وزارت جل شکتی کی طرف سے گزشتہ شام نئی دہلی میں ایس بی ایم-جی کی خواتین تبدیلی سازوں کے اعزاز میں ایک خصوصی تقریب کا اہتمام کیا گیا۔ اس تاریخی تقریب کا مقصد تعاون کو فروغ دینا اور پیش رفت کو آگے بڑھانا تھا۔ اس کی منصوبہ بندی صرف جشن منانے کے لیے نہیں بلکہ بامعنی پالیسی پر بات چیت کے لیے کی گئی تھی۔ اس  بات چیت  نے صفائی کے شعبے میں خواتین تبدیلی سازوں کی کامیابیوں کو یاد کیا اور بصیرت انگیز تبادلہ خیالات کا موقع فراہم کیا جو مستقبل کی پالیسی کی سمتوں کو متاثر کر سکتے ہیں۔ اس پروگرام  میں جل شکتی کے مرکزی وزیر جناب گجیندر سنگھ شیخاوت اور جل شکتی کے وزیر مملکت جناب راجیو چندر شیکھر کے ساتھ ایک متحرک مکالمے کے لیے ملک بھر سے 475 سے زیادہ خواتین ایک ساتھ جمع ہوئیں ۔

جوائنٹ سکریٹری اور ایس بی ایم-جی کے مشن ڈائریکٹر، جناب  جتیندر سریواستو نے شرکاء کا خیرمقدم کیا اور خواتین کو اس تبدیلی کے لیے مبارکباد پیش کی جو وہ دنیا میں دیکھنا چاہتی ہیں۔' انہوں نے ملک بھر میں ایس بی ایم کی پیشرفت کے بارے میں جانکاری دی ، جس سے خواتین رہنماؤں کے جوش اور حوصلہ افزائی کی بدولت جلد ہی مزید گاؤں او ڈی ایف  پلس ماڈل کے زمرے میں آجائیں گے۔ او ڈی ایف  پلس ماڈل گاؤں اپنی او ڈی ایف حیثیت کو برقرار رکھتے ہیں ، ٹھوس اور مائع فضلہ کے انتظام کے لیے انتظامات کرتے ہیں اور دیکھنے میں صاف ستھرے ہوتے ہیں ۔

ایڈیشنل سکریٹری اور مشن ڈائریکٹر، جے جے ایم  جناب چندر بھوشن کمار نے اس تقریب کا سیاق و سباق طے کیا جو ناری سشکتی کرن کے لیے تھا کیونکہ خواتین نے ایس بی ایم-جی سمیت خود کو تمام شعبوں میں لیڈروں اور تبدیلی سازوں میں تبدیل کیا ہے۔ سوچھتا کے سفر پر روشنی ڈالتے ہوئے، انہوں نے کہا کہ ہمیں 'اپنے فضلہ کے انتظام کے نظام کو بہتر بنانا چاہیے، مختلف ریاستوں سے سیکھنا چاہیے اور 'سمپورن سوچھتا کے لیے جن بھاگیداری' پر توجہ مرکوز کرنا جاری رکھنا چاہیے۔

اس تقریب نے "سوچھتا شکتی: زمینی سطح پر ہندوستان کی صفائی ستھرائی کو تبدیل کرنے والی خواتین کی کہانیاں " پر بھی روشنی ڈالی، جو ان سرشار خواتین کے مثالی کام کو خراج تحسین پیش کرتی ہے۔

