ভারত মাতা কী জয়!

ভারত মাতা কী জয়!

অসামগী রাজ্যপাল, গুলাব চান্দ কতারিয়াজী, মুখ্য ন্ত্রী, দা. হিমন্তা বিশ্বা সরমাজী, মন্ত্রী-মন্দলগী ঐগী মরুপ সর্বানন্দ সোনোৱলজী, রামেশ্বর তেলীজী, অসাম সরকারগী মন্ত্রী, MP অমসুং MLAশিং, তোঙান-তোঙানবা কাউন্সিলশিংগী হেদশিং, অমসুং ঐগী নুংশিরবা ইচিল-ইনাওশিং!

আপুনালোক হোকো লু কে মোর,

আন্তোরীক হবেস্সা জ্ঞাপোন কোরিলু।

ঙসি অমুক হন্না ইমা কামাখ্যাগী থৌজালশিংগা লোয়ননা ঐহাক্না নখোয়দা অসমগী চাউখৎ-থৌরাংগা মরী লৈনবা প্রোজেক্তশিং খুৎশিন্নবগী খুদোংচাবা ফংজরি। মীকুপ খরগী মমাংদা মফম অসিইদা লুপা করোর লিশিং 11রোমগী প্রোজেক্তশিং উরেপ-উয়ুং তমখি অমসুং শঙ্গাখি। প্রোজেক্তশিং অসিনা অসাম অমসুং অৱং নোংপোক অমদি খা এসিয়াগী অতৈ লৈবাকশিংগা লোয়ননা রিজন অসিগী কন্নেক্তিবিতী মপাঙ্গল কনখৎহল্লগনি। প্রোজেক্তশিং অসিনা অসামগী তুরিজম সেক্তরদা অনৌবা খুদোংচাবশিং পীরগনি অমসুং স্পোর্তিং তেলেন্তকী অনৌবা খুদোংচাবশিং ফংহল্লগনি। মসিনা অসামনা মেদিকেল এজুকেসন অমসুং হেল্থ কিয়র সেন্তর ওইনা লৌরিবা থৌদাং হেনগৎহনগনি। ঐহাক্না অসাম অমদি অৱাং নোংপোক্কী ঐগী ইমুং মনুংগী মীওই পুম্নমক্তা প্রোজেক্তশিং অসিগীদমক নুংঙাইবা ফোঙদোকচরি। ঐহাক্না ঙরাং নুথিল মফম অসিদা লাকখিবনি ঐবু তরাম্না ওক্নবা গুৱাহাতিদা মীয়াম্না তৌরমখিবা মওং অদুগীদমক থাগৎচরি। তিভিদা ঐহাক্না নখোয়না দিয়া লাখ কয়া থানখিবা উবা ফংখি। নখোয়গী মীনুংশিং, থৌজাল অসি ঐগীদমক অথোইবা লন অনি। নখোয়গী মীনুংশিং অমসুং থৌজালনা ঐঙোন্দা লেপ্পা লৈতনা ইনর্জী পীগনি।

ইচিল-ইনাওশিং,

হৌখিবা নুমিৎ খরনি অসিদা ঐহাক্না লৈবাক্কী তীর্থ য়াত্রা কয়াদা চৎপগী খুদোংচাবা ফংখি। অয়োধ্যাগী অচৌবা থৌরম অসিগী মতুংদা ঐহাক্না ইমা কামাখ্যাগী থোংজিলদা লাক্লি। ঙসি ঐহাক্না মা কামাখ্যা দিব্যা লোক প্রোজেক্ত উরেপ উয়ুং তম্বগী খুদোংচাবা ফংজখি। মসি লোইরবা মতমদ মসিনা লৈবাক শিনবা থুংবদা লৈরিবা ইমাগী ভক্তাশিংবু নুংঙাইবনা থনগনি। মা কামাখ্যা দিব্যা লোক প্রোজেক্ত লোইরবা মতুংদা চহি খুদিংগী মফম অসিদা লাকপা ভক্তশিং হেনগৎলক্কনি। অমসুং ঐনা মা কামাখ্যাদা ভক্তাশিংনা মশিং য়াম্না লাক্লিবা মখৈ মসিনা অপুনবা অৱাং নোংপোক্কী তুরিজম গেৎৱে ওইরক্কদবা উবা ফংলি। মসিগীদমক ঐহাক্না হিমন্তাজী অমসুং মহাক্কী সরকারপু প্রোজেক্ত অসিগীদমক থাগৎচরি।

