عملے، عوامی شکایات اور پنشن کی وزارت
مرکزی وزیر ڈاکٹر جتیندر سنگھ نے کہا کہ سی ایس آر خیرات نہیں ہے، بلکہ معاشرے کے تئیں ایک فرض اور ذمہ داری ہے
سماجی ذمہ داری ہمارے سنسکار اور قدیم ہندوستانی روایت کا حصہ ہے: ڈاکٹر جتیندر سنگھ
Posted On:
13 JAN 2024 7:21PM by PIB Delhi
سائنس اور ٹیکنالوجی کےمرکزی وزیر مملکت (آزادانہ چارج) ، وزیر اعظم کے دفتر، عملہ، عوامی شکایات، پنشن، ایٹمی توانائی اور خلاء کے وزیر مملکت، ڈاکٹر جتیندر سنگھ نے آج کہا کہ کارپوریٹ سماجی ذمہ داری(سی ایس آر) کوئی خیراتی ادارہ نہیں ہے، بلکہ معاشرے کے تئیں ایک فرض اور ذمہ داری ہے جو معاشرے کو واپس لوٹانے کی کوشش کرنے کی اعلیٰ اقدار سے متاثر ہے، جو کچھ ہم نے حاصل کیا ہے اور جس حد تک ہم حاصل کر سکتے ہیں۔
ڈاکٹر جتیندر سنگھ سی ایس آر ایکٹ کے نفاذ کی ایک دہائی کے موقع پر تھانے، مہاراشٹرا میں رام بھاؤ مھالگی پربودھینی (آر ایم پی) کے ذریعہ منعقدہ سی ایس آر ڈائیلاگ کے افتتاحی اجلاس میں مہمان خصوصی کے طور پر خطاب کررہے تھے۔
![https://static.pib.gov.in/WriteReadData/userfiles/image/1(8)M0F8.jpg](https://static.pib.gov.in/WriteReadData/userfiles/image/1(8)M0F8.jpg)
ڈاکٹر جتیندر سنگھ نے کہا کہ سماجی ذمہ داری ہمارے سنسکار اور قدیم ہندوستانی روایت کا حصہ رہی ہے۔ معاشرے کی فلاح و بہبود کے لیے اپنی خدمات پیش کرنے کا جذبہ ہر ہندوستانی فرد میں شامل ہے، لیکن کبھی کبھی اسے ایک ترغیب کی ضرورت ہوتی ہے، ایک آؤٹ لیٹ اور رہنمائی کی ضرورت ہوتی ہے۔
ڈاکٹر جتیندر سنگھ نے کہا کہ سماجی ذمہ داری کی بہترین مثال وزیر اعظم مودی کی جانب سے گیس کنکشن کے متحمل شہریوں سے دی گئی اپیل ہے کہ وہ اپنی سبسڈی کو رضاکارانہ طور پر مستحق اور غریبوں کے فائدے کے لیے سونپ دیں۔ انہوں نے کہا کہ وزیر اعظم مودی کی اپیل کا متاثر کن اثر ہوا اور قلیل عرصے میں 20 کروڑ لوگوں نے سبسڈی چھوڑ دی جو اجولا یوجنا کے استفادہ کنندگان کی مدد کے لیے استعمال کی جاتی تھیں۔
![https://static.pib.gov.in/WriteReadData/userfiles/image/002BGCF.jpg](https://static.pib.gov.in/WriteReadData/userfiles/image/002BGCF.jpg)
ڈاکٹر جتیندر سنگھ نے کہا کہ اسی طرح سوامی وویکانند نے جمشید جی ٹاٹا کو صحت کی دیکھ بھال پر خرچ کرنے کی ترغیب دی تھی جب انہوں نے ٹاٹا انسٹی ٹیوٹ آف فنڈامینٹل ریسرچ (ٹی آئی ایف آر)، نیشنل سینٹر فار پرفارمنگ آرٹ (این سی پی اے) اور ٹاٹا میموریل ہسپتال جیسے اہم ادارے قائم کیے تھے۔ اس بات پر غور کرتے ہوئے کہ معاشرے میں شراکت صرف امیروں اور متمول افراد تک ہی محدود نہیں ہے، ڈاکٹر جتیندر سنگھ نے کہا کہ یہ ہر شہری کا فرض ہے کہ وہ کسی بھی ذریعہ سے معاشرے کی بہتری کے لیے کام کرے۔
![https://static.pib.gov.in/WriteReadData/userfiles/image/03(2)6JQT.jpg](https://static.pib.gov.in/WriteReadData/userfiles/image/03(2)6JQT.jpg)
سائنس کی سماجی ذمہ داری کا ذکر کرتے ہوئے، ڈاکٹر جتیندر سنگھ نے کہا کہ اساتذہ اور سائنس کے ماہرین اپنے تجربے کو محقق بننے اور اسٹارٹ اپس قائم کرنے کے لیے استعمال کر سکتے ہیں۔ اس بات کی طرف اشارہ کرتے ہوئے کہ ہندوستان کا بجٹ سی ایس آر ایکٹ کے تحت 25,000 کروڑ روپے ہے، ڈاکٹر جتیندر سنگھ نے کہا کہ ہندوستان دسویں سب سے بڑی معیشت سے چھلانگ لگا کر پانچویں نمبر پر آگیا ہے اور آج ہم چوتھی سب سے بڑی معیشت ہیں اور 2030 تک ہم دنیا کی تیسری بڑی معیشت ہوں گے۔ ایسی صورت حال میں امید کی جاتی ہے کہ سی ایس آر کا تعاون بھی کئی گنا بڑھ جائے گا۔
"ہم میں سے ہر ایک کو ہر ممکن کوشش کرنے دیں، نہ صرف ہمیں سی ایس آر کی سرگرمیوں میں تعاون پیش کرنا چاہیے، بلکہ دوسروں کو بھی ترغیب دینی چاہیے۔ انہوں نے کہا ہمیں مختلف شعبوں میں معاشرے میں اپنا تعاون پیش کرنے کے طریقے تلاش کرنے چاہئیں اور وکست بھارت @2047 کے لیے انفراسٹرکچر اور ادارے بنانا چاہیے"۔
![https://static.pib.gov.in/WriteReadData/userfiles/image/4(3)LUOD.jpg](https://static.pib.gov.in/WriteReadData/userfiles/image/4(3)LUOD.jpg)
یکم اپریل، 2014 کو، ہندوستان قانونی طور پر کارپوریٹ سماجی ذمہ داری کو لازمی قرار دینے والا دنیا کا پہلا ملک بن گیا۔ کمپنی ایکٹ 2013 کے سیکشن 135 کے قوانین ایک مخصوص کاروبار اور منافع کی کمپنیوں کے لیے یہ لازمی بناتے ہیں کہ وہ گزشتہ تین سالوں کے اپنے اوسط خالص منافع کا 2فیصد کارپوریٹ سماجی ذمہ داری کی سرگرمیوں پر خرچ کریں۔
ہندوستان، جس میں سی ایس آر کا سب سے وسیع طریقہ کار ہے، اس نے استحکام کے اہداف کو حاصل کرنے اور قوم کی تعمیر میں شراکت داروں کی سرگرمی میں ایک معیار قائم کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔
(ش ح ۔ رض ۔ ت ع(
3573
(Release ID: 1995911)
Visitor Counter : 74