਸ਼ਯਪ ਅਤੇ ਸਾਬਕਾ ਚੀਫ ਵਿਜੀਲੈਂਸ ਕਮਿਸ਼ਨਰ ਸ਼੍ਰੀ ਸੰਜੇ ਕੋਠਾਰੀ ਹਾਜ਼ਰ ਸਨ।
ਕਨਫੈਡਰੇਸ਼ਨ ਆਫ਼ ਇੰਡੀਅਨ ਇੰਡਸਟਰੀ (ਸੀਆਈਆਈ) ਦੇ ਵਫ਼ਦ ਵਿੱਚ ਡਾਇਰੈਕਟਰ ਜਨਰਲ ਸ਼੍ਰੀ ਚੰਦਰਜੀਤ ਬੈਨਰਜੀ, ਪ੍ਰਮੁੱਖ ਸ਼੍ਰੀ ਆਰ ਦਿਨੇਸ਼, ਪ੍ਰਮੁੱਖ ਅਹੁਦੇਦਾਰ ਸ੍ਰੀ ਸੰਜੀਵ ਪੁਰੀ, ਡਿਪਟੀ ਡਾਇਰੈਕਟਰ ਜਨਰਲ ਸ਼੍ਰੀ ਮਾਰੂਤ ਸੇਨ ਗੁਪਤਾ, ਡਿਪਟੀ ਡਾਇਰੈਕਟਰ ਜਨਰਲ ਮਿਸ ਅਮਿਤਾ ਸਰਕਾਰ, ਕਾਰਜਕਾਰੀ ਨਿਦੇਸ਼ਕ ਸ਼੍ਰੀ ਬਿਨੋਏ ਜੌਬ ਸ਼ਾਮਲ ਸਨ ਅਤੇ ਮੁੱਖ ਆਰਥਿਕ ਰਣਨੀਤੀ ਅਤੇ ਪ੍ਰੋਜੈਕਟ ਕੋਆਰਡੀਨੇਸ਼ਨ ਸ਼੍ਰੀ ਜੀ ਸ਼੍ਰੀਵਾਸਤਵ ਨੇ ਕਮੇਟੀ ਦੇ ਸਾਹਮਣੇ ਇੱਕ ਪੇਸ਼ਕਾਰੀ ਦਿੱਤੀ ਜਿਸ ਵਿੱਚ ਓਐੱਨਓਈ ਅਤੇ ਇਸਦੇ ਪ੍ਰਭਾਵ ਬਾਰੇ ਉਦਯੋਗ ਦੇ ਵਿਚਾਰਾਂ ਨੂੰ ਉਜਾਗਰ ਕੀਤਾ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਇੱਕ ਰਸਮੀ ਮੈਮੋਰੰਡਮ ਪੇਸ਼ ਕੀਤਾ।
ਐੱਚਐੱਲਸੀ ਦੇ ਚੇਅਰਮੈਨ ਸ਼੍ਰੀ ਕੋਵਿੰਦ ਨੇ ਅੱਜ ਮੰਤਰੀ ਬਿਹਾਰ ਸਰਕਾਰ ਅਤੇ ਹਿੰਦੁਸਤਾਨੀ ਅਵਾਮ ਮੋਰਚਾ ਦੇ ਰਾਸ਼ਟਰੀ ਚੇਅਰਮੈਨ ਡਾ. ਸੰਤੋਸ਼ ਕੁਮਾਰ ਸੁਮਨ ਨਾਲ ਵੀ ਗੱਲਬਾਤ ਕੀਤੀ, ਜਿਨ੍ਹਾਂ ਨੇ ਇੱਕੋ ਸਮੇਂ ਚੋਣਾਂ ਕਰਵਾਉਣ ਬਾਰੇ ਆਪਣੀ ਪਾਰਟੀ ਦਾ ਵਿਚਾਰ ਪੇਸ਼ ਕੀਤਾ।
ਕੱਲ੍ਹ 1 ਫਰਵਰੀ ਨੂੰ ਆਪਣੀਆਂ ਮੀਟਿੰਗਾਂ ਵਿੱਚ, ਸ਼੍ਰੀ ਕੋਵਿੰਦ ਨੇ ਸੰਸਦ ਮੈਂਬਰ, ਸ਼ਿਵ ਸੈਨਾ ਪਾਰਟੀ (ਏਕਨਾਥ ਸੰਭਾਜੀ ਸ਼ਿੰਦੇ) ਦੇ ਲੋਕ ਸਭਾ ਵਿੱਚ ਨੇਤਾ ਸ਼੍ਰੀ ਰਾਹੁਲ ਸ਼ੇਵਾਲੇ, ਸੰਸਦ ਮੈਂਬਰ ਸ਼੍ਰੀ ਰਾਜੇਂਦਰ ਗਾਵਿਤ, ਸੰਸਦ ਮੈਂਬਰ ਸ਼੍ਰੀ ਸ਼੍ਰੀਰੰਗ ਬਾਰਨੇ ਅਤੇ ਸ਼੍ਰੀ ਆਸ਼ੀਸ਼ ਕੁਲਕਰਨੀ ਨਾਲ ਰਾਜਨੀਤਿਕ ਪਾਰਟੀਆਂ ਦੇ ਸਲਾਹ-ਮਸ਼ਵਰੇ ਤਹਿਤ ਗੱਲਬਾਤ ਕੀਤੀ, ਜਿਨ੍ਹਾਂ ਨੇ ਇਸ ਵਿਸ਼ੇ 'ਤੇ ਆਪਣੀ ਰਾਏ ਦਿੱਤੀ।
ਸ਼੍ਰੀ ਕੋਵਿੰਦ ਨੇ ਕਲਕੱਤਾ ਹਾਈ ਕੋਰਟ ਦੇ ਸਾਬਕਾ ਚੀਫ਼ ਜਸਟਿਸ ਪ੍ਰਕਾਸ਼ ਸ਼੍ਰੀਵਾਸਤਵ, ਜਸਟਿਸ ਆਰ ਡੀ ਧਨੁਕਾ, ਸਾਬਕਾ ਚੀਫ਼ ਜਸਟਿਸ ਬਾਂਬੇ ਹਾਈ ਕੋਰਟ ਅਤੇ ਜਸਟਿਸ ਅਜੀਤ ਪ੍ਰਕਾਸ਼ ਸ਼ਾਹ, ਸਾਬਕਾ ਚੀਫ਼ ਜਸਟਿਸ ਦਿੱਲੀ ਹਾਈ ਕੋਰਟ ਨਾਲ ਵੀ ਵਿਚਾਰ-ਵਟਾਂਦਰਾ ਕੀਤਾ ਤਾਂ ਜੋ ਦੇਸ਼ ਵਿੱਚ ਇੱਕੋ ਸਮੇਂ ਚੋਣਾਂ ਕਰਵਾਉਣ ਬਾਰੇ ਉਨ੍ਹਾਂ ਦੇ ਵਿਚਾਰਾਂ ਨੂੰ ਸਮਝਿਆ ਜਾ ਸਕੇ।
************
ਐੱਸਐੱਸ/ਏਕੇਐੱਸ
(Release ID: 2002624)
Visitor Counter : 33