ریلوے پروٹیکشن فورس(آر پی ایف)  12 سے 16 فروری 2024 تک لکھنؤ میں 67ویں آل انڈیا پولیس ڈیوٹی میٹ (اے آئی پی ڈی ایم) کی میزبانی کرنے والی ہے۔ اس تقریب کے انعقاد کی ذمہ داری اے آئی پی ڈی ایم کی مرکزی رابطہ کمیٹی نے آر پی ایف کو سونپی ہے۔ قانون نافذ کرنے والے حلقوں میں مشہور ہونے والے اس پروگرام  کا مقصد داخلی سلامتی کو بڑھانے کے لیے جرائم کی سائنسی انداز میں کھوج اور تفتیش کے لیے پولیس افسران کے درمیان عمدہ  کارکردگی اور تعاون کو فروغ دینا ہے۔

جدید کاری کی طرف ایک قابل ذکر پیش قدمی کرتے ہوئے، ریلوے پروٹیکشن فورس کے ڈائریکٹر جنرل، جناب منوج یادو نے 67 ویں آل انڈیا پولیس ڈیوٹی میٹ کے لیے آر پی ایف کے ٹیکنا لوجی سے وابستہ گروپ کی طرف سے تیار کردہ موبائل ایپلیکیشن اور ویب سائٹ کا آغاز کیا۔

اندرون ملک تیار کردہ، یہ ڈیجیٹل پلیٹ فارم مواصلات کو ہموار کرنے،  عین موقع پر تازہ ترین معلومات  فراہم کرنے، اور آٹو بوٹ پر مبنی کثیر لسانی چیٹ سپورٹ جیسی جھلکیوں کے ساتھ باوقار تقریب میں شرکت کرنے والے افسران اور اہلکاروں کے ذریعہ بغیر کسی رکاوٹ کے شرکت کے لیے  ڈیزائن کیے گئے ہیں۔ صارف دوست انٹرفیس اور مضبوط خصوصیات کے ساتھ جیسے متعدد کاموں  کی ڈیجیٹائزیشن جیسے شرکاء کی رجسٹریشن، پروگرام  کی لائیو ٹریکنگ، اور ڈیجیٹل سرٹیفکیٹس، ای بروشرز، قواعد، شمولیت کی ہدایات، اور پروگرام  کے شیڈول تک رسائی کے علاوہ ججوں کے ذریعہ نتائج کی نشان دہی اور اعلان جیسی چیزیں  شرکاء میں شفافیت کو فروغ د ینے کا باعث بنتی  ہیں ۔ ایپ اور ویب سائٹ انمول ٹولز کے طور پر کام کرے گی، جو شرکاء کے مجموعی تجربے میں اضافہ کرے گی اور موجودہ ڈیجیٹل دور میں قانون نافذ کرنے والے اہلکاروں کے تفتیشی فرائض میں ٹیکنالوجی کے استعمال کو آگے بڑھانے کے عزم کو بھی تقویت دے گی۔

67 ویں آل انڈیا پولیس ڈیوٹی میٹ قانون نافذ کرنے والے پیشہ ور افراد کے لیے بھی ایک پیغام  دیتی  ہے کہ وہ اکٹھے ہوں، سیکھیں اور تحقیقاتی عمدگی کے اپنے اجتماعی تلاش و تحقیق کے عمل کو  مضبوط کریں۔

 پروگرام میں بہت سے مقابلوں کو شامل کرتے ہوئے  ایک رینج کی خاصیت جیسے۔ تفتیش میں سائنسی امداد، پولیس فوٹوگرافی، کمپیوٹر سے آگاہی، خصوصی کینائن یونٹ کے مقابلے، تخریب کاری کے خلاف چیکس، اور پولیس ویڈیو گرافی، پولیس ڈیوٹی میٹ قانون نافذ کرنے والے اہلکاروں کے لیے اپنی صلاحیتوں کو نکھارنے اور بہترین طریقوں کا تبادلہ کرنے کے لیے ایک پلیٹ فارم کے طور پر کام کرتی ہے۔

 پروگرام کی اہم  تفصیلات :

تاریخیں: فروری 12 تا 16، 2024

مرکزی مقام: جگجیون رام آر پی ایف اکیڈمی، لکھنؤ

 سال 1957 کے آر پی ایف ایکٹ کے تحت قائم کی گئی، ریلوے پروٹیکشن فورس 2004 سے ریلوے کی املاک کی حفاظت اور مسافروں اور ان کے سامان کو تحفظ فراہم کرنے میں اہم کردار ادا کر رہی ہے۔ یہ بات قابل ذکر ہے کہ آر پی ایف میں خواتین کی 9 فیصد نمائندگی ہے جو کہ بھارت میں تمام مسلح افواج میں سب سے زیادہ فیصد ہے۔

جگ جیون رام آر پی ایف اکیڈمی، لکھنؤ، جو کہ 1955 میں وزارت ریلوے کے تحت قائم کی گئی تھی، پروبیشنرز، آئی آر پی ایف ایس کیڈر کے افسران، اور آر پی ایف سب انسپکٹر کیڈٹس کے لیے ایک اعلیٰ تربیتی ادارے کے طور پر کام کرتی ہے۔ یہ سائبر کرائم اور ڈیزاسٹر مینجمنٹ جیسے نئے ابھرتے ہوئے شعبوں  میں کورسز بھی پیش کرتی ہے۔ باہمی تعاون کے جذبے  تحت ، اکیڈمی نے، آئی این ایم اے ایس- ڈی آر ڈی او ، ایس وی پی- این پی اے ، بی پی آر این ڈی اور این آئی ایس اے جیسے باوقار اداروں کے ساتھ شراکت داری کی ہے تاکہ ریلوے کے محافظوں کے لیے جامع تربیت کو یقینی بنایا جا سکے۔

*************

( ش ح ۔س  ب۔ رض (

U. No.4299