بلڈ-آپریٹ-ٹرانسفر (بی او ٹی) پروجیکٹوں کے لیے پبلک پرائیویٹ پارٹنرشپ کی حوصلہ افزائی کرنے اور کاروبار کرنے میں آسانی پیدا کرنے کے لیے، سڑک ٹرانسپورٹ اور شاہراہوں کی وزارت (ایم او آر ٹی ایچ) نے نئی دہلی میں صنعت کے متعلقین جیسے سڑک کے شعبے سے وابستہ کنسیشنیئرز/ ٹھیکیداروں، ہائی وے آپریٹرز، سرمایہ کاری کے ٹرسٹ، بینکرز/مالیاتی ادارے، تکنیکی اور مالیاتی مشیروں کے ساتھ ایک کانفرنس کا اہتمام کیا۔  کانفرنس کا افتتاح سڑک ٹرانسپورٹ اور شاہراہوں کے مرکزی وزیر جناب نتن گڈکری نے کیا۔ جناب انوراگ جین، سکریٹری، ایم او آر ٹی ایچ؛ جناب سنتوش کمار یادو، چیئرمین این ایچ اے آئی اور سڑک ٹرانسپورٹ اور شاہراہوں کی وزارت، نیشنل ہائی ویز اتھارٹی آف انڈیا، این ایچ آئی ڈی سی ایل، نیتی آیوگ، اقتصادی امور کا محکمہ، مالیاتی خدمات کا محکمہ، قانونی امور کے محکمے کے سینئر افسران بھی اس موقع پر موجود تھے۔

اس موقع پر بات کرتے ہوئے، جناب نتن گڈکری نے کہا کہ ’’ہم بی او ٹی ماڈل کو بحال کرنے اور اسے نجی شراکت داری کے لیے سرمایہ کاری کو دوستانہ اور پرکشش بنانے کے لیے پرعزم ہیں۔ اس سے نہ صرف سڑک کے بنیادی ڈھانچے کو تقویت ملے گی بلکہ اس کا کافی اثر پڑے گا جو معیشت کو مضبوط کرنے، روزگار کی صلاحیت کو بڑھانے اور لاجسٹک کی لاگت کو کم کرنے میں مدد کرے گا۔

کانفرنس میں این ایچ اے آئی کے سینئر عہدیداروں کی طرف سے بی او ٹی (ٹول) کے ماڈل رعایتی معاہدہ (ایم سی اے) میں مجوزہ ترامیم کے بارے میں پیش کردہ پریزنٹیشنز کو دیکھا گیا تاکہ متعلقین کی طرف سے نمایاں کی گئی رکاوٹوں کو دور کیا جا سکے۔ مجوزہ ترامیم میں تضادات کو ختم کرنے کے لیے مختلف دفعات شامل ہیں جیسے کہ برطرفی کی ادائیگیوں کا تعین، اصل ٹریفک (پی سی یو) بمقابلہ گاڑیوں کے ٹولنگ گروپس کی بنیاد پر رعایت کی مدت میں ترمیم، ڈیزائن کی گنجائش سے زیادہ حقیقی ٹریفک پر دوبارہ غور، اور اتھارٹی کی طرف سے تاخیر کے لیے معاوضہ کے ساتھ ساتھ اضافی ٹول وے/مسابقتی روڈ کی صورت میں واپس خریداری کے نئے التزام کے ساتھ پروجیکٹ کی تکمیل سے پہلے برطرفی کی ادائیگیوں کی واضح طور پر وضاحت کرنے کی وجہ۔

فی الحال، بی او ٹی پروجیکٹوں کے نفاذ میں مختلف چیلنجوں کی وجہ سے انجینئرنگ پروکیورمنٹ کنسٹرکشن (ای پی سی) یا ہائبرڈ اینوئٹی موڈ (ایچ اے ایم) پر پروجیکٹ تفویض کیے جا رہے ہیں۔ ماضی میں بی او ٹی پروجیکٹوں کے احیاء کے لیے بہت سے اقدامات کیے گئے ہیں اور مختلف اسکیمیں شروع کی گئی ہیں جیسے کہ ہم آہنگ متبادل، رقم کی یک مشت فراہمی، معقول معاوضہ، پریمیم ڈیفرمنٹ اور دوبارہ فنانسنگ کی اجازت دینا۔ اس سے آگے بڑھتے ہوئے، 2.1 لاکھ کروڑ روپے کی لاگت سے 5200 کلومیٹر کی لمبائی کے لیے 53 بی او ٹی (ٹول) پروجیکٹوں کی شناخت کی گئی ہے اور 27000 کروڑ روپے کی لاگت پر مبنی 387 کلومیٹر کی لمبائی والے 7 پروجیکٹوں کے لیے بولی کی دعوت دی گئی ہے۔

حکومت ہند کے ’وژن 2047‘ منصوبے کے مطابق، بڑی تعداد میں تیز رفتار راہداریوں کو تیار کرنے کا تصور کیا گیا ہے۔ سڑک کے شعبے کی ترقی میں مضبوط پبلک پرائیویٹ پارٹنرشپ اس وژن کو عملی جامہ پہنانے میں اہم کردار ادا کرے گی اور ملک میں عالمی معیار کے نیشنل ہائی وے نیٹ ورک کی تعمیر کے ساتھ ساتھ آپریشن اور دیکھ بھال میں بہت زیادہ مدد کرے گی۔

*****

ش ح – ق ت – م ص

U: 3723