মরুপশিং,

ঐখোয়গী তীর্থ য়াত্রাশিং, ঐখোয়গী মন্দিরশিং, ঐখোয়গী ধর্মগী মফমশিং অসি শুপ্নগী চৎনা মফম খক্তা নত্তে। মসি চহি লিশিং কয়া শুরবা ঐখোয়গী সভ্যতাগী মুৎনাইদ্রবা খুদমশিংনি। মসিনা ভারতনা খুদোংথিবা থেংনবা খুদিং খোঙফম চেৎনা লেপ্পগী খুদম ওইরি। ঐখোয়না মতম অমদা য়াম্না চাউখৎলম্বা সভ্যতাশিং উবা ফংখ্রে, ঙসি মখোয়গী অতোই অকাই ঙাক্তা ঙাইরে। লাইবক থীরিবদি নীংতম্বা ফংলবা মতুংদা লৈবাক্কী সরকার মতম শাংনা পাইরম্বশিং অদুনা শেংলবা মফমশিং অসিগী মরু ওইবা খঙলমখিদে। মখোয়না মশাগী নাৎপু ইকাইবা পোক্নবা ত্রেন্দ অমা শেমলমখি, মসি মখোয়গী রাজনিতীগী ওইবা কান্নবশিং ফংনবনি। লৈবাক অমত্তনা মাগী হৌখ্রবা মতমবু মুত্থৎনবা হোৎনদে। হৌখিবা চহি 10দা ফীভম অসিদা অহোংবা লাকপদা ঐহাক্না অপেনবা পোকই। BJPগী দবল ইঞ্জিন সরকারনা দিবেলপমেন্ত অমসুং হেরিতেজ অসি মখোয়গী পোলিসীগী শরুক অমা ওইহনখি। ঙসি ঐখোয়না অসামগী তোঙান-তোঙানবা মফমশিংদা মসিগী মহৈশিং ফাবা উবা হৌরক্লে। অসামদা, ধর্মগা মরী লৈনবা মফম পুম্নমক্তা ধর্ম, স্পিরিচুএলিতী অমসুং পুৱারীগা মোদর্ন ফেসিলিতীশিংগা কন্নেক্ত তৌনবা হোৎনরি। হেরিতেজ ঙাকশেনবগী কেম্পেন অসিগা লোয়ননা চাউখৎ-থৌরাংগী কেম্পেনসু চপ মান্নবা খোঙজেলদা চংশিল্লি। করিগুম্বা ঐখোয়না চহি 10গী মমাং অদু য়েংলুরবদি লৈবাক অসিদা রেকোর্দ ওইবা মশিংদা কোলেজ অমসুং য়ুনিভর্সিতীশিং শাখি। মমাংদা অচৌবা ইন্সতিত্যুসনশিং অসি অচৌবা সহরশিংদা খক্তা লৈরমখি। ঐখোয়না IIT, AIIMS, IIMগুম্বা ইন্সতিত্যুসনশিংগী নেৎৱার্ক লৈবাক শিনবা থুংবদা শন্দোক্লি। হৌখিবা চহি 10 মনুংদা মেদিকেল কোলেজশিংগী মশিং শরুক অনি হেনগৎলকখি। অসামসু BJP সরকার লৈত্রিঙৈ মেদিকেল কোলেজ 6 লৈরমখিবা অদু মেদিকেল কোলেজ 12 লৈরে। অসাম  অসি অৱাং নোংপোক্কী কেন্সর লায়েংগীদমক মরু ওইবা সেন্তর অমা ওইরক্লি।

মরুপশিং,

ঐখোয়গী সরকারনা ইরৈবাকচাশিংগী পুন্সি লাইথোকহনবা অসি মরু ওইনা লৌখি। ঐখোয়না লায়রবা ইমুং করোর 4 হেনবগী পর্মিনেন্ত হাউসশিং শাখি। ঐখোয়না য়ুম খুদিংদা ঈশিং অমসুং ইলেক্ত্রিসিতী ফংহন্নবা কেম্পেনসু হৌদোকখি। উজ্জ্বলা য়োজনানা ঙসি অসামগী ইচে-ইচল অমদি ইচানুপীশিংবু মৈখু চেলহনদ্রি। স্বচ্ছ ভারত অভিয়ানগী মখাদা তোইলেৎশিং শাদুনা অসামগী ইচে-ইচল অমদি ইচানুপী লাখ কয়াগী ইকাই খুম্নবা ঙাকখি।

