فوڈ کارپوریشن آف انڈیا کو کسانوں اور ملک کے لوگوں کے ایک بھروسہ مند شراکت دار کے طور پر ابھرنا چاہئے، یہ بات امور صارفین ، خوراک اور عوامی تقسیم، ٹیکسٹائل اورصنعت و تجارت کے مرکزی وزیر جناب پیوش گوئل نے آج یہاں ایف سی آئی کی 60ویں یوم تاسیس کے موقع پر خطاب کرتے ہوئے کہی۔ .

جناب گوئل نے کہا کہ ایف سی آئیملک کے کونے کونے میں مستحقین کو راشن فراہم کرکے پردھان منتری غریب کلیان انیوجنا (پی ایم جی کے اے وائی) جیسی اہم اسکیموں کو سہولت فراہم کرنے میں اہم کردار ادا کرتا ہے۔ تاہم، انہوں نے اس بات پر زور دیا کہ ایف سی آئی کا کردار نہ صرف راشن کی فراہمی ہے، بلکہ شفافیت، کارکردگی اور جوابدہی لا کر کسانوں اور مستحقین میں اعتماد پیدا کرنا ہے۔

مرکزی وزیر نے کہا کہ وزیر اعظم نے ہندوستان کو بدعنوانی سے پاک بنانے کا وعدہ کیا ہے۔ وکست بھارت کے اس وعدے کو یقینی بنانے کے لیے، انہوں نے نوجوانوں اور ایف سی آئی کے عملے سے شفافیت لانے اور وِسل بلور بننے کی اپیل کی۔

ترجیح کے دوسرے شعبے کے بارے میں بات کرتے ہوئے، جناب گوئل نے کہا کہ ایف سی آئی کو معیار لا کر ڈیجیٹل کاری  اور ٹیکنالوجی کو اپنانے کی ضرورت ہے۔ انہوں نے کہا کہ معائنہ، خریداری، نقل و حمل، تقسیم اور ذخیرہ جیسے شعبوں میں معیار حاصل کیا جا سکتا ہے۔ انہوں نے روٹ آپٹیمائزیشن، میکانائزڈ لوڈنگ/ان لوڈنگ، جدید اسٹوریج سلوشناور دیگر کے ذریعہ آپریشنل لاگت کو کم کرنے کی تجویز بھی دی۔

انہوں نے کہا کہ ایف سی آئی کی اوپن مارکیٹ سیل اسکیم (گھریلو) کاآپریشن بھی صارفین کو فائدہ پہنچانے کے لیے گندم اور چاول جیسی ضروری اشیاء کی قیمتوں کو اعتدال میں لانے کا ایک موثر ذریعہ ثابت ہوا ہے۔ جناب گوئل نے مزید کہا کہ بھارت آٹا، بھارت دال، پیاز اور ٹماٹر سے متعلق مداخلتوں نے قیمتوں کے استحکام میں حکومت ہند کی مدد کی ہے۔

جناب گوئل نے کہا کہ ایف سی آئی نے کسانوں کی پیداوار کی مناسب قیمت فراہم کی ہے اور اس بات کو یقینی بنایا ہے کہ کوئی بھی کسان پریشان کن فروخت نہ کرے۔ انہوں نے کہا کہ کارپوریشن کو اجتماعی طور پر کسانوں کے ساتھ بات چیت کو مضبوط بنانے کے لیے کام جاری رکھنا چاہیے۔ انہوں نے مزید کہا کہ ایف سی آئی اب ڈیجیٹل کاری  کو اپنا کر، خریداری کے عمل کو ہموار کرکے ، جدید ترین لیبارٹری اور آلات کے قیام، غذائی اجناس کی خریداری کو ہموار کرکے ، بہتر ذخیرہ کرنے کے لیےاسٹیل سائلو کی تعمیر، سی سی ٹی وی کیمرے نصب کرکے اور اسی طرح بہتر نگرانی، بہتر انفراسٹرکچر کے ساتھ جدید دور کی کارروائیوں میں داخل ہو گیا ہے ۔

تقریب کے دوران محترمہ سادھوی نرنجن جیوتی، امور صارفین، خوراک اور عوامی تقسیم کی وزیر مملکت، جناب اشونی کمار چوبے، صارفین کے امور، خوراک اور عوامی تقسیم کے وزیر مملکت،خوراک اور عوامی تقسیم کے سکریٹریجناب سنجیو چوپڑا ، ایف سی آئی کے چیئرمین اور منیجنگ ڈائریکٹر (سی اینڈ ایم ڈی)  جناب اشوک کے کے مینااور دیگر افسران اور عملہموجود تھے۔

۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ رض  ۔ت ع(

3586