ای ایس آئی سی کے تنخواہ کے عارضی اعداد و شمار سے پتہ چلتا ہے کہ نومبر 2023 میں 15.92 لاکھ نئے ملازمین شامل کیے گئے ہیں۔

نومبر 2023 میں تقریباً 20,830 نئے اداروں کو رجسٹرڈ کیا گیا ہے اور انہیں ایمپلائز اسٹیٹ انشورنس اسکیم کے تحت سماجی تحفظ کے تحت لایا گیا ہے، اس طرح مزید ورکرز کی کوریج کو یقینی بنایا گیا ہے۔

اعداد و شمار واضح طور پر ظاہر کرتے ہیں کہ ملک کے نوجوانوں کے لیے مزید ملازمتیں پیدا کی گئی ہیں کیونکہ ماہ کے دوران شامل کیے گئے کل 15.92 لاکھ ملازمین میں سے 7.47 لاکھ ملازمین جو کل رجسٹریشن کا 47 فیصد بنتے ہیں 25 سال کی عمر تک کے ہیں۔

تنخواہ کے اعداد و شمار کے صنفی تجزیہ سے پتہ چلتا ہے کہ نومبر 2023 میں خواتین کا خالص اندراج 3.17 لاکھ رہا ہے۔ اعداد و شمار سے پتہ چلتا ہے کہ نومبر 2023 کے مہینے میں کل 58 مخنث افراد نے بھی ای ایس آئی اسکیم کے تحت رجسٹریشن کرایا ہے۔ اس سے ظاہر ہوتا ہے کہ ای ایس آئی سی معاشرے کے ہر طبقے تک اپنے فوائد پہنچانے کے لیے پرعزم ہے۔

تنخواہ کا  ڈیٹا عارضی ہے کیونکہ ڈیٹا جنریشن ایک مسلسل عمل ہے۔

۔۔۔۔۔۔۔۔۔۔۔

ش ح۔ ف ا۔ع ن

(U: 3650)