پاکیونگ کے ضلع کلکٹر جناب تاشی چوپیل نے آج پاکیونگ یکتین گرام پرشاسن میں منعقدہ ایک تقریب میں باضابطہ طور پر انفارمیشن، ایجوکیشن، اینڈ کمیونی کیشن (آئی ای سی) موبائل وین کا آغاز کیا۔

یہ وین وکست بھارت سنکلپ یاترا (وی بی ایس وائی) میں ایک اہم کردار ادا کرے گی، ایک ملک گیر مہم جس کا مقصد یہ یقینی بنانا ہے کہ ہر گاؤں کو بغیر کسی امتیاز کے سرکاری اسکیموں سے فائدہ پہنچے۔

انہوں نے تقریب کا آغاز وزیر اعظم جناب نریندر مودی کے ایک ریکارڈ شدہ پیغام کے ساتھ کیا، جس میں سماج کے محروم طبقوں تک پہنچنے اور انہیں مختلف اسکیموں کے مکمل فائدے حاصل کرنے کو یقینی بنانے کے لیے اپنے غیر متزلزل عزم کی تصدیق کی گئی۔

مرکزی حکومت کی طرف سے فراہم کردہ آئی ای سی  وین، پورے پاکیونگ ضلع کا سفر کرے گی اور  ڈیڈیکیٹڈ ٹیموں کے ساتھ، عوام کو مرکزی حکومت کی طرف سے نافذ کردہ اہم  اسکیموں سے واقف کرائے گی۔ 11 جنوری سے 20 جنوری تک، یہ وینز ضلع کے اندر وسیع علاقوں کا احاطہ کریں گی، جس کا مقصد وسیع پیمانے پر بیداری  پیدا کرنا اور زیادہ سے زیادہ اثر ڈالنا ہے۔

پروگرام کے دوران، جناب  رابن پی ڈی سیوا نے وکست بھارت کے لیے عہد کرنے میں تمام حاضرین کی قیادت کی۔ اس تقریب میں ضلع کی نمایاں خواتین اور کھیلوں کی مقامی شخصیات کی کامیابی کے  اعزاز میں ایک خصوصی تقریب بھی شامل تھی۔

وکست بھارت سنکلپ یاترا (وی بی ایس وائی) ایک اختراعی پہل ہے جو مختلف شہریوں پر مبنی اسکیموں کے بارے میں بیداری پیدا کرنے کے لیے وقف ہے۔ اپنی آؤٹ ریچ سرگرمیوں کے ذریعے، یہ ملک گیر مہم ان اسکیموں کے وسیع پیمانے پر نفاذ کو یقینی بنانے کی کوشش کرتی ہے۔ مزید برآں، سرگرمیوں کے حصے کے طور پر، پاکیونگ بازار میں ایک صفائی مہم چلائی گئی، جس میں کمیونٹی کے ہر فرد کو شامل کیا گیا۔ شرکاء نے اس پہل میں سرگرمی سے حصہ لیا، کچرے کو مناسب طریقے سے ٹھکانے لگانے کے لئے اسے  الگ کیا۔

پروگرام میں پاکیونگ کے بی ڈی او، پاکیونگ کے ڈی سی ایس سی او، پنچایت ممبران، ضلع پوکیونگ ضلع  کے مختلف لمحکموں کے نمائندے، نیشنل ڈیزاسٹر ریسپانس فورس (این ڈی آر ایف )، اپنی مدد آپ گروپس (ایس ایچ جیز) اور ڈرائیونگ ایسوسی ایشن بھی موجود تھے۔

*******

  ش ح ۔ ف ا ۔رم

U-3520   

(Release ID: 1995417)