মরুপশিং,

ঐখোয়না চাউখৎ-থৌরাং অমসুং কলা সংস্কৃতিদা মীৎয়েং চংবনা লৈবাক্কী নহারোলদা হকথেংননা কান্নবা ফংহনখি। ঙসি তুরিজম অমদি তীর্থ য়াত্রাগী মতাংদা থৱায় য়াওবা লৈবাক অসিদা হেনগৎলক্লি। কাশী কোরিদোর শারবা মতুংদা মফম অসিদা রেকোর্দ ওইবা মশিংদা ভক্তাশিংনা লাক্লি। হৌখিবা চহি অমদা কাশীদা মীওই করোর নিপান মখাই লাকখি। মীওই করোর 5 হেনবনা উজ্জেনগী মহাকাল মহালোকতা চৎখি। মীওই লাখ 19 হেনবনা কেদর ধামদা চৎখি। অয়োধ্যা ধামগী প্রান প্রতিস্থা তৌখিবা নুমিৎ খরা খক্তা ওইরি অদুবু শুপ্নী নুমিৎ 12 খক্তদা মীওই লাখ 24 হেনবনা অয়োধ্যাদা লাকখি।

মরুপশিং,

তীর্থ য়াত্রা চৎপা মীওই অমদু ভক্তাশিংনা লাকপা মতমদা লায়রবদা খ্বাইদগী লায়রবনা ফাওবা শেল তানবা ফংই। রিক্ষো থৌবা, তেক্সি থৌবা, হোতেলিয়র, স্ত্রীত ভেন্দরশিং ওইরবসু মীপুম খুদিংমক্কী ইনকম হেনগৎলি। মরম  অসিনা চহি অসিগী বজেৎতা ঐখোয়না তুরিজমদা মীৎয়েং থমখি। কেন্দ্রদা লৈরিবা BJP সরকারনা তুরিজমগা মরী লৈণবা পুৱারী ওইরবা মফমশিং শেমগৎনবা অনৌবা কেম্পেনসু হৌদোক্লগনি। মসিগীদমক অসাম অমদি অৱাং নোংপোক্তা ওইথোকপা য়াবা চাউনা লৈ। ঐখোয়না অৱাং নোংপোক্তা মীৎয়েং থম্মি।

মরুপশিং,

হৌখিবা চহি 10 অসিদা অৱাং নোংপোক্তা রেকোর্দ ওইবা মশিংদা তুরিস্তশিং লাকখি। মসি করম্না ওইথোকখি? মফম অসিদা তুরিস্ত সেন্তরশিং, ফজরবা মফমশিং লৈরমখি অদুবু তুরিস্তশিং লাকলমখিদে হীংসা, রিসোর্স ৱাৎপা, ফেসিলিতী ৱাৎপা অসিদা কনানা লাক্কনি? নখোয়নসু অসাম য়াওনা অৱাং নোংপোক্তা চহি তরাগী মমাংদা ওইরম্বা ফীভম অদু খঙলি। রেল অমসুং এয়র ত্রেবেল অসি লিমিতেদ ওইরমখি। লম্বী খুরগা য়াম্না ফৎলমদে। রাজ্য অমদগী অমদা চৎপা, জিলা অমদগী জিলা অমদা চৎপদা পুং কয়া চংলমখি। BJP অমসুং NDA সরকারগী দবল ইঞ্জিন সরকার লাকপদগী অওনবা পুরকখি।

মরুপশিং,

হৌখিবা চহি 10 অসিদা ঐখোয়গী সরকারনা মফম অসিগী চাউখৎ থৌরাংদা তৌখিবা চাদিং শরুক মরি হেনগৎহনখি। 2014গী মমাংদা  রেলৱে ত্রেক্কী অশাংনা অসি কিমি 1900 হেন্না হেনগৎহনখি। 2014গা চাংদম্নবদা রেলৱে বজেৎ চাদা 400 হেন্না হেনগৎহনখি। 2014 ফাওবদা নেস্নেল হায়ৱেকী কিলোমিতর লিশিং 10 খক্তা লৈরমখি। হৌখিবা চহি 10 খক্তদা ঐখোয়না কিলোমিতর লিশিং 6 হেন্না শেমখি। ঙসি, অনৌবা রোদ প্রোজেক্ত অনি শঙ্গাখি। মসিগা লোয়ননা ইতানগর ফাওবগী কন্নেক্তিবিতী ফগৎলগনি অমসুং নখোয়গী সমস্যাশিং হন্থরগনি।

