ঙসি পাকয়োং য়াকতেন গ্রাম প্রশাসনদা পাংথোকপা থৌরম অমদা পাকয়োংগী দিস্ত্রিক্ত কল্লেক্তর শ্রী তাশি চোপহেলনা ওফিসিয়েল ওইনা ইনফোর্মেসন, এজুকেসন অমসুং কম্ম্যুনিকেসন (আই.ই.সি.) মোবাইল ভেন হৌদোকখ্রে।

ভেন অসিনা খেৎনবা থমদনা সরকারগী স্কিমশিংগী কানবশিং খুঙ্গং খুদিংদা য়ৌহন্নবা পান্দম থম্লিবা লৈবাক শিনবা থুংনা চত্থবা কেম্পেন অমা ওইরিবা বিকসিত ভারত সঙ্কল্প য়াত্রা (ভি.বি.এস.ৱাই.)দা মরুওইবা থৌদাং অমা লৌরগনি।

থৌরম অসি প্রধান মন্ত্রী শ্রী নরেন্দ্র মোদীগী রেকোর্দ তৌরবা পাউজেল অমগা লোয়ননা হৌদোকখি, মদুদা মহাক্না সমাজগী শোত্থরবা সেক্সনশিংদা য়ৌশিনবা অমসুং তোঙান তোঙানবা স্কিমশিংগী মপুং ফাবা কানবা মখোয়না ফংবা ঙম্নবা মহাক্কী লেংদ্রবা ৱারেপ অদু অমুক হন্না চেৎশিনহনখি।

কেন্দ্র সরকারনা পীরিবা আই.ই.সি. ভেন অসিনা কত্থোক্লবা তিমশিংগা লোয়ননা কেন্দ্র সরকারনা ইমপ্লিমেন্ত তৌবা মরুওইবা স্কিমশিং মীয়ামদা খংহন্নবা পাকয়োং জিলা থুংনা চৎকনি। জনুৱারী ১১দগী জনুৱারী ২০ ফাওবা, ভেনশিং অসিনা এৱার্নেস পাক শন্না শন্দোকপা অমসুং মেক্সিমম ইম্পেক্ত অমা ওইহনবগী পান্দমগা লোয়ননা জিলা অসিগী মনুংদা এক্সতেন্সিব এরিয়াশিং কবর তৌগনি।

থৌরম পাংথোক্লিঙৈ মনুংদা শ্রী রোবিন সেৱানা বিকসিত ভারতকী ৱাশক লৌহনখি, শরুক য়ারিবা পুম্নমক্না ৱাশক লৌখি। থৌরম অসিদা জিলা অসিদা লৈরিবা থোইদোক হেন্দোকপা নুপীশিং অমসুং লোকেল স্পোর্তস পর্সোনেলিতীশিংবু ইকায় খুম্নবা উৎপগী অখন্নবা থৌরম অমসু য়াওখি।

বিকসিত ভারত সঙ্কল্প য়াত্রা (ভি.বি.এস.ৱাই.) অসি তোঙান তোঙানবা সিতিজন-সেন্তর্দ স্কিমশিংগী মতাংদা এৱার্নেস হেনগৎহন্নবা কত্থোক্লবা ইনোবেতিব ইনিসিয়েতিব অমনি। মসিগী আউতরিচ এক্তিবিতীশিংগী থোংদা লৈবাক শিনবা থুংনা চত্থরিবা কেম্পেন অসিনা স্কিমশিং অসি পাক শন্না ইমপ্লিমেন্ত তৌবা ঙমহন্নবা হোৎনরি। মখা তারকপদা এক্তিবিতীশিংগী শরুক অমা ওইনা পাকয়োং বজারদা কম্ম্যুনিতীদা লৈরিবা মীপুম খুদিংমক শরুক য়াদুনা লু-নানবগী খোংজং অমা পাংথোকখি। শরুক য়ারিবশিংনা ইনিসিয়েতিব অসিদা এক্তিব ওইনা শরুক য়াখি, মফম চানা দিস্পোজ তৌনবা নিংথিজনা খন্দোকখি।

থৌরম অসিদা বি.দি.ও. পাকয়োং, দি.সি.এস.সি.ও. পাকয়োং, পঞ্চায়ত মেম্বরশিং, পাকয়োং জিলাগী তোঙান তোঙানবা লাইন বিভাগশিংদগী মীহুৎশিং, নেস্নেল দিজাস্তর রেস্পোন্স ফোর্স (এন.দি.আর.এফ.), সেল্ফ হেল্প গ্রুপশিং অমসুং দ্রাইবিং এসোসিয়েসনসু শরুক য়াখি।

*****

(Release ID: 1995714)