প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলগী মফমদা ভারতকী ইলেক্ত্রোনিক্স অমসুং  ইনফোর্মেসন তেক্নোলোজী মন্ত্রালয় অমদি ওমান সলতনৎকী ত্রান্সপোর্ত, কম্ম্যুনিকেসন অমসুং ইনফোর্মেসন তেক্নোলোজী মন্ত্রালয়গী মরক্তা ইনফোর্মেসন তেক্নোলোজীগী হীরমদা তেংবাংননবা দিসেম্বর 15, 2023দা খুৎয়েক পীনখিবা মেমোরেন্দম ওফ অন্দর্স্তেন্দিং (MoU) অদুগী মতাংদা খঙহনখি।

MoU অসিনা পার্তী অনি অসিগী মরক্তা অমনা অমবু তেংবাংদুনা, তেক্নোলোজী, ই-পাউ লান্নদুনা অমসুং ইনফোর্মেসন তেক্নোলোজীগী হীরমদা ইনভেস্তমেন্ত তৌনদুনা পাক চাউনা তেংবাংনবগী মতৌবু খুমাং চাউশিলহনবগী পান্দম থম্লি।

MoU অসি পার্তী অনিনা খুৎয়েক পীনখিবা নুমিত্তগী চৎনবা হৌগনি অমসুং মসিনা চহি 3 চৎনগনি।

ইনফোর্মেসন তেক্নোলোজীগী লমদা লৈরিবা G2B অমসুং B2B বাইলেতরেল কোওপরেসন অসি হেন্না ফগৎলগনি।

MoU অসিনা তেংবাংনবগী মতৌ হেনগৎহন্দুনা ITগী লমদা থবক পীবগী চাং হেনগৎহনগনি হায়বগী থাজবা থম্লি।

বেকগ্রাউন্দ

কোওপরেসন তৌবগী বাইলেতরেল অমসুং রিজনেল ফ্রেমৱর্ক্কী মখাদা ইনফোর্মেসন অমসুং কম্ম্যুনিকেসন তেক্নোলোজী (ICT)গী লমদা মাঙজিল থাবা অমসুং নৌনা থোক্লকপা হীরমশিংদা মালেমগী থাক্তা তেংবাংনবগী থৌওং পুরক্নবা থৌদাং অসি MeitYগী মফমদা শিন্নৈ। MeitYনা ICT দোমেন্দা বাইলেতরেল অমসুং মলতিলেতরেল কোওপরেসন লৈহন্নবা লৈবাক কয়া অমসুং মলতিলেতরেল এজেন্সী কয়াগা তেংবাংনদুনা লাক্লি।

MeitYনা হৌখিবা মতমশিংদা মখোয়গী কাউন্তর্পারত এজেন্সী অমসুং লৈবাক কয়াগী এজেন্সীশিংগা ICT দোমেন্দা কোওপরেসন পুরক্নবা MoU কয়াগী খুৎয়েক পীনদুনা লাক্লি। মসিদি ভারত সরকারনা পায়খৎলিবা দিজিতেল ইন্দিয়া, আত্মানির্ভর ভারত, মেক ইন ইন্দিয়াগুম্বা খোঙথাং কয়াগা মরী লৈননা লৈবাক অসিবু দিজিতেল্লী ইম্পাৱর্দ খুন্নাই অমসুং নোলেজ ইকোনোমী অমা ওইহন্নবা পায়খৎপা থবকশিংনি। অহোংবা নাইবা ফম্বাকশিং অসিদা কারবারগী খুদোংচাবা থিদোকপা, খ্বাইদগী ফবা থৌওং লান্নবা অমসুং দিজিতেল সেক্তরদা ইনভেস্তমেন্তকী পুক্নিং চীংশিনবগী তঙাই ফদবা কয়া লৈবগা লোয়ননা মুচুএল কোওপরেসন হেন্না ফগৎহনবগী মথৌসু য়াম্না তারিবনি।

***