মরুপশিং,

ঙসি লৈবাক শিনবা থুংবদা মোদীগী গরেন্তীদি ৱাশক থুংহনবগী গরেন্তীনি হায়নরি। ঐহাক্না লায়রবা, নুপী, নহারোল অমসুং লৌমীশিংদা তঙাই ফদবা খুদোংচাবশিংগী গরেন্তী পীখি। ঙসি গরেন্তীশিং অসি থুংহনখি। ঐখোয়না মসি বিকসিৎ ভারত সঙ্কল্প য়াত্রা মনুংদা উবা ফংখি। মোদীগী গরেন্তীগী গারীনা সরকারগী স্কিম ফংদবশিংদা য়ৌহনখি। মসিদা মীওই করোর কুন হেনবনা হকথেংননা শরুক য়াখি। মসিগী য়াত্রা অসিদগী অসামগী মীওই কয়ানা কান্নবা ফংখি।

মরুপশিং,

BJPগী দবল ইঞ্জিন সরকার অসিনা বেনিফিসরি খুদিংমক্তা য়ৌহন্নবা ৱাশক্লি। ঐখোয়গী পান্দমদি নাগ্রিক খুদিংমক্কী পুন্সি লাইথোকহনবনি। মসিগি মীৎয়েং অসি নুমিৎ 3নিগি মমাংদা লাকখিবা বজেত্তাসু উবা ফংলি। বজেত্তা সরকারনা ইনফ্রাস্ত্রকচরদা লুপা কোতি লাখ 11 চাদিং তৌগনি হায়না ৱাশকখ্রে। মসিগী শেমফম অসি কয়া য়াম্না চাউবগে হায়বদু অতোপ্পা ফিগর অমদগি খঙবা ঙমগনি। 2014গি মমাঙ্গি চহি 10দা, ফিগর অসি নিংশিংবীয়ু, ঐহাক্কি ইচিল-ইনাওশিং 2014গী মমাংগী অহানবা চহি 10দা অপুনবা ইনফ্রাস্ত্রকচরগী বজেত অসি লুপা কোতি লাখ 12 ওইখি, চহি 10দা লুপা কোতি লাখ 12 ওইখি। মসিনা তাকপদি ঐখোয়গি সরকারনা মমাংগী কেন্দ্র সরকারনা হৌখিবা চহি 10দা চাদিং তৌখিবা অদুগা চাংদম্নবদা মথংগী চহি অমদা চাদিং তৌগদৌরিবনি। লৈবাক অসিদা কয়া য়াম্না চাউনা কন্সত্রক্সনগী থবক পায়খত্কদগে হায়বদু অদোম্না খন্দুনা য়েংবা য়াই। অমসুং অসিগুম্বা অচৌবা শেনফম অসি কন্সত্রক্সনগী থবকশিংদা থাদরকপা মতমদা অনৌবা থবক ফংহল্লি অমসুং ইন্দস্ত্রিশিংনা অনৌবা ইম্পেত অমা ফংলি।।

মরুপশিং,

বজেত অসিদা অতোপ্পা য়াম্না চাউবা স্কিম অমা লাউথোকখ্রে। হৌখিবা চহি 10 অসিদা ঐখোয়না য়ুমথোং খুদিংদা মৈ ফংহন্নবা খোংজং অমা হৌদোকখি। হৌজিক ঐখোয়না ইলেক্ত্রিসিতি বিল হন্থহনগদৌরি, অসামগী ইচিল – ইনাও অমসুং ইচল – ইচেশিং অমসুং লৈবাক মচাশিংসু, ঐহাক্না ময়ামগী মাংদা য়াম্না মরু ওইবা থবক অমা থমজরি, হৌজিক্তি ঐখোয়না মৈগী বিল জিরোদা হন্থহন্নবা মাংলোমদা চংশিল্লি। বজেত্তা সরকারনা রুফতোপ সোলরগী অচৌবা স্কিম অমা লাউথোকখ্রে। স্কিম অসিগী মখাদা অহানবদা সরকারনা ইমুং কোতি অমা সোলার রুফ তোপকী মতেং পাংগনি। মসিগা লোয়ননা মখোয়গী ইলেক্ত্রিসিতি বিলসু ​​জিরো ওইরগনি অমসুং মসিগা লোয়ননা কমন ফেমিলিনসু মখোয়গী য়ুমদা মৈ পুথোক্তুনা য়োন্দুনা শেল তানগনি।

