حکومت ہند نے سائنس، ٹیکنالوجی اور جدت طرازی کے شعبے میں "راسٹریہ وگیان پرسکار" کا اعلان کیا ہے۔ نیشنل ایوارڈ كے ذریعہ محققین، تکنیکی ماہرین اور جدت طرازوں کی شاندار اور متاثر کن سائنسی، تکنیکی اور اختراعی شراکت کو تسلیم کیا جاتا ہے۔

سائنس، ٹیکنالوجی اور ٹیکنالوجیائی قیادت میں اختراعات کے مختلف شعبوں میں انفرادی لوگوں یا ٹیموں کی خاطر راشٹریہ وگیان پرسکار کے لیے نامزدگیاں اور درخواستیں طلب کی جاتی ہیں۔

ایوارڈز درج ذیل چار زمروں میں دیئے جائیں گے:

1۔ وگیان رتن (وی آر): سائنس اور ٹکنالوجی کے متعینہ شعبے میں تا حیات کامیابیوں اور خدمات کے اعتراف میں زیادہ سے زیادہ تین ایوارڈ دیے جائیں گے۔

2۔ وگیان شری (وی ایس): سائنس اور ٹکنالوجی کے متعینہ شعبے میں نمایاں خدمات کے اعتراف میں زیادہ سے زیادہ 25 ایوارڈ دیے جائیں۔

3۔ وگیان یووا: شانتی سوروپ بھٹناگر (وی وائی- ایس ایس بی) ایوارڈ: سائنس اور ٹکنالوجی کے متعینہ شعبے میں غیر معمولی خدمات انجام دینے والے نوجوان سائنسدانوں کو تسلیم كرنے اور ان کی حوصلہ افزائی کے لیے زیادہ سے زیادہ 25 ایوارڈ دیے جائیں گے۔

4۔ وگیان ٹیم (وی ٹی) ایوارڈ: تین یا اس سے زیادہ سائنسدانوں/محققین/ جدت طرازوں پر مشتمل ٹیم کو زیادہ سے زیادہ تین ایوارڈز دیئے جا سکتے ہیں جنہوں نے سائنس اور ٹیکنالوجی کے متعینہ شعبے میں ٹیم كی شكل میں کام کرتے ہوئے غیر معمولی خدمات انجام دی ہیں۔

راشٹریہ وگیان پراسکار مندرجہ ذیل 13 شعبوں یعنی فزکس، کیمسٹری، بائیولوجیکل سائنسز، ریاضی اور کمپیوٹر سائنس، ارضیتی علوم، میڈیسن، انجینئرنگ سائنسز، زرعی علوم، ماحولیاتی علوم، ٹیکنالوجی اور جدت طرازی، جوہری توانائی، خلائی سائنس اور ٹیکنالوجی اور دیگرمیں دیا جائے گا۔

ان ایوارڈوں کے لیے نامزدگیاں وزارت داخلہ کے ایوارڈ پورٹل (https://awards.gov.in/)

پر 14 جنوری 2024 سے 28 فروری 2024 تک مدعو کی گءی ہیں۔ عام رہنما خطوط اور آر وی پی کی تفصیلات ایوارڈز پورٹل پر دستیاب ہیں۔ اس سال یہ ایوارڈز سائنس اور ٹکنالوجی کی وزارت کے تحت کونسل آف سائنٹفک اینڈ انڈسٹریل ریسرچ  کے ذریعہ ترتیب دیئے جارہے ہیں۔

ایوارڈوں کا اعلان 11 مئی 2024 (نیشنل ٹیکنالوجی ڈے) کو کیا جائے گا۔ تمام زمروں کے لیے ایوارڈ کی تقریب 23 اگست 2024 (قومی خلائی دن) کو منعقد ہوگی۔

***

ش ح۔ ع س۔ ک ا