اپنی بات چیت کے دوران، جناب گجیندر سنگھ شیخاوت نے مشاہدہ کیا کہ ایس بی ایم کی کامیابی '11 کروڑ سے زیادہ بیت الخلاء کی تعمیر، 5 لاکھ سے زیادہ گاؤں کو او ڈی ایف پلس قرار دینے اور 4 لاکھ سے زیادہ گاؤں میں مائع فضلہ کے انتظامات کے ساتھ واضح ہے۔ یہ کامیابیاں کوئی چھوٹا کارنامہ نہیں ہیں، پھر بھی یہ اتنا بڑا نہیں ہے کہ ہم اپنے اعزاز پر آرام کریں۔‘‘ انہوں نے زور دیا کہ ایس بی ایم-جی  کا مشن ایک 'طویل مدتی کوشش' ہے اور خواتین تبدیلی سازوں کے ساتھ بات کرنا خاص ہے کیونکہ اکثر، خواتین صفائی پر آگے بڑھنے کے سفر کو ہمیشہ ایک نئی رفتار، نئی توانائی اور نئی زندگی فراہم کی۔ ہمیں مزید گاؤں کواو دی ایف  پلس ماڈل قرار دے کر ایس بی ایم-جی  کی تحریک پر آگے بڑھنا چاہیے جس کے لیے انہوں نے خواتین تبدیلی سازوں سے تعاون طلب کیا اور ان سے درخواست کی کہ 'ایس بی ایم جی اثاثوں کے لیے کمیونٹی میں صفائی کا کلچر اور ملکیت کا احساس پیدا کرنے میں مدد کریں۔

پروگرام  میں موجود خواتین چیمپئن کی ستائش کرتے ہوئے، جناب راجیو چندر شیکھر نے کہا کہ آپ سب مل کر مختلف ریاستوں سے تعلق رکھنے والی خواتین کی متنوع طاقتوں کو متاثر کرتے ہیں، جن میں سے ہر ایک منفرد ٹپوگرافی اور خطوں کے ساتھ ہے، آپ سب کو باندھنے والا مشترکہ دھاگہ ۔سوچھتا کے پروگرام  اورمشن کے لیے غیر متزلزل عزم ہے ۔ ایک صاف ستھرے ملک کی تلاش میں اجتماعی کوششیں جغرافیائی حدود سے پرے،  اتحاد کی حقیقی روح کو مجسم کرتی ہیں۔ تنوع میں اتحاد میرے یقین کو مضبوط بناتا ہے کہ آپ کی لگن اور محنت سے، ہندوستان صفائی میں دنیا کے سامنے ایک مثال پیش کرے گا۔ ایس بی ایم نے ایک انقلاب کا آغاز کیا ہے اور دنیا کی سب سے بڑی طرز عمل میں تبدیلی کی مہم لائی ہے جس نے اسہال سے ہونے والی اموات سے بچنے، غذائیت اور پیداواری صلاحیت کو بہتر بنانے میں مدد فراہم کی ہے۔ ہمیں ٹیکنالوجی کے حل کو دیکھنا چاہیے اور ایک دوسرے سے سیکھنا چاہیے۔ میں آپ سے گزارش کرتا ہوں کہ اپنے عزم پر ثابت قدم رہیں آپ کی کمیونٹی، محکموں کے ساتھ تعاون، اور ایس ایچ جی کے ساتھ  مل کر خواتین کی مدد  کرنے کے لیے مستحکم  کوششیں  کرتے رہیں ۔ آپ سب ہمارے کام کی تشکیل میں اہم کردار ادا کرتے ہیں۔

اپنے اختتامی کلمات میں جل شکتی کے مرکزی وزیر نے کہا، تمام تبدیلی ساز جنہوں نے ہمارے ساتھ اپنا سفر شیئر کیا ہے، انہیں اپنے گاؤں واپس جانا چاہیے، گھر واپس آنے والے لوگوں کو ملک بھر میں صفائی اور صفائی کے میدان میں کیے جانے والے مثالی کام کے بارے میں بتانا چاہیے۔ انہیں ماحول دوست اور معاشی طور پر قابل عمل طریقوں پر عمل کرنے اور  ایک دوسرے سے سیکھنے کے لیے ہمارے ڈیجیٹل ہینڈل کو فولو کرنے کی ترغیب دیں۔ انہوں نے کہا "مجھے یقین ہے کہ یہ ایونٹ دلکش رہا ہے اور جس نے آپ کو مزید لگن کے ساتھ کام جاری رکھنے کی ترغیب دی ہے اور مجھے یقین ہے کہ آپ کی قائم کردہ مثال کو دیکھ کر، دوسرے لوگ بھی سیکھیں گے اور 'سمپورن سوچھ بھارت' بنانے میں اپنا تعاون پیش کریں گے۔ "

مزید جاننے کے لیے کلک کریں - sbm.gov.in

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ت ع  (

4055

(Release ID: 1999898) Visitor Counter : 130