মরুপশিং,

ঐহাক্না লৈবাক অসিগী মরুপ কোতি 2বু লাখপতি ওইহন্নবগী গরেন্তি পীরম্মি। হৌখিবা চহিশিংদা ঐহাক্না হিসাব তৌবা হৌরকপা মতমদা ঐহাক্না প্রাইমারি ইনফোরমেসন ফংজখি মদুদি হৌজিক ফাওবদা ঐখোয়গী ইচে কোতি 1দি লাখপতি দিদি ওইরে। ইচিল-ইনাওশিং, ঐখোয়গী লৈবাক অসিদা সেল্ফ-হেল্প গ্রুপশিংদা থবক তৌরিবা ইচে কোতি 1 লাখপতি দিদি ওইরকপা মতমদা কয়াদা হোংলক্লিবনো। হৌজিক বজেত্ অসিদা ঐখোয়না লখপতি দিদি ওইহন্নবা পান্দম অদু হেন্না হেনগত্হল্লে। হৌজিক লুপা কোতি 2গি মহুত্তা দিদি করোর 3 লাখপতি দিদি ওইরগনি। অসামগী ঐগি ইচিল-ইনাও লিশিং কয়াসু মসিদগী কান্নবা ফংগদৌরিবনি। মফম অসিদা সেল্ফ-হেল্প গ্রুপকা মরি লৈনবা ইচিল-ইনাও পুম্নমক্কীদমক খুদোংচাবা লাক্কদৌরি অমসুং মফম অসিদা অথোইবা ইমা-ইচে কয়া লাক্লে। বজেত অসিদা ঐখোয়গী সরকারনা অঙ্গনৱাদি অমসুং আসা ইচিল-ইনাওশিংসু আয়ুশ্মান স্কিমগী মখাদা পুশিল্লক্লে। মসিগা লোয়ননা মখোয়সু হৌজিক লুপা লাখ 5 ফাওবগী ফ্রি ত্রিৎমেন্তগী খুদোংচাবা ফংলে। ইচল– ইচে অমসুং ইচানুপিগী পুন্সিদা লাইথোকহনবা সরকার অমা লৈরকপা মতমদা সেন্সিতিবিতিগা লোয়ননা থবক তৌই।

ইচিল-ইনাওশিং,

মোদীনা পীরিবা গরেন্তিশিং অদু মপুং ফাহন্নবগীদমক্তা অহিং-নুংথিল থবক তৌবগী থৌনাসু লৈরি। মরম অসিনা ঙসি নোর্থ ইস্তনা মোদীগী গরেন্তিদা থাজবা থম্লি। ঙসি অসামদা য়েংবীয়ু, চহি কয়াদগী খুদোংচাদবা লৈরম্বা মফমশিংদা হৌজিক মতম চুপ্পগী ওইনা শান্তি পুরক্লি। রাজ্যশিংগী মরক্তা ঙমখৈগী ৱাথোকশিং লোইশন্নবা থব পায়খৎলি। BJPগী সরকার শেম্লবা মতুংদা মফম অসিদা অচৌবা শান্তিগী য়ানচে 10 হেন্না খুৎয়েক পিনখ্রে। হৌখিবা চহি খরসিদা অৱাং নোংপোক্কী নহা লিশিং কয়ানা হিংসাগী লম্বি থাদোক্তুনা চাউখত্পগী লম্বিদা চৎখ্রে। ঐহাক্না অসামদা ঐহাক্কী পার্তিগী ওর্গনাইজেসনগীদমক চহি কয়া থবক তৌদুনা লাক্লি। ঐহাক মফম অসিগী মফম খুদিংদা চত্খ্রবা মীওই অমনি অমসুং ঐহাক্না নীংশিংলি মদুদি মতম অদুদা চত্থোক-চৎশিন তৌবদা খুদোংচাদবা অমা ওইরম্বা অদুদি ঐহাক্না গুৱাহাতিগী মনুংদসু লম্বি থোঙ থিংজিনবা, বন্দশিং অমসুং বোম্বুলা থাবগী থৌদোকশিং অসি ঐহাক্কী মীৎনা উবা ফংলম্মি। ঙসি অদুগুম্বা হৌখিবা মতম অদু হৌখিবা মতম ওইরে, মীয়াম্না শান্তি লৈনা হিংলি। অসামগী নহা লিশিং 7 হেনবসু খুৎলাই থাদোকখ্রে অমসুং লৈবাক অসিগী চাউখৎ-থৌরাংদা খুৎশম্নদুনা লেপ্নবা ৱাশক লৌখ্রে। জিলা কয়াদা  AFSPA, হিংসনা শোকহল্লবা মফমশিং, ঙসিদি মখোয়গী অপাম্বগী মতুং ইন্না চাউখৎলক্লি অমসুং সরকারনা মখোয়দা মপুং ফানা মতেং পাংলি।

