ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। থৌরম অদুদা লৈবাক শীনবা থুংনা লৈরিবা বিকসিত ভারত সংকল্প যাত্রা বেনিফিসরিশিং শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং লোকেল থাক্কী মীয়ামগী মীহুৎশিংশু শরুক য়াখি।

প্রধান মন্ত্রীনা অহানবা ওইনা শা-ষন লোইবা অমসুং মনা-মশিং থাবগী থবক তৌরিবা তেলঙ্গানাগী করিমনাগরগী শ্রী এম মাল্লিকঅর্জুন রেদ্দিগা ৱারি শানখ্রে। শ্রী রেদ্দি বি তেক গ্রেজুয়েত অমনি অমসুং হান্না সোফৱায়ার কম্পেনি অমদা থবক তৌরমখি। মহাক্কী খোঙচৎ পাউদম্লদুনা, শ্রী রেদ্দিনা হায়খি হেন্না ফবা লৌমী অমা ওইবদা লাইরিক-লাইশুনা মহাক্কী মতেং পাংখি। মহাক্না অপুনবা লৌউ পথাপ অমা পায়খৎতুনা মফম অদুদা মহাক্না শা-ষন লোইবা, মনা-মশিং থাবা অমসুং মহৌশাগী ওইবা লৌউ মখল পাংথোকখি। থৌরাং অসিগী অচৌবা কান্নবা অমা ওইনা মহাক নোংমগী শেন্থোক চাংনাইনা ফংখি। মহাক্না হিদাক-লাংথক শুংবা য়াবা পাম্বীশিংশু থাখি অমসুং মাইকৈ মঙাদগী শেন তানখি। হান্নগী মহৈ-মরোং মখল অমা খক থাবা লৌউ মখলদগী মহাক্না লুপা লাখ ৬ ফংলম্বা অদু হৌজিক অপুনবা থৌরাং অমগী মখাদা হৌজিক মহাক্না চহি অমদা লুপা লাখ ১২ তান্দুনা মহাক্কী শেন্থোক হান্নদগী শরুক অনিদা হেনগৎলে।

আই.সি.এ.আর য়াওনা লুপ কয়ানা শ্রী রেদ্দি মনা-মথুম পীখ্রে অমসুং হান্নগী উপ-রাস্ত্রপতি শ্রী ভেনকিয়া নাইদুনশু মনা পীখ্রে। মহাক্না অপুনবা লৌউ মখল অমসুং মহৌশাগী লৌউ মখল মীয়ামদা শন্দোক্লি অমসুং অনকপা মফমশিংগী লৌমীশিংশু ত্রেনিং পীরি। মহাক কিষান ক্রেদিদ কার্দ, সোইল হেল্থ কার্দ, দ্রিপ ইরিগেসন সবসিদি অমসুং ফাসাল বিমাগী কান্নবশিং ফংলে। কেন্দ্র সরকার আমসুং রাজ্য সরকারনা শেন্দোয়গী সবসিদি পীবা মরম্না কে.সি.সিদা ফংলবা লোনগী মহাক্কী শেন্দোয়গী চাং অদু খঙজিন্নবা প্রধান মন্ত্রীনা মহাক্কী মফমদা খঙহনখি।

মহৈরোয়শিং উননবা অমসুং নহা ওইরিবা নহারোলশিং লৌউ-শিংউগী থবক পায়খৎনবা পুক্নিং থৌগৎনবা মহাক্না শ্রী রেদ্দিদা খঙহনখি। প্রধান মন্ত্রীনা মহাক্কী মচানুপী অনিগশু ৱারি শানখি। লাইরিক হৈরবা নহারোলশিংনা লৌউ-শিংউগী থবক পায়খৎলকপদা হরাওবা ফোঙদোক্লদুনা, প্রধান মন্ত্রীনা হায়খি অদোম লৌউ-শিংউগী ওইথোকপশিংগী অকনবা খুদম অমনি। লৌউ-শিংউগী অপুনবা থৌরাং অদু থাগৎলদুনা মহাক্কী থবক অদুনা অতোপ্পশিং ইথিল পীগনি হায়না প্রধান মন্ত্রীনা ফোঙদোকখি। মহাক্কী কৎথোকপা অমসুং ওন্ত্রেপ্রেনিউয়রদা মতেং পাংবগীদমক প্রধান মন্ত্রীনা শ্রী রেদ্দিগী লোয়নবী থাগৎপা ফোঙদোকখি।

******