মরুপশিং,

অপিকপা পান্দমশিং থমদুনা লৈবাক নত্রগা রাজ্য অমত্তনা খোঙজেল য়াংনা চাউখৎপা পুরকপা ঙমলোই। মমাংগী সরকারশিংনা অচৌবা পান্দমশিং থম্লমদে অদুগা মখোয়গী পান্দমশিং ফংনবা কন্না হোৎনরমদে। ঐখোয়না মমাংগী সরকারগী মসিগী ৱাখল্লোন অসিসু হোংদোকখ্রে। মালেম্না নোংপোক এসিয়াদা চাউখৎপা উরিবা অসুম্না ঐহাক্না অৱাং-নোংপোক্তসু চাউখৎপা উরি। ঙসিদি অৱাং নোংপোক, খা এসিয়া অমসুং নোংপোক এসিয়াগী মরক্তা লৈরিবা কন্নেক্তিবিতী অসি চাউথোরক্লি। ঙসিদি সাউথ এসিয়া সব-রিজনেল ইকনোমিক কোওপরেসনগী মীৎয়েং মখাদা লম্বেল কয়ামরুম অপগ্রেদ তৌবগী থবকশিং পাইখৎপা হৌরে। অসিগুম্বা কন্নেক্তিবিতী প্রোজেক্তশিং অসি লোইশিনবা মতমদা মসিগী মফম অসি কয়াম চাউবা ললোল ইতিক্কী সেন্তর অমা ওইরক্নি হায়বদু খন্দুনা য়েংউ। অসাম অমসুং অৱাং নোংপোক ভারতকী নহারোল খুদিংমক্না নোংপোক এসিয়াগী চাউখৎপা অদুগা মান্নবা মংলান মংজরমগনি। ঐহাক্না অসাম অমসুং অৱাং নোংপোক্কী নহারোল খুদিংমক্তা হায়জনিংবদি অদোমগী মংলান অদু মংফাওনহনবা হায়বসি মোদীগী ৱারেপনি। অদুগা নখোয়গী মংলান অদু মংফাওনহন্নবা মোদীনা হোৎনবা য়াবা খুদিংমক হোৎনগনি। মসি মোদীগী গরেন্তীনি।

ইচিল ইনাওশিং,

ঙসি ফাওবদা পাংথোকখিবা থবকশিং অসিগী পান্দম অমখক লৈ। পান্দম অদুদি ভারত অমসুং ভারতমচাশিংগী নুংঙাই য়াইফবা পুন্সি মহিংনি। পান্দম অদুদি ভারতপু মালেমগী অহুমশুবা খ্বাইদগী চাউবা ইকনোমীগী শক্তি ওইহনবা অদুনি। পান্দম অদুদি 2047 ফাওবদা ভারত অসি চাউখৎলবা লৈবাক অমা ওইহনবনি। মসিগীদমক অসাম অমসুং অৱাং নোংপোক ভারতকী অচৌবা থৌদাং লৈ। মসিগী চাউখৎ থৌরাংগী প্রোজেক্তশিং অসিগীদমক নখোয় পুম্নমকপু অমুক্কা হন্না থাগৎপা ফোঙদোকচরি। অদুগা হৌজিক ইমা কমখ্যাগী থৌজালসু হেনগৎলগনি। মসিনা মরম ওইরগা মরুপশিং ঐহাক্না চাউখৎলবা অসাম অমগী মমি উবা ফংলে। অদোমগী মংলান অদু অচুম্বা ওইরগনি, মদু ঐখোয়গী ইমিৎমক্না উবা ফংলগনি হায়না ঐহাক্না থাজবা থমজরি। পুম্নমকপু অমুক্কা হন্না থাগৎপা ফোঙদোকচরি। খুৎ অনিমক থাংগৎপিদুনা ঐহাক্কা লোয়ননা হায়বীয়ু- ভারত ইমানা য়াইফরে! ভারত ইমানা য়াইফরে! ভারত ইমানা য়াইফরে! ভারত ইমানা য়াইফরে! ভারত ইমানা য়াইফরে!

হন্না হান্না থাগৎচরি

***